ESP 6 WEEK 4

ESP 6 WEEK 4

Nakapagpapakita ng paggalang sa ideya o suhestyon ng kapwa 

Bahagi ng pakikipagkapwa ang pakikinig. Ang pagpapahalaga at paggalang sa ideya o mungkahi ng ating kapwa ay maaaring gawin sa pamamagitan ng sumusunod:

1. Sikaping Unawain ang Pananaw ng Ibang Tao.

Tingnan ang mga isyu mula sa kanilang pananaw. Maging bukas ang isipan sa sinasabi ng kapwa. Sa pagkakataong hindi ka sumang-ayon ay huwag isantabi ang kanilang ideya o mungkahi. Tandaan na maraming bagay tulad ng karanasan, pamilya, at kultura ang maari nakaimpluwensya sa kanyang pananaw. Pareho man o magkaiba ang inyong ideya, lagging isaisip na may Karapatan ang bawat isa sa atin na ilahad ang sariling salobin at pananaw. Ito ay galangin natin.

2. Maging Mahusay na Taga-Pakinig.

Ang aktibong pakikinig ay pagpapakita na iginagalang mo ang kanilang mga ideya o mungkahi. Ugaliing tumahimik kapag naglalahad ng ideya ang iyong kapwa upang mapakinggan Mabuti ang kanilang sinasabi. Kahit sa pagkakataon na hindi ka sumasang-ayon, sikaping unawain ang kanilang mungkahi bago tumugon dito.

3. Magtanong Upang Lubos Mong Maunawaan Ang Nais Ipahayag Ng Kapwa.

Ang pagtatanong ay nagpapakita ng iyong interes sa kanilang mga ideya. Ito ay paraan upang lubos mong maunawaan ang dahilan at pinanggalingan ng kanilang ideya o mungkahi. Ang pagtatanong ay daan sap ag-unawa sa kanilang mga saloobin at kaisipan.

4. Maging Magalang sa Pagbibigay ng Iyong Reaksiyon sa Ideya o Mungkahi na Sinabi ng Kapwa.

Kung sakaling hindi ka sumasang-ayon sa inilahad na ideya ay dapat maging magalang sa pagsalungat. Ilahad ito sa maayos na paraan sa pamamagitan ng maayos na pakikipag-usap. Huwag gumamit ng mga salita na makasasakit sa kapwa. Iwasan ang pagbibigay ng nakakainsultong komento o pagsigaw. Manatiling kalmado at huwag Page 9 of 15 magpadala sag alit o pagkainis. Mahinahong tanggapin ang mungkahi ng iba. Ito ang pinakamahalagang bagay na magagawa mo upang maiwasan ang hindi pagkakaunawaan.

TANDAAN NATIN

• Lahat ng tao ay may pangangailangan na tratuhin siya ng may paggalang.

• Ang paggalang ay pagpapakita ng pagpapahalaga sa saloobin at mga pananaw ng iba. 

• Bahagi ng pakikipagkapwa ang pakikinig sa kuro-kuro, pananaw, at ideya ng iba. Pahalagahan at igalang ang opinyon ng kapwa para mapanatili ang mabuting ugnayan sa kanila.

Multiple Select

. Basahin ang mga pangungusap. Piliin ang mga sitwasyon nagpapakita ng paggalang.

• Iniwasan ni Loy ang mga kamag-aral niya nang magkamali siya sa pagsagot.

• Nakangiting pinakikinggan ni Arlyn ang mga idea ng kaniyang kapangkat.

Multiple Select

. Basahin ang mga pangungusap. Piliin ang mga sitwasyon nagpapakita ng paggalang.

• Hinihikayat ni Susan ang kaniyang mga miyembro na magbigay ng kanilang mga opinyon.

• Pinagtawanan si Danny ng mga kamag-aral niya nang nagkamali siya nang pagsagot.

Multiple Select

. Basahin ang mga pangungusap. Piliin ang mga sitwasyon nagpapakita ng paggalang.

• Isinasaalang-alang nina Edgardo ang mga opinyon ng nakatatanda at nakbabata ukol sa pistang magaganap sa kanilang lugar.

• Hindi pinansin ni Ana ang ideya ni Carlo.

Multiple Select

. Basahin ang mga pangungusap. Piliin ang mga sitwasyon nagpapakita ng paggalang.

• Lumapit sina Jessy sa kanilang dating guro upang humingi ng ideya ukol sa gagawin nilang programa para sa kanilang punong-guro.

• Sumama ang loob ni Carlo nang hindi isinama ang kaniyang ideya sa pagbuo ng kanilang proyekto sa Araling Panlipunan.

Multiple Select

. Basahin ang mga pangungusap. Piliin ang mga sitwasyon nagpapakita ng paggalang.

• Hindi tinanggap nang maluwag ni Malou na hindi maisasama ang kaniyang ideya sa palno ng kanilang klase.

• Binuo nina Jesiebelle ang kanilang tula tungkol sa kanilang mga magulang sa pamamagitan ng pagsasama-sama ng kanilang magagandang karanasan.

Multiple Select

. Basahin ang mga pangungusap. Piliin ang mga sitwasyon nagpapakita ng paggalang.

• Hindi tinanggap nang maluwag ni Malou na hindi maisasama ang kaniyang ideya sa palno ng kanilang klase.

• Binuo nina Jesiebelle ang kanilang tula tungkol sa kanilang mga magulang sa pamamagitan ng pagsasama-sama ng kanilang magagandang karanasan.