Filipino

Filipino

Balangkas

Mapalad si Boking (Pantasya)

1Taga Romblon sina Lola Rosing, ang ina ni Mama. Tuwing bakasyon ay umuuwi kami roon. Gustung-gusto kong makinig sa mga kuwento ni Lola. Isa sa mga kuwento niya ang tungkol kay Boking.

2Noong hindi pa marami ang tao sa Romblon, may mag-asawang Pedro at Tekla. Nagkaanak sila ng isang napakaliit na sanggol na hindi masabi kung ito’y tao o isang bagay na parang walang buhay.

3Ang anak nilang ito ay tinawag na Boking. Simula nang isilang si Boking, ikinahiya na ito ng kaniyang mga magulang dahil sa kalagayan niya. Itinago nila ang kanilang anak sa kabundukan upang mailayo sa kabihasnan.

Mapalad si Boking (Pantasya)

4Lumipas ang maraming taon, hindi pa rin lumalaki si Boking. Matanda na ang kaniyang mga magulang at mahina na. Napilitan si Boking na maghanap ng pagkain. Isang araw, naghanap siya ng masasakyan. Nakita niya si Kalabaw at dali-daling sumakay rito. Dahil sa nabigla ang hayop sa pagsakay ni Boking, biglang tumakbo ito hanggang makarating sa kabilang nayon. Pinigil ito ng mga tao hanggang may nakita silang bumababa rito. Hindi nila malaman kung ano ang bagay na iyon, kaya hinabol nila si Boking na dagling nakapagtago sa isang bato. Hindi nila nahuli si Boking kaya iniwan na nila ito.

Mapalad si Boking (Pantasya)

5Nagpatuloy si Boking sa paghahanap ng makakain. Sa isang dako ay may nakita siyang isang babaing nakahandusay sa lupa. Marami itong galos sa katawan. Pinilit niyang dalhin ito sa isang punongkahoy upang gamutin. Hindi kalaunan ay natauhan na ang babae at nagpakilalang anak ng isang hari na naligaw sa kagubatan. Nabigla man si Boking ay hindi ito 2 nagpahalata sa prinsesa. Bilang pasasalamat ay binigyan ng prinsesa si Boking ng isang panyong may anting-anting. Nabigla si Boking nang biglang maglaho ang prinsesa.

Mapalad si Boking (Pantasya)

6Nang umuwi si Boking, nagulat siya nang matagpuan doon ang napakaraming pagkain. Isang araw, nagpapahinga na si Boking nang tawagin siya ng mga magulang. May naghahanap daw sa kaniyang dalawang kawal at ipinatatawag daw siya sa palasyo. 7Nang dumating sila sa kaharian, sinabi sa kaniya na siya ang napili ng mahal na prinsesa na maging kabiyak niya. Ito’y dahil sa kaniyang ginawang tulong sa kagubatan. Simula noon ay pinatira na si Boking at ang kaniyang mga magulang sa palasyo.

Pinagkunan: BEAM DLP 6, Module 35 Mga Salaysay sa isang Balangkas, pp 14-16