Laporan Kagiatan

Laporan Kagiatan

A. Wangenan

Numutkeun kamus LBSS lapor nya éta datang ka nu méré tugas nyaritakeun naon nu geus dipigawé. Laporan téh mangrupa hasil atawa naon-naon anu dilaporkeun. Kagiatan nepikeun laporan disebut ngalaporkeun (ngabéjakeun perkara anu kajadian ka dunungan atawa ka alat nagara), ari kagiatan nyusunna disebut nyusun laporan. Laporan kagiatan nyaéta tulisan atawa omongan anu eusina nepikeun gambaran tina hasil kagiatan anu geus dilaksanakeun. Kagiatanana bisa mangrupa kagiatan lalampahan, kagiatan maca,nongton jrrd.

B. Susunanan Laporan Kagiatan

(1) Bubuka

(2) Maksud jeung tujuan kagiatan

(3) Waktu jeung tempat

(4) Pamilon

(5) Waragad (Biaya)

(6) Kagiatan jeung hasilna

(7) Panutup

(8) Lampiran

C. Mangpaat Laporan Kagiatan

• Pikeun pertanggungjawaban ka pihak anu patali jeung kagiatan

  Pikeun bahan Evaluasi

• Arsip pikeun organisasi

• Pikeun bahan Evaluasi

D. Fungsi Laporan

Salina salaku alat pikeun nepikeun informasi, laporan ogé boga fungsi séjénna :

• Keur pertanggungjawaban.

• Alat keur pamingpin pikeun ngalakonan pangawasan.

• Dokumén pikeun bahan ulikan keur anu merlukeun.

• Sumber pangalaman keur batur

E. Wangun laporan

Dumasar kana wanguna, laporan bisa dibédakeun jadi dua jenis nya éta sacara lisan jeung tulisan. Laporan lisan biasana ngan saukur formalitas keur nepikeun informasi ngeunaan kajadian nu lumangsung. Dina kaayaanana laporan lisan téh kudu dibarengan jeung laporan tertulis. Dihandap ieu wangenan laporan lisan jeung tulisan:

1. Laporan Lisan

Laporan lisan mangrupakeun laporan nu ditepikeun langsung ngaliwatan komunikasi lisan antara nu méré laporan (bawahan) ka nu nerima laporan (atasan). Conto laporan sacara lisan nu sering ka tingali nya éta laporan nalika upacara bandéra. Pamingpin upacara nepikeun laporan langsung ka pembina/inspektu upacara.

2. Laporan Tertulis

Laporan sacara tulisan (tertulis) nyaéta laporan nu nepikeunana sacara tertulis. Umumna wangun laporan ieu téh sipatna formal. Dinalaporan tertulis biasana dibéréan ngaran sarta tanda tangan nu nyieun laporan jeung pananggung jawab kagiatan laporan. Jenis-jenis laporan sacara tulisan (tertulis):

• a)  Mémo, mangrupakeun wangun laporan singkat nu eusina nuliskeun hal-hal anu pokokna wungkul (poin-poin penting) nu rék di laporkeun. Biasana memo ditulisna teu lila sanggeus kajadian lumangsung atawa dina pelaksanaan kegiatanna.

• b)  Surat Laporan, wanguna leuwih panjang ti mémo, tapi eusina sarupa jeung mémo nyaéta ngan poin-poin pentingna. Saperti halna mémo, surat laporan ditulis teu lila tina kagiatan anu jadi objek laporan.

• 
  

• c)  Naskah,laporan anu dituliskeun sacara detil dina wangun deskripsi ngeunaan kagiatan nu dilakukeun. biasana ditulis dina sabbaraha lambar kertas, tapi teu loba saperti laporan dina wangun buku. Conto laporan dina wangun naskah téh nya éta Jurnal.

• d) Buku mangrupakeun laporan nu ditulis sacara detail biasana panjang pisan jeung biasana kabagi jadi sababaraha sub-sub bahasan nu husus. Babagian bahasan ieu téh keur ngagampangkeun nu maca laporan. Conto laporan dina wangun buku téh nya éta laporan panalungtikan.