Համակարգչի բաղադրիչները և դրանց նշանակությունը-2

Համակարգչի բաղադրիչները և դրանց նշանակությունը-2

by gayane kostandyan

​Համակարգային բլոկի մեջ մտնում են հետևյալ բաղկացուցիչ սարքերը․

• պրոցեսոր՝ վերամշակող միավոր, CPU(central processing unit),

• հիշող սարքեր,

• սնուցման սարք,

• տեսաքարտ,

• ձայնի քարտ,

• ցանցային փոխակերպիչ,

• մայրական սալիկ  և այլն։

​Համակարգային բլոկ

Համակարգային բլոկն իրենից ներկայացնում է համակարգչի հիմնական հանգույցը, որտեղ տեղադրված են համակարգչի աշխատանքն ապահովող կարևորագույն բաղկացուցիչ սարքերը։

Պրոցեսոր՝ վերամշակող միավոր, CPU(central processing unit)​

​Մշակիչ (պրոցեսոր) կամ Կենտրոնական մշակիչ հանգույցը (ԿՄՀ) (CPU) հանդիսանում է համակարգչի ամենակարևոր սարքավորումներից մեկը՝ «ուղեղը»   և իրականացնում է մեքենայական հրահանգները։ Նա համակարգչի հիմնական միկրոսխեման է, որը կատարում է մաթեմատիկական և տրամաբանական գործողությունների մեծ մասը, ապահովում է կապը համակարգչի տարբեր սարքավորումների միջև։ Բաղկացած է թվաբանական սարքից և ղեկավարող սարքից։

Հիշող սարքեր​

Սրանք նախատեսված են ինֆորմացիայի պահպանման համար և լինում են երկու տիպի՝ ներքին (օպերատիվ հիշողություն) և արտաքին։

Ներքին հիշողությունը (RAM - Random Access Memory) կարճաժամկետ հիշող սարք է և հանդիսանում է համակարգչի ամենակարևոր մասերից է մեկը։ Նրա պարունակությունը դատարկվում է համակարգիչն անջատելուց հետո։  Օպերատիվ հիշողությունում ժամանակավոր պահվում է համակարգչում տեղի ունեցող տարբեր գործընթացների, ծրագրերի մասին տեղեկատվություն։​

Հիմնական հիշողություն (ROM-անգլերեն՝  read-only memory​

•  մշտական հիշող սարք)ը  երկարաժամկետ  հիշողության տեսակ է, որն օգտագործվում է համակարգիչներում և այլ էլեկտրոնային սարքերում: Այս հիշողությունում պահվող տեղեկատվությունը պահպանվում է անգամ համակարգիչն անջատելուց հետո։ Այն սովորաբար օգտագործվում է հրամանների պահեստավորման համար, հատկապես այնպիսի հրամանների, որոնք ստուգում են, որ համակարգիչը ճիշտ աշխատի։​

​Համակարգչի երկարաժամկետ հիշող սարքեր (արտաքին հիշող սարքեր)

Հիմնականում

• կոշտ (վինչեստոր) սկավառակներն են,

• լազերային սկավառակները

(օպտիկական, կոմպակտ դիսկ

կամ CD)

• ֆլեշ հիշող սարքերը։

​

Սնուցման սարքեր​

​Կատարում են էլեկտրաէներգիայի մատակարարումը կայունացնելու և մատակարարման լարման փոքր խանգարումներից պաշտպանվելու գործառույթներ: Լինում են տարբեր հզորությունների և տիպերի:

 

Տեսաքարտ​

Տեսաքարտը կապակցվում է համակարգչի ցուցարկիչին և օգտագործվում ցուցարկչի էկրանին տեքստային և գրաֆիկական տվյալների ցուցադրման համար։

​

​

​Ձայնային քարտ

​Ձայնային քարտը փոխարկում է խոսափողի, ձայներիզի կամ որևէ այլ կրիչի ձայնային ազդանշանները թվային ազդանշանների։ Ձայնային քարտը համակարգչային աշխատանք կատարելու համար պահանջվող տեխնիկայի անհրաժեշտ մաս չէ:

Ցանցային փոխակերպիչ​

Ցանցային փոխակերպիչը համակարգչին հնարավորություն է տալիս կապակցվել այլ համակարգիչների հետ՝ միմյանց միջև տեղեկություններ փոխանակելու նպատակով։​

​Մայրական սալիկ

Մայրական սալիկը համակարգչի

հիմնական սալիկն է, որի վրա

տեղադրված են տեսաքարտը,

ձայնաքարտը, ինչպես նաև սխեմաները,

որոնք ապահովում են համակարգչի

կապը այնպիսի սարքերի հետ,

ինչպիսին է տպիչը։​