ESP WEEK 3 DAY 1

ESP WEEK 3 DAY 1

Naipakikita ang kahalagahan ng pagiging responsible sa kapwa sa pamamagitan ng pagiging matapat.

TANDAAN

Ang pagiging matapat ay nangangahulugan ng paggawa ng tama. Dapat magingmatapat tayo sa lahat ng bagay. Maging tapat tayo sa ating sarili ,sa ating salita, sa gawa at pagiging responsable sa ating kapwa. Ito’y nangangahulugan ng paggawa ng tama. Ang pagiging matapat ay ang pag-amin ng ating kasalanan o kamalian. Ito ay nagsasabi ng totoong nangyari. Ang pagiging matapat ay may magandang idulot saating sarili at isipan.Sabi nga sa logo ng DEPED:“ HONESTY IS THE BEST POLICY”

Basahin natin ang maikling kuwento.

Isang araw, si Aling Eva at ang kaniyang anak na si Bernadeth ay pumunta sa palenkge. Mamimili sila ng kanilang gagamitin para sa darating na fiesta sa kanilang baranggay. Habang naglalakakad ang mag-ina ay may naapakan na pitaka si Bernadeth. Dali dali niya itong dinampot at binuksan ang pitaka. Hindi ito napansin ni Aling Eva dahil may nakasalubong siya na kakilala nito.

Kinabahan si Bernadeth ng buksan niya ang pitaka. Maraming lamang pera , may mga I.D’s at mga calling cards. “ Naku , ang daming pera!’ bulong ni Bernadeth sa kaniyang sarili. “ O, anak, bakit putlang putla ka? ” sambit ng kanyang nanay. 

Ipinakita ni Bernadeth ang napulot niyang pitaka sa kaniyang nanay.” Nanay , may napulot po akong pitaka kanina habang naglalakad tayo.” Ang sabi ni Bernadeth. “ Naku, anak kailangan natin maibalik yan pitaka sa tunay na may ari.” “ Halika, pumunta tayo sa sa may malapit na istasyon ng pulis.” Sabi ng kanyang nanay. 

“Sir, may napulot po ang ang anak ko na pitaka, gusto po sana naming ibalik ito sa may ari. Kaso lang hindi po naming alam kung paano maibalik ito sa may ari” ang sabi ng knayang nanay sa pulis. “ Sige po nanay, tatawagan natin ang taong may ari ng pitaka na ito.”sambit ng isang pulis. Maya maya dumating na ang may ari ng pitaka.” Naku, maraming Salamat po sa inyo. Hulog po kayo ng langit. Kanina ko pa po ito hinahanap kasi perang ito pambayad sa ospital sa anak ko na naka confine ngayon. Maraming maraming sa mabuting kalooban mo “ang sabi ng may ari ng pitaka. Masayang masaya na umuwi sila Aling Eva at Bernadeth dahil napatunayan ni Aling Eva ang pagiging matapaat sa kapwa.

Open Ended

Kung ikaw si Aling Nena, Bernadeth at ang pulis, gagawin mo rin ba ang ginawa nila? Paano at Bakit?

Open Ended

Ano ang natutunan mo sa kuwentong iyong binasa ?