Seni Karawitan

Seni Karawitan

Dina kahirupan sapopoe hidep teu bisa lepas ti ngadenge sora. Saperti sora kendaraan, radio, telepisi, HP, tatabeuhan, sasatoan, jeung rea deui. Tina sora anu sakitu loba na teh, aya sora anu genah kadengena, aya oge anu sabalikna, teu kawatesanan ku sora anu jolna tina tatabeuhan. Sora gamelanupamana,mun ditakol sakarepna mah teu ieu matak ngeunah kadengena, komo mun ditakolna teh sahabekna. Salian ti gamelna tereh silung, pikeun nu ngadengekeunnana oge matak katorekan. Tapi sabalikna najan jolna tina klaskson mobil,arisora na diatur mah teu wudu matak ngeunah kadengena.

Sora anu ngeunah kadengena teh nyaeta sora anu diolah make elmu seni. Hasil olahannana nu disebut seni musik tea. Seni musik nu asalna ti Eropa teh geus nyebar ka sakiliah dunya,kaasup ka nagara urang. Di sakola-sakola ti mimitan sakola dasar nepi ka paguron luhur, seni musik diajarkeun.

Seni musik dikelompokeun jadi 3,nyaeta: musik anu diwangun ku sora tatabeuhan atawa instrumentalia, musik nu diwangu ku sora manusa anu disebut vocalia, jeung musik anu diwangunku sora campuran atawa sora manusa nu dipirig ku tatabeuhan.

Salian ti seni musik anu prah digunakeun di sakuliah dunya,saban nagara atawa tiap wewengkon oge ngabogaan seni musik. Tangtuna wae boh nada, alat jeung tata cara midangkeun, boh sesebutannana oge beda-beda. saperti di Jawa Barat jeung sabagena gede provinsi anu aya di Indonesia, kana seni sora anu ngabogaan ciri wewengkon/daerah teh disebutna seni karawitan.

Sesebutan seni karawitan lain ngan saukur pikeun nuduhkeun seni Sunda hungkul, di provinsi sejen oge make sesebutan seni karawitan. saperti: karawitan Jawa Tengah, karawitan Jawa Timur, karawitan Bali, karawitan Padang, jeung karawitan Ujungpandang. Cindekna, nu disebut seni karawitan teh nyaeta seni sora atawa seni musik has wewengkon/daerah di Indonesia.