FILIPINO 7 KABANATA 3 Aralin 1

FILIPINO 7

KABANATA 3

Aralin 1

ARAKIN 1

Ang Sariling Wika (Tula)

Pamantayang Pangnilalaman

Ako ay. . .

      naipamamalas ang pag-unawa sa mga akdang pampanitikan ng Luzon

Pamantayan Sa Pagganap

Ako ay. . .

   maisasagawa ng komprehensibong pagbabalita (news casting) tungkol sa sariling lugar

LAYUNIN

-Naipaliliwanag ang kahulugan ng salita sa pamamagitan ng

pagpapangkat 

-Naipaliliwanag ang kahalagahan ng paggamit ng

suprasegmental (tono, diin, antala), at mga diberbal na palatandaan (kumpas, galaw ng

mata/ katawan, at iba pa) sa tekstong napakinggan

Open Ended

1· Bilang kabataan, paano mo maipakikita ang iyong pagpapahalaga at pagmamalaki sa wikang Filipino at katutubong wikang ginagamit sa lugar na iyong kinalakihan?

TEORYA NG WIKA 

TEORYA NG WIKA

Sa paksang ito, tutuklasin natin ang iba’t ibang teorya ng wika na ma basehan kung saan nagsimula ang wika.

Pero bago natin silang kilalanin, ano ba ang teorya?

Teorya

Ang teorya ay isang siyentipikong pag-aaral ng iba’t ibang paniniwala ng mga bagay-bagay na may batayan pero hanggang ngayon, hindi pa napapatunayan ng lubos.

Mga iba’t ibang mga teorya ng wika

1. Teoryang Bow-wow

Isang teoryang ginagayaang mga tunog na nililikha ng mga hayop gaya ng tahol ng aso, tilaok ng manok, atbp.; at ng mga tunog ng kalikasan kaya ng ihip ng hangin, patak ng ulan, atbp. Marahil ito ang dahilan kung bakit ang tuko at tinatawag na tuko dahil sa tunog na nalilikha nito.

2. Teoryang Ding-dong

Itinutukoy nito ang mga sariling tunog ng lahat ng bagay sa kapaligiran tulad ng tsug-tsug ng tren o tik-tak ng orasan.

3. Teoryang Pooh-pooh

Tinutukoy nito sa mga paggamit ng bibig, na kung saan nililikha ang mga tunog na galing sa dala ng emosyon tulad nga saya, lungkot, galit, atbp.

Halina’t iyong tunghayan ang tulang isinulat sa wikang Kapampangan ni Monica R. Mercado na may pamagat na “Ina AManung Siswan” na isinalin sa Filipino ni Lourdes C. Punzalan na may pamagat na “Ang Sariling Wika” na nagsasaad kung gaano kahalaga ang wika ng isang lugar o bansa.

Ang Sariling Wika

Ang sariling wika ng isang lahi

Ay mas mahalaga sa kayamanan

Sapagkat ito’y kaluluwang lumilipat

Mula sa henerasyon patungo sa iba

Nangangalap ng karanasan, gawi,

Pagsamba, pagmamahal, pagtatangi at pagmithi.

Nais mo bang mabatid layunin ng kanyang puso,

Ang kanyang mga pangarapin.

Mainit na pagmamahal na sa puso’y bunubukal

Kasama ng mahalagang layuning nabubuo sa isipan?

Pakinggan ang makahulugang gintong salita

Na sa kanyang bibig ay nagmumula.

Minanang wikang itinanim sa isipan

Iniwan ng ninuno, tula ng iniingatang yaman

Pamanang yamang di dapat pabayaan

At dapat pagyamanin ng mga paghihirap

Para sa kaunlaran, di dapat masayang

Tulad ng halaman na natuyot at nangalagas sa tangkay.

Minana nating wika’y

Maihahambing sa pinakadakila

Ito’y may ganda’t pino,

Aliw-iw at himig na nakakahalina

Init nito’t pag-ibig mula sa musa

Pagpapahayag ng pagmamahal ay kanyang kinuha.

Wikang Kapampangan, buo ang iyong ganda

Ang himig ng iyong tunog

Tulad ng pagaspas ng bagwis ng mga ibon

Tulad ng awit na likha ng brilyanteng makinang

Tulad ng lagaslas na himig ng tubigan

Tulad ng awit ng malamig na hanging amihan.

Wikang Kapampangan, ikaw ay mahalaga

Sa lahat ikaw ay maikokompara

Ikaw ang mapagmahal at matamis na pahayag ng pag-ibig

Tulad mo’y walang katapusang awit

Ang lahat sa iyo ay tulad ng bumubukang bulaklak.

Ang tulang ito ni Don Monico R. Mercado ay isinalin sa Tagalog mula sa wikang Kapampangan. Ito ay itinagalog ni Lourdes Punzalan.

https://www.tagaloglang.com/ang-sariling-wika/

1.   Bakit itinuturing na ang isang wika ng lahi ay mas mahalaga pa sa kayamanan?

Gawain 1: Kaalaman

Panuto: Tukuyin ang kasingkahulugan ng salitang nakasulat nang pahilig sa pangungusap. Bilugan ang titik ng tamang sagot.

Multiple Choice

1.Ang wika sa bansa ay dapat pagyamanin sapagkat ito ang kaluluwa ng lahi natin.

• ituro sa mga banyaga

• panatilihin

• palakasin

• paunlarin

Multiple Choice

2. Mula sa ating puso ay bumubukal ang wagas na pagmamahal sa ating Inang-bayan gamit ang mga salitang kay sarap pakinggan.

• dumadaloy

• naririnig

• namamayani

• sumisigaw

Multiple Choice

3.Kailangang mabatid ng bawat Pilipino na ang wika at tulad ng isang gintong pamana sa atin ng ating mga ninuno.

• maipagmalaki

• maipalaganap

• malaman

• pahalagahan

Multiple Choice

4. Ang sariling wika ng isang lahi ay may taglay na aliw-iw at himig na kahali-halina.

• bigkas

• indayog

• katangian

• hugis

Multiple Choice

5. Ang himig ng ating wika ay kawangis ng pagaspas ng bagwis ng mga ibon sa himpapawid.

• A. pagkampay ng pakpak ng lumilipad na ibon

• B. matamis na huni ng mga ibon

• C. bilis ng paglipad ng ibon

• D. paglipad papaitaas ng ibon sa alapaap

Maraming Salamat sa pakikinig....