PAGBASA

​

ANG ASONG GUBAT

“Kaibigan, marami akong alam na hindi mo alam,” pagmamalaki ng asong gubat sa pusa. “Ang husay ko nga! Napakarami kong paraan para makalusot sa kaaway. Madali ko silang maliligaw.” “Mabuti ka pa,” sagot ng pusa. “Ako, iisa lang ang alam kong paraan.”

Dumating ang isang pangkat ng mga mangagaso. Mabilis na umakyat sa puno ang pusa. Ang asong gubat naman ay nag-iisip pa kung ano ang gagawin niya. Nakarating na ang mga mangangaso ay natataranta pa sa pagtakas ang asong gubat. Nahuli tuloy siya. Hinila siya patungo sa kanyang kamatayan. 

Multiple Select

Sino ang nagmamalaki sa kuwento?

• Si pusa

• Si asong gubat

• Ang mga mangangaso

Multiple Select

Bakit hindi nakatakas sa mangangaso si asong gubat?

• nagpaliwanag pa siya sa pusa

• mabilis kumilos ang mangangaso

• hindi niya alam kung ano ang gagawin

Multiple Select

Ano ang naramdaman ni asong gubat nang dumating ang mangangaso?

• nagalit

• nagyabang

• nataranta

Multiple Select

Ano ang nais ipahatid ng sumulat ng kuwento?

• Iwasan ang pagyayabang.

• Makaliligtas kung alam iligaw ang kaaway.

• Siguradong makaliligtas kung marunong umakyat ng puno.

Multiple Select

Alin sa sumusunod ang isa pang magandang pamagat ng kuwento?

• Ang Walang Awa na mga Mangangaso

• Ang Mahusay na Asong Gubat

• Ang Mayabang na Asong Gubat

“Magtulungan Tayo”

Papasok na ng paaralan ang tatlong mag-aaral. Nakita nila ang nagkalat na mga sanga ng puno sa mahabang daan. Katatapos lang ng malakas na bagyo at di pa nalilinis ang ilang kalsada. Pagdating sa paaralan, gayundin ang kanilang nakita. Maputik ang silid at madungis ang pader. Nagkalat ang mga dahon sa buong paligid.

“Halikayo,” tawag sa kanila ng mga kaklase. “Tulungan natin si Gng. Ramos sa paglilinis.” Mabilis na kumilos ang mga mag-aaral. Tahimik silang tinitingnan ni Gng. Ramos. “Maraming salamat mga bata. Natatapos agad ang gawain kung nagtutulungan,” sabi niya.

Multiple Select

Ano ang nakita ng tatlong mag-aaral papunta sa paaralan?

• malakas na bagyo

• makalat na paligid

• mga natumba na poste

Multiple Select

Bakit marumi ang silid-aralan na nadatnan ng mga mag-aaral?

• Matagal na walang pasok.

• Katatapos lang dumaan ng bagyo.

• Walang tigil ang pagkakalat ng mga mag-aaral.

Multiple Select

Ang ibig sabihin ng ‘madungis’ ay ________.

• madilim

• madumi

• makalat

Multiple Select

Anong katangian ang ipinakita ng mga mag-aaral?

• matalino

• magalang

• matulungin

Multiple Select

Ano kaya ang naramdaman ng guro sa ginawa ng mga mag-aaral?

• masaya

• nagulat

• nalungkot