Практикалық жұмыс №4. «Киімдегі дақты жою»

Практикалық жұмыс №4

«Киімдегі дақты жою»

Киімге түскен дақты кетіру жолдары

Кейде киімімізде кетуі қиын дақтар пайда болады. Мысалы байқаусызда үстіңізге шырынды төгіп алдыңыз делік. Оны әдеттегі ұнтақтың көмегімен кетіру өте қиын. Сондықтан, кез келген дақты кетіруге көмектесетін бірнеше кеңес ұсынамыз.

Шөп

Жаңа түскен дақты әтірмен сүртіңіз. Ал, ескі дақты 30 мл әтір мен 10 мл мүсәтірдің қосындысымен тазалаңыз.

Тер

Мақта мата болса, сірке қышқылының көмегіне жүгініңіз. Ал, жібек матадағы дақты спирт ерітіндісінің көмегімен кетіруге болады.

Ол үшін 1 стақан суға 1

ас қасық сірке суын қосыңыз.

Сағыз

Сағызды тырнақпен немесе өзге үшкір затпен қыруға болмайды. Оны киімнен алу үшін тоңазытқышқа салу керек.

Шоколад

Кір жуатын легенге 1 литр суға 1 ас қасық тұз салыңыз. Артынша кірді дайын болған қоспада жуыңыз.

Өсімдік майы

Дақтың үстіне тіс жууға арналған ұнтақты сеуіп, 2-3 сағатқа қалдырыңыз. Артынша ұнтақты щетканың көмегімен кетіріңіз

Шырын

Жарты стақан суға 1 шәй қасық сутек тотығын қосып араластырыңыз. Аталған қоспамен дақты сүртіп, суық сумен шайыңыз

Ерін далабы

Дақтың үстіне бураны (техникада, медицинада қолданылатын борлы қышқыл натрий) себіңіз. Артынша щеткамен немесе шүберекпен тазалаңыз. Матаны сабынның көмегімен жуып, жақсылап шайыңыз.

Шашқа арналған бояу

Мұндай дақтарды кетіру үшін сутек тотығы мен мүшәтір спиртін бірдей көлемде араластырыңыз. Артынша осы қоспамен дақты сүртіңіз.

КИІМДЕГІ КІРДІ ОҢАЙ КЕТІРУ ҮШІН…

• Қысқы жүн киімдерді жуғанда соңғы шаятын суға бір шай қасық глицерин қосыңыз. Сонда жүн киімдер жұмсарады.

• Ал машинада түрлі түсті киімдерді жуар болсаңыз, суға 2-3 ас қасық кәдімгі тұз салыңыз. Сонда киімдердің түсі оңып кетпейді әрі бояуы да айқындала түспек.

  
  

• Синтетикалық тіннен жасалған киімдер үнемі дұрыс күтімді қалайды. Табиғи талшықтан жасалған бұйымдардан гөрі оны жиі жуып-тазарту қажет. Егер көйлек 3-4 рет киілген болса, оны жуу керек. Себебі, тіннің жылдам электролизденуі шаң бөлшектерін көбірек тартады, ал синтетикалық талшықтардың теріден бөлінетін май мен терді сіңіретін қабілеті киімнің тез ластануына жол береді.

  
  

• Жүннен жасалған тоқыма (трикотаж) бұйымдарды жуғанда суға бір ас қасық ас содасын қоссаңыз, түр-түсін келтіріп, тер исін жояды. Одан кейін киімді жақсылап шайыңыз.

  
  

ДАҚ ТҮССЕ ЕГЕР КИІМГЕ…

• Майлы бояу тиген жерді бензин, ацетон, скипидарды тең мөлшерде араластырған қоспамен сүртсеңіз, жақсы кетеді.

• Киімге жаңа төгілген сия дағын сүтпен кетіруге болады.

  
  

• Пиджактың немесе плащтың жаға-жеңін мүсәтір спиртімен сүртсеңіз, жақсы тазарады.

  
  

• Замш туфлиді мүсәтір спирті қосылған суға шүберекті малып, сонымен сүртіңіз. Сосын резеңке щеткамен немесе зімпара (наждак) қағазымен үйкеңіз.

• Түсті киімдерге тең бөліктегі глицерин мен үгітілген сабын қоспасын пайдаланыңыз. Бұл қоспаға біркелкі араласуы үшін азғантай су қосып, оны дақ түскен жерге жағып, бір тәуліктен соң сумен шайып аласыз.

ҮТІКТЕН ҚАЛҒАН ДАҚТЫ КЕТІРУДІҢ ЖОЛДАРЫ

• Киіміңізді үтікке күйдіріп алған жағдайда, киімдегі дақ терең болмаса, арасына уақыт салмай кір сабынмен жуыңыз

• Киімдегі үтіктен қалған дақты сумен сулап, үстіне ас со­дасын сеуіп қойыңыз. Сода сің­ген соң, дақты шетінен орта­сына қарай ысқышпен абай­лап тазартыңыз. Егер дақ толық­тай кетпесе, әдісті қайтадан қайта­лаңыз.

• Жоғарыдағы әдістер көмек­теспесе, дақты жылы сумен сулап, үстіне тұз себіңіз. Мата кепкен соң, матаны тұздан щеткамен тазартыңыз.

  
  

  Үтіктен қалған дақты кетірудің тағы бір жолы − даққа лимон шырынын құйып, үстіне қант ұнтағын себу. Қоспа кепкен соң, оны жылы сумен жуыңыз. 

• 2:1 қатынаста сірке суын және қарапайым суды аралас­тырып, қоспаға киімді салып қоямыз. Біраз уақыттан соң жуып аламыз.

• Үтіктен қалған дақты кетіруге сутегі тотығы да көмектеседі. Ол үшін даққа сутегі тотығын құйып, кептіресіз. Содан соң киімді қарапайым жолмен жуып алу қажет.

  
  

Multiple Select

Кофе мен шие шырынының дағын қалай кетіреді?

• Сутек тотығын қосу

• Калий перманганатын қосу

• Тұзды сумен жуу

Multiple Select

Сары май дағын қалай кетіруге болады?

• Бензинмен

• Соляр майымен

• Керосинмен