BOROS KADAZAN DUSUN

BOROS KADAZAN DUSUN

KARAMAYAN TADAU KAGABASAN (Buuk Teks Toun 6 id upa 66, 67)

Basao' teks miampai ponontudukan audio di pinosodia'.

(Baca teks dengan bimbingan audio yang disediakan)

Osuab po om...

Osuab po om nokotounda oku no poinrasuk do rasuk poimbida. Kiwotik do osilou, aragang, obulou om opurak miagal di warana Jalur Gemilang.

Mongoi yahai di ...

Mongoi yahai di tapa ku intong karamayan kagabasan hilo kakadayan. Suminakai yahai do korita Proton Exora. Songinsokot o bondira tonini id korita dahai.

Id tindalanon, ...

Id tindalanon, ogumu korita tokito ku nga okuri i sinakatan do bondira miagal di korita dahai. Soira nokorikot, ogumu no tulun do hilo. Ogumu nogi tutumombului mantad sompogunan miagal do tulun Amerika, China, Jepun om suusuai po.

Songingkakat...

Songingkakat yahai id disan do talun-alun. Ogumu o abaabayan pohoroon ontok Tadau Kagabasan dii. Au alaid, korikot no timpu pokitanan hinuyudan mantad mogisuusuai kotinanan, sikul om koupisan. Ongolumis om oirad o pamaamanau diolo songinbasaan do uniform.

Kopongo nopo...

Kopongo nopo kopokitanan hinuyudan, ongoi no yahai id sulap pokiikitanan kokomoi kagabasan. Kiwaa pokitanan do gambal sejarah kagabasan pogun mantad Koupisan Kointalangan.

"Isai...

"Isai ilo tulun id gambal dilo?" kangku do minuhot di songulun upisol. "Nung orohian ko do mongilo, basao' iti buuk tonini kokomoi dilo tulun," ka disio miampai ngingis di oomis.

Basao' ku no...

Basao' ku no ii buuk. Mantad do buuk dii, noilaan ku do gambal nopo dii nga gambal songulun bontugon pogun i nokohompit id piupakatan kagabasan pogun. Ngaran nopo disio nga i Tun Datuk Haji Mohammad Fuad Stephens. OOndos oku tu nokotutun oku do songulun bontugan i agayo sakadai montok kagabasan pogun.

Sumodop nodi..

Sumodop nodi tadau, ongoi no yahai irikau id sulap pataranan tiinumon om taakanon koubasanan pogun. Mogisuusuai taakanon koubasanan do mogiigion Malaysia pataranon do hilo. Naamot dahai monginum, kokito ku no piipiro bondira Malaysia poingiliu id tana. Ongoyo' ku no ii bondira om pokogoso' ku no id tansar. Pinokogos ku ii mooi do au oulakan do tulun montinalib.

Pogulu do...

Pogulu do minuli, minongoi po yahai hilo id sulap pataranan tutungkap kagabasan pogun. Minomoli oku do iso banat-T om limo rantai potoidan kunsi. Poungkapon ku ii kumaa di tambalut id sungkad tukad ku. Uli no yahai miampai ounsikou ginawo.

Simbaro' ponguhatan di pinosodia'

(Jawab soalan-soalan yang disediakan)

Pilio sisimbar OTOPOT toi ko' KASALA

(Pilih jawapan BETUL atau SALAH)

Multiple Choice

Minanambasaan oku do basaan poimbida om mogisuusuai warana ontok minongoi intong do karamayan Tadau Kagabasan.

• OTOPOT

• KASALA

Multiple Choice

Ogumu tulun mantad pogun suai nokorikot minongoi tanud do mamaramai Tadau Kagabasan id kampung dahai.

• OTOPOT

• KASALA

Multiple Choice

Ogumu o taakanon om tiinumon pataranon id sulap pokiikitanan mantad Koupisan Kointalangan.

• OTOPOT

• KASALA

Multiple Choice

I Tun Datuk Haji Mohammad Fuad Stephens nopo nga songulun bontugan pogun di ogumu sakadai montok kagabasan pogun tokou.

• OTOPOT

• KASALA

Multiple Choice

Pinosuang "ku" id tuung siamut ii bondira nokito "ku" poingiliu id tana.

• OTOPOT

• KASALA

Multiple Choice

Tadau Kagabasan do pogun Sabah nopo nga ontok ...

• 31 Magus 1957

• 31 Magus 1963

Multiple Choice

Ontok ............, nakagabas o Tanah Melayu mantad pomorintaan do British.

• 31 Magus 1957

• 31 Magus 1963

Multiple Choice

Soira o pinonuridangan do Pisompuruan Malaysia?

• 23 Madas 1963

• 31 Magus 1963

• 31 Magus 1957

• 16 Manom 1963