Filipino 6

Aralin

Sa Pagiging Masipag

Sa Pagiging Masipag

Iyang kasipagan ay malayo ang mararating

Lalo na't kaakibat ang tiyak na layunin

Kaunlarang nais ay makakamit din

Kasabay ng isang taimtim na dalangin.

May mga patunay sa tunay na buhay

Panaho'y ginugugol sa tamang paraan,

At ang ginagawa'y makabuluhang bagay

Sa pag-unlad ng sarili pati sa pamilya man.

Sa Pagiging Masipag

Nasa isip at puso niya yaong paggawa

Hindi ningas-kugon at hindi sa salita

Kanyang natatapos nang maayos at tama.

Isang karangalan ng pamilya't bansa.

May pagliliwaliw rin siya kung minsan

Ngunit ang kasipagan ay nasa katauhan

kaya't di maitatawag kagigiliwan

Ng pamilya't kapwang sa kanya'y nagmamahal.

Linangin

Ibigay ang kahulugan ng salitang may guhit sa pangungusap.

Palawakin

A. Sagutin ang mga tanong.

B. Sagutin kung tama o mali ang mga pangungusap.

C. Ipaliwanag.

Open Ended

Ano ang kaakibat ng kasalanan?

Open Ended

Paano ginugugol ng masipag ang panahon?

Open Ended

Ano ang hindi ningas-kugon?

Open Ended

Bakit ginagigiliwan ang masipag?

Open Ended

Ano ang kasipagan para sayo?

Multiple Choice

Malayo ang mararating ng kasipagan.

• tama

• mali

Multiple Choice

Hindi na nagliliwaliw ang taong masipag.

• tama

• mali

Multiple Choice

Kinagigiliwan ang taong masipag.

• tama

• mali

Multiple Choice

Ang ningas kugon ay may natatapos na gawain.

• tama

• mali

Multiple Choice

Iniisip ng masipag ang pag-unlad ng sarili at ng pamilya.

• tama

• mali

Open Ended

Taglay mo ba ang pagiging masipag? Sa paanong paraan?

Pansinin

Magandang umaga sa inyong lahat. Ako ay mag-uulat sa inyo tungkol sa isang bisyong nakakasira sa kabataan---- ang droga. Ito ay isang salot sa atin. Ang ganito ay hindi lamang suliranin ng pamilya kundi maging ng lipunan. Maraming kabataan na ang nalulong sa bisyong ito, napariwara ang buhay, at hindi na nakapagpatuloy pa ng pag-aaral. Sinasabing tayo ang pag-asa ng bayan kaya't upang hindi masira ang ating buhay, iwasan natin ito hangga't maaga.

Paano ka mag-ulat? katulad din ba ng kanyang pag-uulat?

Isipin

Isang kasanayan ang pag-uulat. Sa pag-uulat ay mahalagang tandaan an maayos na pagsasalita, may pagkakasunod-sunod ang sinasabi tungkol sa inuulat, wastong pagbigkas ng mga salita, at malakas ang tinig habang nag-uulat.

Ang inuulat ay maaaring nakita, narinig, o nabasa. Ito ay naglalaman ng mahahalagang detalye at impormasyong nakalap.

Pagsasanay

Paano mo iuulat ang balita sa ibaba? Sundin ang mga paraan sa tamang pag-paguulat.

Ang kalakhang Maynila ay magkakaroon ng maulap na papawirin na may pulo-pulong pag-ulan lalo na sa dakong hapon o gabi. May mahina hanggang sa katamtamang hangin mula sa hilagang-silangan ang iiral. Ang look ng Maynila ay magiging banayad hanggang sa katamtaman ang pag-alon. Ang araw ay sisikat sa ganap na 5:50 ng umaga at lulubog dakong 6:09 ng gabi.

Balikan

• Siya ay nag-uulat tungkol sa droga.

• Ang droga ay palasak sa atin.

• Ang ganito ay hindi lamang suliranin ng pamilya kundi ng lipunan din.

• Tungkol sa kanila ang pinag-uusapan.

Alamin

May apat na gamit ang panghalip.

1. Bilang simuno - ito ay pinaguusapan sa pangungusap.

halimbawa:

Siya ay mahusay sa larong ahedres.

Ang ganito ay dapat nating unawain.

2. Bilang kaganapang pangsimuno - tumutukoy ito sa iisang pangngalan lamang. hindi ito ginagamitan ng pandiwa.

halimbawa:

Ang bahay na puti ay amin.

Kayo ang kinatawan sa kumbensyon.

3. Bilang tuwirang layon - ito ay tumatanggap ng kilos. Sumasagot ito sa tanong na ano.

halimbawa:

Ang babae ay nagbigay niyan.

Nagsulat ng ganire si Mira.

4. Bilang layon ng pang-ukol - ito ay gumaganap bilang layon ng pang-ukol sa kaukulang paukol.

Halimbawa:

Tungkol sa amin ang kanilang pinag-uusapan.

Ang balita ay ukol sa atin.

Multiple Choice

Ang ganyan ay iniluto na ng aking lola.

• simuno

• kaganapang pansimuno

• tuwirang layon

• layon ng pang-ukol

Multiple Choice

Ikaw ay magsusulat sa pisara.

• simuno

• kaganapang pansimuno

• tuwirang layon

• layon ng pang-ukol

Multiple Choice

Ang sinabi ng panauhin ay hingil sa atin.

• simuno

• kaganapang pansimuno

• tuwirang layon

• layon ng pang-ukol

Multiple Choice

Ang kawani ay nagpaliwanag nito.

• simuno

• kaganapang pansimuno

• tuwirang layon

• layon ng pang-ukol

Multiple Choice

Tayo ang pag-asa ng bansa.

• simuno

• kaganapang pansimuno

• tuwirang layon

• layon ng pang-ukol