Quarter 1: Filipino Week 1

Quarter 1: Filipino Week 1

Digitized by: Teacher Meljon

​Layunin: Nagagamit ang Naunang Kaalaman o Karanasan sa Pag-unawa ng Napakinggang Teksto​

Panuto: Bigkasin mo at unawain ang tula.

Lubhang kakaiba si Sonya

Parang diksiyonaryo ang isip niya

Nasasabi ang mga kahulugan

Salita’y nagagamit kapag kailangan

Parang sa isip hinuhugot

Kailanman di siya nakababagot.

Palaging dala-dala ay saklay

Paika-ikang lumakad dahil siya’y pilay

Batang masayahin, laging nagdarasal

Kapupulutan siya ng magandang aral

Laging nakatawa, tuwina’y masaya

Ang palakaibigang si Sonyang maganda.

​Suriin

Naintidihan mo ba ang tulang iyong binasa?Maiintindihan nating mabuti ang ating mga binabasa kung masasagot natin ang lahat ng mga katanungang may kaugnayan sa ating binasa.

​

Upang lubos nating maintidihan ang tulang ating binasa suriin natin at isa-isahing sagutin ang mga katanungang may kaugnayan sa tula.

​Ginabayang Gawain

Multiple Choice

1. Sino ang tinutukoy sa tula?

• a. Sonya

• b.Niña

• c. Doña

Poll

2. Ano ang mararamdaman mo kapag nakakakita ka ng batang may kapansanan?

• a. malulungkot

• b. maawa

• c. matutuwa

Multiple Choice

3. Bakit kaya sinabi na si Sonya ay parang diksyunaryo ang pag – iisip?

• a. Siya ay matalino at marami ang alam na mga salita.

• b.Siya ay mahilig magbiro at mahilig magpatawa

• c. Siya ay isang bata na laging may dalang diksyunaryo

Multiple Choice

4. Bakit nasabi sa tula na si Sonya ay hindi nakakabagot?

• a. Si Sonia ay mahilig magpatawa.

• b. Si Sonia ay maraming salitang alam kaya masaya siyang kausap.

• c.Si Sonia ay mahilig makipaglaro sa mga bata.

Multiple Choice

5. Ano ang ibig sabihin ng salitang kapupulutan siya ng magandang aral?

• a. Batang may magandang pag – uugali na dapat gayahin.

• b.Batang may kapansanan na dapat igalang.

• c. Batang may kapansanan na pumapasok sa paaralan.

Multiple Choice

6. Mayroon kayong bagong kaklaseng may kapansanan , mag –isa lang siyang kumakain tuwing recess,ano ang iyong gagawin?

• a. lalapitan ko siya at kakausapin

• b. hahayaan ko na lamang siya

• c. hindi ko siya kakausapin.

Multiple Choice

7. May nakita kang batang pinagkakatuwaan dahil isa siyang pilay , ano angnararapat mong gawin?

• a. pagsasabihan ko ang mga batang huwag siyang pagkatuwaan dahil sa kanyang kapansanan.

• b. gagayahin ko ang mga batang nagkakatuwaan.

• c. hahayaan ko ang mga bata sa kanilang ginagawa.

Open Ended

8. Bakit dapat nating gayahin o tularan ang pag – uugali ni Sonya? _____________________________________

Open Ended

9. Naging sagabal o hadlang ang kapansanan ng isang tao upang siya ay maging masaya?

Open Ended

10. Kung ikaw Sonya papasok ka pa rin ba sa eskwela sa ganoong kalagayan?

​Paano mo nasagutan ng tama ang mga katanungan mula sa iyong mga nabasang teksto? Piliin , ano-ano ang iyong mga ginawa , lagyan ng tsek upang maipakita ang iyong sagot.

• ​Binasa kong maigi ang kwento o teksto.

• ​Inunawa kong mabuti ang mga katanungan at pinili ang tamang sagot.

• ​Ibinase ko sa aking karanasan ang aking sagot.

​Malayang Pagsasanay:

Basahin at unawain mong mabuti ang talata.

Kumilos at Magkaisa

Maraming patapong bagay sa ating paligid tulad ng mga basyo ng bote, plastik na nakatambak sa mga basurahan at looban ng ilang kabahayan.

Ang mga lumang diyaryo at maruruming damit ay nagkalat din kung minsan. Para sa iba, ang mga ito ay basura lamang.

Patapon at wala nang silbi kaya naman ang ating kapaligiran ay punong-puno ng mga kalat.Pinamumugaran tuloy ang mga ito ng mga daga at insekto.​

​        Pinagmumulan din ang mga ito ng pagbabara ng mga daluyan ng tubig at sanhi ng pagbaha. Nakasasama din ang ilan sa mga ito.

​

      Nagiging sanhi ito ng pagdumi at pagbaho ng hanging ating nalalanghap. Huwag na nating hintayin ang salot na idudulot ng mga basura. Panahon na para tayo ay kumilos at magkaisa.  

Multiple Choice

1. Mula sa ating binasa ano -ano ang mga nabanggit na mga patapong bagay?

• a. balat ng mga gulay

• b. bote , plastic at dyaryo

• c. mga lumang gamit sa bahay.

Multiple Choice

2. Batay sa iyong karanasan , ano ang mangyayari kung patuloy tayong magtatapon ng basura?

• a. Magiging marumi ang ating paligid at mabaho ang hanging ating malalanghap.

• b. Magiging masikip ang ating paligid.

• c. Magsisilbing palamuti ang mga ito sa ating paligid.

Tandaan: Upang masagutan ng tama ang mga katanungan mula sa iyong mga nabasang teksto ay kinakailangang.....

• ​Binasa kong maigi ang kwento o teksto.

• ​Inunawa kong mabuti ang mga katanungan at pinili ang tamang sagot.

• ​Ibinase ko sa aking karanasan ang aking sagot.

​

Upang lubos nating maintidihan ang tulang ating binasa suriin natin at isa-isahing sagutin ang mga katanungang may kaugnayan sa tula.

Paglalahat!

Tayahin: Panuto: Basahin at unawaing mabuti ang maikling talata.

Home

Open in new tab

Copy link