Maramihang Pagtatatak

Maramihang Pagtatatak

PIVOT 4A

ARTS 3 - 3rd QUARTER

Paano makalilikha ng imprenta gamit lamang ang kamay? Paano naman makagagawa nito gamit ang mga simpleng makinarya? Maaari ba itong gamitin ng higit sa isang beses at ng iba’t-ibang tao? 

Sa araling ito, iyong maisasagawa ang pagtatatak gamit ang kamay o makinarya ng maraming beses, at magagamit din ito ng ibang tao.

Multiple Select

Tingnan ang mga larawan sa ibaba. Alin kaya sa mga markang ito ang gawa lamang sa kamay? Alin naman ang mga markang gawa ng ibang bagay?

Napag-aralan mo sa mga nakaraang aralin ang iba-ibang paraan, kagamitan, at disenyo na maaaring gawin sa imprenta. Mayroong imprentang nilikha gamit lamang ang kamay, at mayroon namang gumamit ng iba pang bagay. Dahil sa kombinasyon ng mga ito, maaaring makalikha ng samu’t saring disensyo sa imprenta.

PAGSASANAY 1

Sundin ang mga sumusunod na hakbang sa paglikha ng talaan ng sukat ng palad.

Mga kailangan: Papel

Platong may tubig

Lupa 

1. Ilublob ang isang palad sa platong may tubig

2. Mariing ilapat ang basang palad sa lupa at bahagyang ikiskis ito

3. Idikit ang palad sa papel at panatilihin ito ng mga limang segundo

4. Dahan-dahang tanggalin ang kamay mula sa papel

5. Ulitin ang hakbang bilang 1—4. Seguraduhing ilapat muli ang kamay sa naunang marka nito sa papel upang madoble ang marka nito.

6. Patuyuin ang papel sa maaraw na lugar. 

Halimbawa ng kalalabasan

Naimbento ang imprenta sa layuning gumawa ng mga marka o larawan nang maramihan. Maaari mong gawin ang pagtala ng sukat ng iyong palad sa maraming papel o iba pang bagay na patag tulad ng karton, sahig, o dingding, gamit ang iba’t ibang pangkulay. Maaari ding gawin ito ng ibang tao upang makabuo ng imprenta na may iba’t ibang laki ng palad.

PAGSASANAY 2

Sa pamamagitan ng mga hakbang sa Pagsasanay 1, ipasubok ang pagmarka ng mga palad sa iyong mga kasama sa bahay. Maaari kang magpatulong sa iyong magulang, kapatid, o kaibigan, gamit ang iba pang makukuha mong pangkulay at mga patag na bagay.

Isulat sa ilalim ng marka ng palad ang pangalan ng may-ari ng kamay na ginamit, at ang petsa. Ito ay magsisilbing katibayan ng hugis o laki ng palad ng bawat isa. Itago mo ang mga ito at gawing muli makalipas ang ilang taon. Ito ay isang paraan upang makita mo ang iyong paglaki at maalala rin ang nakaraan.

Ang selyo ay ginagamit bilang tanda ng orihinalidad ng isang bagay, akda, o pag-aari. Ito ay nalilikha rin gamit ang proseso ng imprenta.

PAGSASANAY 3

Sundin ang mga sumusunod na hakbang upang makalikha ng selyo gamit ang simpleng makinarya.

Paalala: Humingi ng gabay sa nakakatanda at mag-ingat sa pagsasagawa ng pagsasanay.

Mga kailangan:

Kandila

Posporo o lighter

Malaking turnilyo o pako

1. Sindihan ang kandila. Magpatak ng kandila sa napiling patag na bagay.

2. Habang ang patak ay mainit-init pa, ilapat dito ang ulo ng turnilyo o pako.

3. Dahan-dahang tanggalin ang turnilyo o pako, at hipan ang patak ng kandila upang lumamig, matuyo at tumigas.

4. Maaari kang gumawa ng iba pang disenyo ng selyo gamit ang ibang matigas na bagay na may ukit bilang pantatak. Maari mo ring damihan ang mga patak ng kandila sa iisang bahagi upang lumaki ang selyo.

PAGSASANAY 4

Punan ang mga patlang ng wastong salita upang makabuo ng makabuluhang talata tungkol sa aralin.

Multiple Choice

Ang mga makabagong ____________ ngayon ay gumagamit ng proseso ng imprenta upang ____________ ang paglikha ng mga bagay na may magkakaparehong ___________ , at magawa rin ito ng ibang ___________ . Ginagamit ito sa paglimbag ng mga aklat, paskil, karatula, at iba pang mga bagay na may tatak at selyo.

• disenyo - teknolohiya - tao - ,mapabilis

• disenyo - mapabilis- tao - ,teknolohiya

• teknolohiya - mapabilis- disenyo - tao

MARAMING SALAMAT!