Журналистика

Заманалы журналистика

Кәкен Қамзин.

Мен ұлттық журналистикаға қызмет етемін!

Заманалы журналистика билікпен, әкімшілікпен тайсақтамай тілдесе алса ғана - ол «төртінші билік». Ол, әлбетте, әр журналистің өзіндік талғамы мен азаматтық ұстанымына тікелей пропорционал.

Осы орайда, журналистерді қалыптастыратын оқытушылардың сапалық құрамын ұйыстыруда, ежелден келе жатқан шынайы, таза конкурстық жүйені қайтадан қалпына келтірген жөн.

Праймериз ұйымдастырып - ұжым мен студенттер алдын-ала дауыс беріп, белгілі бір тұлғаға көзқарасын білдіргені абзал. Ол сол ортаға сіңімділікті, бедел-берекетті анықтайды. Менің жеке пікірім: дүрмекке ілесіп алаөкпе бола бергенше, журналистика саласында нағыз университеттік толымды білімге, бес жылдық бағдарламаға қайта көшкен жөн. 

Қазіргі кезде мерейі үстем болып тұрған кредиттік жүйенің өзіндік артықшылықтары мен кемшіліктері де баршылық.

• Артықшылықтары: оқытушылар мен студенттердің мобилизмі, жаупкершілігі артты, электронды оқулықтар мен оқу құралдары жарыққа шыға бастады, дистанциялық білім беру жолға қойылды, видеодәрістер, виртуалды зертханалық сабақтар жүйеленуде, оқытушылар шет тілін үйренуге ден қойды, халықаралық ғылыми байланыстар күннен күнге артып келеді. 

• Сонымен қабат әзірге үдеріс жолындағы кредиттік әдістің өзіміздік нұсқасының кемшін тұстары да, түзетер тұстары да аса мол: студент пен оқытушының ертеден қара кешке дейін аудиториядан шықпауы шығармашылық ұмтылысты тежейді. Ондай асқын салмақты ешбір тән де, жан да көтере алмайды, алты сағаттан кейін қандай данышпан дәріскердің болсын лекциясын студент миы сіңіре алмайды. 

Fill in the Blank

Заманалы журналистика жайында пікіріңіз...

Poll

Жоғарыда келтірілген кредиттік жүйенің артықшылықтары мен кемшін тұстарына келісесіз бе?

• ИӘ

• ЖОҚ

• БӘРІБІР

-----

Қай заманда болмасын публицистика мен журналистика - тарихи үдеріс жемісі, әрі стратегиялық, әрі тактикалық қару. Жалпы тарихи эволюция үздіксіз десек, қазақ тарихы да үздіксіз, біртұтас. Қазіргі күні тарих идеологиялық текетірес құралына айналды. Ал тарих ұлттың өзіндік санасымен тікелей байланысты. Халықтың өзіндік санасы бұқара іс-әрекетіне әсер етер пәрменді фактор. 

Біздің ұлттық тарихтан айрылғанымыз - даралықтан айрылғанымыз - даралықтан айрылғанымыз - иммунитеттен айрылғанымыз, ұлттық даналықтан, ұлттық танымнан жұрдай болғанымыз.