அடைமொழி

அடைமொழி

வாக்கிய உறுப்புக்களை விளக்கியும் விரித்தும் எழுத்துவதற்குப் பயன்படுவதே அடைமொழிகள்

ஆகும். எழுவாய், பயனிலை,செயப்படுபொருள் என்னும் வாக்கிய உறுப்புக்களை விசேடித்து கூறும் சொற்கள் அடைமொழிகள் 

எனப்படும்.

எடுத்துக்காட்டு: 

அழகான குழந்தை அங்கே இருந்தது. - எழுவாய் அடைமொழி 

நாய் விரைவாக ஓடியது. - பயனிலை அடைமொழி 

காற்று பெரிய மரத்தை வீழ்த்தியது. - செயப்படுபொருள் அடைமொழி 

அடைமொழி இரண்டு வகைப்படும்:

1. பெயரடை 

2. வினையடை 

பெயரடை 

பெயர்ச் சொற்களை விசேடித்து வரும் அடை ' பெயரடை' ஆகும்.

உதாரணங்கள்: 

பெரிய மரம் 

நல்ல புத்தகம் 

மிகப் பெரிய வீடு

அழகான குழந்தை 

வேகமான குதிரை

வினையடை 

வினைச் சொற்களை விசேடித்து வரும் அடை ' வினையடை' எனப்படும்.

உதாரணங்கள்:

நேற்று வந்தான் 

மெல்லச் சிரித்தான் 

வேகமாக ஓடினான் 

நாளை போவான் 

இனிமையாகப் பாடினாள்

Multiple Choice

பனி __________________ இமயமலையின் உச்சியை அடைவது சாதாரணமான காரியம் அல்ல.

• கரைந்த

• குறைந்த

• மூடிய

• நிறைந்த

Multiple Choice

அவரது கடையில் விற்கப்படும் பொருள்கள் அனைத்தும் _________________ சிறந்தவை எனக் கடைக்காரர் என் தாயாரிடம் கூறினார்.

• குணத்தில்

• தரத்தில்

• எடையில்

• விலையில்

Multiple Choice

யுவன் வாசித்த கதையை மற்ற மாணவர்களால் கேட்க முடியாததால் ஆசிரியர் அவனை

__________________ வாசிக்கச் சொன்னார்.

• சத்தமாக

• சத்தமான

• வேகமாக

• வேகமான

Multiple Choice

திருடனை _______________ உதவிய வழிப்போக்கருக்கு, வெகுமதி

அளிக்கப்பட்டது.

• சிக்க

• பிடிக்க

• தப்பிக்க

• சிறைவைக்க

Multiple Choice

மெதுவோட்டம் ஓடியதால், தாகத்தோடு இருந்த அபூர்வ தன் தாகம் ______________ வரை குடத்திலிருந்து நீரைப் பருகினாள்.

• தணிய

• தணிந்த

• தணியும்

• தணிக்க