ESP 6_Week 4

ESP 6_Week 4

October 26, 2020

Layunin:

Tamang at wastong paggamit ng impormasyon.

Suriin

Ang mapanuring pag-iisip ay ang hindi padalos-dalos na desisiyon ng isang tao. Dapat ito ay sinusuri nang may sapat na ebidensiya ng sa gayon ay mabigyang diin ang panganangatwiran. Sa pamamagitan ng pamanuring pag-iisip, maiiwasan natin ang mga malig desisyon sa buhay at mabigyan tayo ng ga pag-iingat sa kung anumang bagay o pangyayari na maaari tayong mapabilang. Ito rin ang magbibigay balanse sa kung ano ang tama at mali.

Sa panahon ngayon, nagkalat ng mga iba't ibang impormasyon na maaaring magdulot ng kalituhan lalo na sa panahon ng pandemiya. Maaari tayong makakuha ng impormasyon sa napapanood natin sa telebisyon o patalastas , nababasa sa mg pahayagan o tabloid, at mga advertisements na nakapaskil ssa mga billboards o poste. Marami din tayong mga naririnig na karunungan mula sa radio. Ang mga social media accounts gaya ng Facebook, Twitter, Instagram, at iba pa ay maaari ring pagmulan ng mga kaalaman. Napakahalaga na suriing mabuti ang isang post sa social media bago ito ibahagi o i-share sa iyong social media account. Importante na makita din kung ang pinagmulan ng impormasyong ito ay lehitimong platporma o hindi.

Ang paggabay ng mga magulang, nakakatandang mga kapatid, o mga kamag-anak na mas matanda sa mag-aaral ay kailangan upang makasiguro na ang impormasyong nakukuha ay totoo o wasto. Sa dami ng kaalaman na naglalabasan ngayong panahon ng Pandemiya, magugulumihan talaga ang mga nagbabasa o nakikinig. Subalit, ang pamamatnubay ng mga taosa paligid ng mag-aaral ang mgbibigay liwanag sa mga kataningang naglalabasan. Higit n kaiangan ngayong panahon ng Pandemiya ang impormasyong tunay, totoo, at wasto.

Pagsasanay

Basahin at unawing mabuti ang sumusunod na kuwento.

Pagkatapos ay sagutan sa inyong notbuk sa ESP ang mga tanong.

Babala: Fake News!

Si JK ay nasa ikaanim a baitang na. Binigyan siya ng cellphone ng kanyang mga magulang bilang regalo noong kanyang kaarawan. Nagkaroon siya ng iba't ibang account sa social media. Napakarami niyang nakilalang kamag-anak na nasa malayong lugar dahil sa social media. Nging updated din siya sa mga nangyayari sa paligid. Nagkaroon din siya ng maraming kaibigan.

Isang araw, may kumalat na post na may bomba daw na nakatanim sa ilalim ng Barangay Hall nila. Nanginginig niyang tinawag ang kanyang mga magulang at pinakita ang nasabing post. Buti na lang at agad itong naitawag sa mga namumuno na nasa Barangay Hall. Umaksiyon naman ang mga opisyal ng kanilang barangay at nagpatawag ng Bomb Squad. Ayon sa Bomb Squad, walang natuklasang bomba na nakatanim sa kanilang Barangay Hall. Fake news pala ang post.

Gayun pa man, nagpasalamat pa rin ang mga opisyal ng kanilang barangay dahil nalinaw ang kumalat na fake news sa social media.

Sagutin ang mga sumusunod na tanong. Isulat ang sagot sa inyong notbuk sa ESP.

• Ano ang natanggap na regalo ni JK noong kaarawan niya mula sa kanyang mga maulang?

• Ano-ano ang kanyang nagawa gamit ang regalong ito?

• Anong balita ang kualat na nagdulot ng pangamba sa kanila?

• Bilang isang anak, tama ba ang ginawa ni JK? Magbigay ng paliwanag tungkol sa iyong kasagutan.

• Anong aral ang iyong napulot mula sa Kwento?

Salamat po!