სტატისტიკა 2 შუალედური თეორია

Front

კრიტიკული მნიშვნელობები

Back

კონკრეტული რიცხვითი მნიშვნელობები, რომლებიც ადგენენ უარყოფის არის საზღვრებს.
ეს არის კონკრეტული რიცხვები, რომლებიც გვიჩვენებს, როდის უნდა უარვყოთ ჰიპოთეზა.

Front

ეკვივალენტური ჯგუფები

Back

ცდის პირთა ჯგუფები, რომლებიც სავარაუდოდ არ განსხვავდებიან ერთმანეთისგან რაიმე მუდმივი ან სისტემატური მახასიათებლით ექსპერიმენტის დამოუკიდებელი ცვლადის მიწოდებამდე.
ეს არის ჯგუფები, რომლებიც ექსპერიმენტის დაწყებამდე თითქმის ერთნაირები არიან.

Front

მეორე სახის შეცდომა

Back

შეცდომა სტატისტიკური გადაწყვეტილების მიღების დროს, რომელიც გამოიხატება იმით, რომ არ ხდება ნულოვანი ჰიპოთეზის უარყოფა, მაშინ, როცა ის რეალურად მცდარია და ალტერნატიული H1 ჰიპოთეზა კი ჭეშმარიტია.
ეს არის შეცდომა, როცა უნდა უარყო ნულოვანი ჰიპოთეზა, მაგრამ შეცდომით ტოვებ ძალაში.

Front

პირველი სახის შეცდომა

Back

შეცდომა სტატისტიკური გადაწყვეტილების მიღების დროს, რომელიც გამოიხატება ნულოვანი ჰიპოთეზის უარყოფაში, მაშინ როცა ის რეალურად ჭეშმარიტია.
ეს არის შეცდომა, როცა ტყუილად უარყოფ ნულოვან ჰიპოთეზას, რომელიც სინამდვილეში მართალია.

Front

ორმხრივი კრიტერიუმი

Back

სტატისტიკური კრიტერიუმი, როცა უარყოფის არის ასაგებად გამოყენებულია კრიტერიუმის სტატისტიკის შერჩევის განაწილების ორივე კუდი.
შედეგის შეფასებისას გათვალისწინებულია განაწილების ორივე მხარე — როგორც დიდი, ასევე პატარა მნიშვნელობები.

Front

ცალმხრივი კრიტერიუმი

Back

სტატისტიკური კრიტერიუმი, როცა უარყოფის არის ასაგებად გამოყენებულია კრიტერიუმის სტატისტიკის შერჩევის განაწილების მხოლოდ ერთი კუდი.
შედეგის შეფასებისას ვითვალისწინებთ მხოლოდ ერთ მხარეს — ან დიდ, ან პატარა მნიშვნელობებს.

Front

სტატისტიკურად არამნიშვნელოვანი განსხვავება

Back

კრიტერიუმის სტატისტიკის რეალური მნიშვნელობა არ ხვდება უარყოფის არეში და ნულოვანი ჰიპოთეზა არ არის უარყოფილი.
შედეგი არ არის საკმარისად ძლიერი იმისთვის, რომ ჰიპოთეზა უარვყოთ.

Front

სტატისტიკურად მნიშვნელოვანი განსხვავება

Back

კრიტერიუმის სტატისტიკის რეალური მნიშვნელობა ხვდება უარყოფის არეში და H0 უარყოფილია.
შედეგი საკმარისად ძლიერი აღმოჩნდა იმისთვის, რომ ჰიპოთეზა უარყოთ.

Front

სტატისტიკური ჰიპოთეზების თვისებები

Back

ჰიპოთეზები არიან ურთიერთგამომრიცხავნი. ურთიერთგამომრიცხავი ნიშნავს, რომ ორივე ჰიპოთეზა არ შეიძლება იყოს ჭეშმარიტი ერთდროულად. მაგ. შეუძლებელია რომ H0=მიუ=42 სმ და H1≠42 სმ იყოს ერთდროულად ჭეშმარიტი ერთი და იმავე პოპულაციისათვის.
ისინი მოიცავენ პარამეტრის ყველა შესაძლო მნიშვნელობას, რომელიც ჩართულია ჰიპოთეზაში. H0=მიუ=42 სმ და H1≠42 სმ აკმაყოფილებს ამ მოთხოვნას, მათ შორის მოთავსებულია მიუს ყველა შესაძლო მნიშვნელობა ჩვენთვის საინტერესო პოპულაციისათვის.
ჰიპოთეზებიდან მხოლოდ ერთი შეიძლება იყოს მართალი და ისინი ყველა შესაძლო ვარიანტს უნდა მოიცავდეს.

Front

კრიტერიუმის სტატისტიკა

Back

რიცხვი, რომელიც ნულოვანი ჰიპოთეზის შემოწმების საშუალებას გვაძლევს და გამოითვლება შერჩევის მონაცემებზე დაყრდნობით.
ეს არის გამოთვლილი რიცხვი, რომელიც გვეხმარება გადავწყვიტოთ, გავაუქმოთ თუ არა ნულოვანი ჰიპოთეზა.