Żagħżugħ ta' Dejjem

Żagħżugħ ta' Dejjem

https://www.youtube.com/watch?v=mtGHH993CgM&feature=emb_logo

F’din il-poeżija, il-Poeta Nazzjonali Dun Karm jipprova jifhem il-ħajja tiegħu. Mill-bidu sal-aħħar f’din il-poeżija l-baħar huwa ppersonifikat għax għandu kwalitajiet umani u l-poeta jarah bħala xi ħaġa li qatt ma tmut. Dun Karm iħares lejn tfulitu b’nostalġija.

Insibu kuntrast bejn il-poeta li xjaħ u l-baħar li huwa “żagħżugħ ta’ dejjem.”

Il-baħar jiksi madwar 70% tad-dinja u dan ikompli jaffaxxina lill-poeta. Għal Malta, bħala gżira, il-baħar għandu tifsira speċjali, mhux biss mill-aspett turistiku u ekonomiku imma anki mill-aspett soċjali. 

Bħall-bniedem, il-baħar għandu l-burdati tiegħu: jaf iħobb waqt li jgħannaq l-“art ħanina” iżda jaf ukoll ikun “kiefer” f’xi maltempata meta l-poeta jgħidlu “taqbad l-iġfien u tilgħab bihom.” Lill-poeta l-baħar jolqtu wkoll meta jkun kalm u jimmaġinah bħal tfajjel innoċenti jilgħab “b’werqa tal-alka.” Għalhekk insibu wkoll kuntrast bejn il-burdati differenti tal-baħar (vjolenti u kalm). 

Dun Karm kiteb din il-poeżija fl-1933. Dun Karm kien jaffaxxina ruħu bid-dehra tal-baħar mhux biss għax kien sensittiv iżda għax missieru għadda ħajtu jbaħħar, l-aktar bejn Malta u l-Greċja u għalhekk Dun Karm ma tantx kien jara lil missieru d-dar. Għalhekk il-baħar jirrappreżenta anki lill-missier il-poeta. 

Din il-poeżija hija:

• Nostalġika

• Tradizzjonali

• Deskrittiva

• L-istrofi huma kwartini

Multiple Choice

Il-baħar jaffetwa lil Malta minn aspett ekonomiku u

• rurali

• turistiku

Multiple Choice

Dun Karm huwa magħruf bħala:

• Il-poeta nazzjonali

• Il-poeta ta' Ħaż Żebbuġ

Multiple Choice

Tip ta' dgħajsa

• Xini

• Bastun

Multiple Choice

X'inhi r-rima abcb

• Imbewwsa

• Imqabbża

• Alternata

Multiple Choice

Il-poeta iħares lejn liema żmien ta' ħajtu b'nostalġija?

• Żgħożitu

• Xjuħitu

• Tfulitu