Basa Sunda kelas Kerjasama Pangajaran 1: Hirup Rukun

Ngaraketkeun Silaturahmi

( Dicutat tina Buku Pangrumat Basa Sunda pikeun Murid SD/MI kelas 2 kaca 4-5 )

Harita teh poe Minggu. Santi jeung indungna indit ka imah nini jeung akina di Majalaya. Nini Santi ngaranna Enin Ecih, ari akina mah ngaranna Aki Somad

Santi jeung indungna indit ka Majalaya numpak mobil. Naekna di terminal Kebon Kalapa. Indit ti imah kira-kira jam dalapan. Nepi ka terminal Majalaya kurang leuwih jam sapuluh. Santi jeung indungna indit angkaribung mawa oleh-oleh rupa-rupa kueh jeung kakaren sejenna.

Sadatangna ka imah nini, kasampak aki keur macul di sawah hareupeun imah. Atuh aki mani sono langsung nangkeup ka Santi jeung ka indungna.

Komo deui sanggeus akina Santi nyahoeun Santi jeung indungna daratang, mani rabul baraya datang saronoeun.

Ampir unggal jelema sasalaman ka Santi jeung indungna. Ceuk nini jeung aki Santi mah, di sabudeureun imah di dieu mah baraya kabeh

Poe eta teh kasono Santi jeung indungna kanu jadi kolot katamplokkeun. Ceuk nini jeung akina, lamun urang boga baraya teh kudu daek nganjang ngarah apal, lamun henteu pareumeun obor, teu wawuh jeung baraya najan masih sarundayan oge. Ku kituna, urang perlu ngaraketkeun silaturahmi.