Filipino - Pagpupulong/ Sariling Opinyon o Reaksyon sa Napak

Filipino Q4 W4

Pagpupulong/ Sariling Opinyon o Reaksyon sa Napakinggang Pagpupulong/ Pagsulat ng Katitikan 

Pormal na pagpupulong

ay gawain kung saan ang grupo ng mga tao ay nagtitipon sa isang lugar sa takdang oras upang mag-usap tungkol sa mga bagay-bagay o gumawa ng pasya tungkol sa mga isyu. Ang pormal na pananalita sa pagpupulong ay maaaring gawaing simple subalit hindi naman nababago ang kahulugan.

Di- pormal na pagpupulong

- ito ay tumutukoy sa isang bagay na hindi ginagawa alinsunod sa patakaran at regulasyon na nauukol sa okasyon o lugar. Ito ay hindi sumusunod sa protocol.

Pakinggan habang binabasa ang pagpupulong

 Pormal na Pagpupulong

Ang Kabataan at ang Barangay

Halos patakbo akong pumunta sa aming barangay hall sa pangambang baka ako na lang ang hinihintay ng lahat. Magaalas-singko na ng hapon, Naku! sampung minuto na lamang at magsisimula na ang aming pulong. Ang pulong ay idinaraos namin tuwing ikatlong linggo ng buwan. Ngayon nakatakda ang aming pulong. Pag-uusapan namin ang mga gagawing proyekto para sa buwang darating. Kasama na rin dito ang Gawain para sa nalalapit na kapistahan ng aming barangay. Hinanap ko kaagad ang pangalang Betty Olivares, at sa katapat ay inilagda ko ang aking pangalan sa folder.Patunay na ako ay dumalo. Agad akong pumasok sa pulungan. Nabuntung hininga ako at napailing nang makita kong mangilan-ngilan pa ang mga tao. 

Ako ang napiling kalihim ng aming barangay kaya ang lahat ng aming napag-usapan ay isinulat ko. Habang naghihintay sa karamihan, nagpahinga muna ako. Nagulat ako nang magsalita ang aming tagapangulo. Kaagad akong tumayo at pumunta sa unahan.Kung maari itala mo ang ating napag-usapan ngayon, sabi ng pangulo. Una nating gagawin sa linggong ito ang pagkakabit ng mga banderitas sa bawat eskinita ng ating barangay. Lalagyan din natin ng ilaw upang sa gabi ay maliwanag ang buong kapaligiran, ang pahayag ng aming pangulo.

Ikalawa, maglinis tayo ng mga daan at mga kanal. Aalisin natin ang mga basurang nakabara sa mga kanal upang tuloytuloy ang daloy ng tubig. Lahat ng sulok ng daan ay kailangang malinisan, ang sumunod na pahayag ng isang kagawad. Bawat isa ay may imumungkahing gawaing sila rin ang gaganap. Napagkasunduan pa na magkakaroon ng isang timpalak-awitan para sa mga batang may angking talino sa pagkanta. Magkakaroon pa ng mga palaro para naman sa mga batang maliliit at maging sa malalaki. May idadadagdag pa ba kayo sa ating mga plano? Sabi ng pangulo. 

Matapos ang pulong nang mag-iikawalo na ng gabi dahil sa nakawiwiling talakayan. Kasama na rin dito ang pagkukuwentuhan na hindi naman maiaalis sa ganitong pagkakataon. Umuwi akong masaya kahit pagod dahil sa tuloy-tuloy na gawain. Masaya, dahil may nagampanan na naman kaming isang tungkulin sa aming barangay. Naisip ko tuloy na kung ang kabataan sa lipunang ito ay may kani-kaniyang tungkulin sa pamayanan o kaya’y kasali sa mga proyektong pamahalaan, tiyak na uunlad ang lipunang ito. Magiging abala ang kabataan, maiiwasan ang pagkalulong sa masamang bisyo na siyang mabigat na suliranin ng pamahalaan. Mawawala rin ang istambay sa maraming lugar. Tungkulin ng kabataan. Umpisahan natin ito sa ating barangay. Nahiga ako pagkakain. May ngiti pa sa labi na nasambit. Tagumpay sana. 

Multiple Choice

Basahin at sagutan ang mga katanungan

Ano ang pamagat sa nabasang pagpupulong?

• A. Ang Barangay

• B. Ang Kabataan

• C. Ang Pagpupulong

• D. Ang Kabataan at ang Barangay

Multiple Choice

Basahin at sagutan ang mga katanungan

Bakit nagpunta sa barangay hall si Betty?

• A. Dahil may pagpupulong

• B. Dahil may paligsahan

• C. Sumali ng patimpalak sa awit

• D. Pinatawag ng punong barangay

Multiple Choice

Basahin at sagutan ang mga katanungan.

Ano ang ginagampanan ni Betty sa Sangguniang Kabataan?

• A. Kalihim

• B. Pangulo

• C. Tresurera

• D. Tagasuri

Multiple Choice

Basahin at sagutan ang mga katanungan.

Ano ang una nilang gagawin sa kanilang barangay?

• A. Kalihim

• B. Pangulo

• C. Tresurera

• D. Tagasuri

Multiple Choice

Basahin at sagutan ang mga katanungan.

Bakit nagpupulong ang mga kabataan?

• A. Para sumali ng patimpalak

• B. Para sa darating na pasukan

• C. Para sa darating na kapistahan

• D. Para magkuwentuhan sa kanilang mga kaibigan

Di-pormal na Pagpupulong

Sinimulang idaos ngayong araw, Martes, ika-21 ng Pebrero 2017, sa Boracay ang di-pormal na pulong ng mga ministrong panlabas ng Association of Southeast Asian Nation (ASEAN). Ito ang unang pulong ng ASEAN na idinaos ng Pilipinas, bilang tagapangulong bansa ng organisasyong ito. Nauna rito, ayon sa ulat ng Kagawaran ng Ugnayang Panlabas ng Pilipinas, sa nabanggit na pulong, tatalakayin ng mga kalahok ang hinggil sa ASEAN Community vision 2025, at mga hamon sa rehiyong ito, kinabibilangan ng polusyon at pagbabago ng klima.

Open Ended

Basahin at sagutan ang mga katanungan

1. Saan idinaos ang di-pormal na pagpupulong ng mga ministrong panlabas ng ASEAN?

Open Ended

Basahin at sagutan ang mga katanungan

2. Kailan ito naganap?

Open Ended

Basahin at sagutan ang mga katanungan.

3. Ano-ano ang mga hamon na nabanggit sa rehiyon?

Pagpupulong

ay isang gawain kung saan ang isang grupo ng mga tao ay nagtitipon sa isang lugar sa takdang oras upang mag-usap sa mga bagay- bagay o gumawa ng pasya tungkol sa mga isyu.

Narito ang mga angkop na pamantayan sa pananalita sa pagpupulong:

• Tumahimik na tayo at magsimula na ang ating pulong. 

• Mayroon ba tayong kurom?

• Iminumungkahi ko na.

• Pinapangalawahan ko ang mungkahi

• May pag-uusapan ba tungkol sa bagay na iyan?

• Magbobotohan na tayo

• Pinagtubay ang mungkahi at Maari bang itala ‘yan sa ating record?

Binabati kita!

Natapos mo na rin ang araling ito!