Balangkas

MTB-MLE 3

Pagtukoy sa pangunahing diwa ng talata.

Bago tayo magsulat ng balangkas, balikan muna natin ang pagtukoy sa pangunahing diwa ng talata. Basahin mong mabuti ang mga ito. 

Basahing mabuti ang talata at piliin ang tamang sagot sa bawat gawain.

Edukasyon

Ang edukasyon ay isang proseso ng pagkatuto. Nagbibigay ito ng pagkakataon para sa magandang kinabukasan. Uunlad ang ating bansa kapag ang mamamayan ay mayaman sa kaalaman. Mapapaunlad niya ang sarili upang makatulong sa iba. 

Ang edukasyon ang tanging makapagpapaunlad ng ating teknolohiya at kabuhayan ng bansa.

Multiple Choice

Alin ang pangunahing diwa ng talata?

• Ang edukasyon ay kailangan sa pagkakaroon ng magandang bukas.

• Ang bukas ay isang edukasyon.

• Ang edukasyon ay makatutulong sa pag-unlad ng sarili upang tumulong sa iba.

• Maraming teknolohiya ang Pilipinas.

Kapaligiran

Malimit na pagmulan ng sakit ang maruming kapaligiran. Ang kanal na pinagbabahayan ng mga lamok ay di-pansin ng mga taga-nayon. Sa ilang mga liblib na pook ay kulang pa rin sa palikuran.

 Ang pagwawalang-bahala ng mga mamamayan sa nayon, bayan, probinsya at maging sa siyudad ay patuloy na magdudulot ng suliranin. Lumingon ka at naroon ang polusyon.

Bakit hindi tayo magsama-sama? Hihintayin pa ba nating dumami ang magkakasakit? Kumilos ang lahat at linisin ang kapaligiran.

Multiple Choice

Alin ang pangunahing diwa ng talatang iyong binasa?

• Kalimutan ang pagiging malinis.

• Nagwawalang-bahala ang ibang mamamayan ng bansa ukol sa kapaligiran.

• Magtulungan upang magkaroon ng malinis na kapaligiran.

• Patuloy ang pagkakaroon ng laro.

Gawain 3: Basahin ang talata.

Hindi sapat na mabuhay lamang tayo para sa sarili. Kailangan din nating mahalin ang kapwa at ang ating bayan. At ang higit nating pakamahalin ay ang Poong Lumikha sa atin.

Multiple Choice

Alin ang pangunahing diwa sa talata?

• Mahalin lamang ang kapwa.

• Mahalin ang sarili, kapwa, bayan at poong Maykapal.

• Tama na ang mabuhay sa mundo.

• Mawala na ang lahat sa mundo

Gawain 4: Basahin ang talata.

Maraming mga pulitiko ang nangangako sa mga mamamayan. Karamihan sa kanilang pangako ay di natutupad. Binigyan ang mamamayan ng karapatang bumoto. Piliin ang tapat na pinuno. Isang pinuno na nakikita ang kailangan ng mahihirap.

Multiple Choice

Alin ang pangunahing diwa sa talata?

• Karamihan sa mga pulitiko ay nangangako at di natutupad ang kanilang pangako.

• Tayo ay may karapatng pumili ng pinuno.

• Kailangan ang pinunong makasarili

• Mabuti ang mangako kaysa sa wala.

Gawain 5: Basahin ang talata.

Para makaiwas sa sakit ng CoViD -19, kailangang maging malinis sa ating pangangatawan at gayundin sa paligid.   

   Manatili sa loob ng bahay at sundin ang mga ipinag-uutos ng mga kinauukulan.

Multiple Choice

Alin ang pangunahing diwa sa talata?

• Manatili sa loob ng bahay.

• Maging malinis sa ating pangangatawan.

• Paraan para makaiwas sa sakit ng CoViD -19

• Mga hindi dapat gawin sa panahon ng pandemya.

Mahusay!

Binabati kita sa iyong mahusay na pagsagot.