ESP November 25

ESP November 25

Mapanagutang Pagpapasiya, Gabay Tungo sa Pangkalahatang Kabutihan

Alamin

Maligayang Pagbati! Ikaw ay nasa Modyul 4 na ng Edukasyon sa Pagpapakatao sa Baitang 6! Kawiwilihan mo ang nilalaman ng modyul sa Unang Markahan, Ikaapat na Linggo. Ito ay ginawa upang magbigay ng suplementaryong

kagamitan sa iyo bilang gabay sa pag-aaral sa mga paksa sa Edukasyon sa Pagpapakatao 6 na binubuo ng mga aralin na kinakailangang matapos sa loob ng isang linggo.

Pagkatapos ng araling ito inaasahan an:

1. Nakapagsang-ayon sa pasiya ng nakararami kung nakabubuti ito

(EsP6PKPIa-i– 37)

a. Nakatutukoy ng mga pag-uugali kaugnay sa pagiging makatuwiran

nang makabuo ng pasiya para sa ikabubuti ng nakararami.

Ano ang makatuwirang paraan para sa ikabubuti ng nakararami? Tingnan ang

larawan sa ibaba. Sa iyong palagay, masusunod kaya ang kagustuhan ng isang

mag-aaral? Bakit?

Tuklasin

Open Ended

1. Anu-ano ang iyong nakikita sa larawan?

Open Ended

2. Ano ang iyong gagawin kung ang iyong mga kamag-aral ay hindi sang-ayon sa iyong ninanais na mangyari?

Open Ended

3. Dapat mo bang ipilit ang sariling gusto kahit ito ay hindi nakakabuti sa nakararami? Ipaliwanag ang iyong sagot.

Suriin

Isa sa mga mahalagang tungkulin ng mga kabataan ay ang pagsunod ng mga tamang hakbang sa paggawa ng mga desisyon sa ikabubuti ng sarili, pamilya, maging para sa ikabubuti ng lahat. Sa kasalukuyang sitwasyon na kinakaharap, isang malaking hamon sa bawat isa ang pagsasagawa ng tamang desisyon sa mga landas na tatahakin. Isa sa mga katangian na dapat isabuhay ng mga kabataan upang maisagawa ang tamang desisyon ay ang pagiging makatuwiran. Ngunit, paano mo maisasabuhay ito upang ikaw ay makagawa ng matalinong pasiya?

Ang mga sumusunod ay mga suhestiyon upang makagawa ng matalinong

pagpapasiya:

•  Tiyakin kung anong problema ang gagawan ng pasiya.

  
  

•  Itala ang mga impormasyon at magtakda ng batayan sa gagawing pasiya.

  
  

•  Ipunin ang mga pagpipilian para makabuo ng mabuting pasiya.

  
  

•  Alamin ang mga kabutihang naidudulot sa pasiyang gagawin at

  maging ang mga negatibong epekto nito.

  
  

•  Gagawa ng pasiya at maging handang panindigan ito.

Open Ended

_____1. Sa panahong nahaharap ako sa mga pagsubok sa buhay, inaalam ko ang mga pagpipilian upang ako ay makabuo ng mabuting pasiya.

Open Ended

_____3. Bago ako gumagawa ng isang pagpapasiya, sinusuri ko ang mga pagpipilian sa gagawing pagpapasiya.

Isaisip

Ang pamilya ay isang pag-uugnayan ng mga tao na binubuo ng magulang at mga anak at maging ng mga kamag-anak. Ang unang tungkulin ng pamilya ay ang maisabuhay nang tapat ang tunay na ugnayan sa isa’t isa. Sa pakikipag-ugnayan sa ating pamilya maging sa ating kapwa tao, kinakailangan natin ang pagkakaroon ng mapanuring pag-iisip. Ang pagkakaroon ng mapanuring pag-iisip ay ang pag-alam sa tiyak na suliranin, pagsusuri sa mga pasiyang pagpipilian at pagkakaroon ng paninidigan sa desisyong napili. Sa paggawa ng anumang desisyon mahalaga ang pagsunod sa mga tamang hakbang upang makamit ang ikabubuti para sa nakararami.

Isagawa

Basahin ang mga sitwasyon sa susunod na pahina. Pagkatapos, isulat sa ang iyong sagot o tugon sa bawat sitwasyon.

Open Ended

1. Nagyaya ang iyong kaibigan na si Carl na maglaro ng basketbol dahil wala naman kayong pasok. Ngunit alam mong araw iyon ng Sabado kaya inaasahan ka ng iyong ina na tutulong sa mga gawaing bahay.

Nagdadalawang-isip ka kung sasama kay Carl o susunod sa utos ng iyong ina. Ano ang iyong gagawin?

Open Ended

2. Nagpaplano ang iyong mga kaklase na tapusin ang paglagay ng mga palamuti sa iyong silid-aralan habang nagkakaroon ng miting ang mga guro. Alam ng iyong mga kaklase na ang inyong gagawin ay lubos na ikaliligaya ng inyong guro dahil papalapit na rin ang pagsusuri at pag-iinspeksiyon ng mga silid-aralan. Ngunit sinabi mo sa iyong mga kaklase na ipagpabukas na lang ang plano at ikaw ay nagyaya na manunuod muna ng palabas habang hinihintay matapos ang miting ng mga guro. Ang iyong mga kaklase ay hindi sang-ayon sa iyong sinasabi dahil kabilin-bilinan ng iyong guro na huwag manuod ng anumang palabas habang wala siya. Ano ang iyong gagawin?

Open Ended

3. Dahil sa community quarantine na ipinatutupad ng gobyerno dala ng panganib sa magiging epekto ng Covid-19, ipinagbabawal ang paglalabas ng bahay ng mga kabataan na wala pang dalawampong taong gulang kagaya mo. Ang kasalukuyang sitwasyon ay ipinaliliwanag din ng iyong magulang tulad ng posibleng pagkahawa ng sakit sa mga taong positibo nito kung patuloy na naglalabas ng bahay. Sa iilang buwan na pananatili mo sa loob ng bahay, ikaw ay nababagot na at gustong gusto mo ng lumabas ng bahay. Naisip mo na pumunta sa bahay ng iyong pinsan sa kabilang barangay upang maglaro ng online games. Alam mo ang posibleng kahahantungan kung sakaling mahuli ka ng mga pulis dahil sa paglabag sa batas. Ano ang iyong

gagawin?