BAHASA JAWA

BAHASA JAWA

SESORAH (PIDATO)

Pangerten Sesorah 

Sesorah, pidhato utawa tanggap wacana iku ngandharake gagasan utawa pawarta marang wong liya srana lisan kang wis kasusun kanthi tata urutan kang runtut lan mawa paugeran ing pasamuan tartamtu. 

Jinis-jinis Sesorah 

• Sesorah Pambuka, yaiku sesorah ringkes kang diandharake dening pranatacara utawa pambiwara. 

• Sesorah Pengarahan, yaiku sesorahe ketua utawa kepala marang kelompok kerja kanggo ngarahake sawijine kegiyatan supaya rancak. 

• Sesorah Sambutan, yaiku sesorah kang dianakake ing acara tartamtu. Biyasane wong sing sesorah luwih saka siji, mula sesorahe ringkes lan sedhela. 

Jinis-jinis Sesorah 

• Sesorah Peresmian, yaiku sesorahe wong pangkat utawa nduweni pengaruh ing kono kanggo ngresmekake sawijine acara utawa kegiyatan

• Sesorah Laporan, yaiku sesorah kang isine nglaporake sawijine kegiyatan utawa tugas kang wis rampung dilaksanakake. 

• Sesorah Pertanggungjawaban, yaiku sesorah kang isine ngenani sawijine laporan pertanggungjawaban tugas kang wis diayahi. 

Unsur-unsur Teks Sesorah 

• Sapa sing nindakake sesorah? 

• Apa materi sing diandharake? 

• Sapa wae sing padha ngrungokake? 

• Apa sing dadi underane gagasan (temane)? 

Mbedakake Sesorah Resmi Ian Ora Resmi 

Sesorah iku ana sing resmi lan ana sing ora resmi. Sesorah ing Situasi resmi mesthine tata urutan (strukture) beda karo sing ora resmi. Sesorah sing resmi biasane nduweni cathetan sing arep dianggo sesorah. Yen kowe diutus gurumu makili kanca-kancamu ing perpisahan sekolah, kudu nyiapake cathetan sing wis kokgawe sedina sadurunge. Nyuwun pirsa Yuru kelas lan wong tuwamu, amrih teks sing kokanggo sesorah sambutan luwih apik Ian isine mentes. 

Struktur Teks Sesorah

• Salam pambuka, mujudake salam pakurmatan kanggo mbukak utawa miwiti sesorah. 

• Panyapa (Sapa Aruh), atur pakurmatan marang sing rawuh wiwit saka sing pangkate dhuwur nganti mangisor. 

• Pambuka (Purwaka), ngucapake puji syukur marang Gusti Kang Maha Welas Asih Ian atur panuwun marang para tamu sing rawuh. 

• Isine sesorah (Surasa Basa), mujudake intisari utawa karepe sesorah sing diandharake marang para rawuh. 

Struktur Teks Sesorah

• Wigatine/Dudutan (Simpulan) Ringkesan isi utawa intine sesorah kang diandharake. 

• Pangarep-arep (Harapan) Yaiku pangajab utawa panyuwun marang para rawuh Ian sapa baa kang midhangetake. 

• Wusana (Panutup) Yaiku atur panuwun, nyuwun panyaruwe (saran/kritik), lan nyuwun bangapura menawa ana kaluputan sajroning sesorah. 

• Salam panutup, mujudake salam kanggo nutup utawa mungkasi Sesorah. 

Nulis Teks Sesorah 

Jroning nulis teks sesorah ana patang tatanan sing kudu dilakoni, yaiku:

a. Nemtokake tema utawa masalah sing arep diandharake.

b. Ngumpulake bahan kanggo sesorah.

c. Gawea warangka.

d. Ngandharake isi naskah sesorah kanthi runtut lan gamblang. 

Maragakake Sesorah 

• Impromptu yaiku sesorah dadakan, tanpa nganggo persiyapan luwih dhisik. Cara iki mbutuhake kaprigelan lan jembar wawasan

• Memoriter yaiku sesorah kanthi ngapalake naskah luwih dhisik

• Naskah yaiku sesorah kanthi cara maca teks / naskah sing wis disiyapake luwih dhisik.

• Ekstemporan yaiku sesorah tanpa nggunakake naskah lengkap nanging mung nyiapake inti / pokok-pokok gagasan sing arep diandharake. 

Bab-bab sing kudu digatekake nalika maragakake teks sesorah 

• Pangucapane tembung (vokal): suwara kudu bener Ian cetha.

• Lagune ukara (intonasi) : endhek dhuwure swara kudu cocog karo isi lan tujuwane sesorah. Banter lirihe swara (volume swara) aja kelirihen lan aja kebanteren. 

• Runtute isi pidhato utawa sesorah

• Ekspresi : gambaran praen, posisi ngadeg/lungguh, lan obahe tangan.