Filipino2_Q1_Week4: Pagsagot sa mga Tanong

Filipino2_Q1_Week4:

Pagsagot sa mga Tanong

by Maritess Cimanes

Gawain sa Pagkatuto Bilang 1:

​ Basahin ang maikling kuwento. Sagutin ang mga tanong pagkatapos magbasa. I-klik ang kulay ng may tamang sagot.

​

(PAALALA: Bata po ang sasagot.)

​

Baha

ni Ma. Luisa Lining

Si Rumi ay mahilig magtapon ng kalat kahit saang lugar. Nagbara ang kanilang kanal dahil sa kalat na kaniyang itinapon.

Isang gabi, habang siya ay mahimbing na natutulog, bumuhos ang

malakas na ulan.

Ang kalat na kaniyang itinapon ay pumasok sa kanilang bahay. Nagulantang siya sa mga pangyayari. Nagsisi siya na kung hindi siya makalat, hindi babaha sa kanilang lugar.

Pagkahupa ng baha, agad siyang tumulong sa paglilinis ng kanilang bahay at ng kanilang barangay. Mula noon, hindi na nagkalat si Rumi.

Multiple Choice

1. Ano ang pangalan ng pangunahing tauhan sa maikling kuwento?

• Rim

• Rima

• Rumi

• Rama

Multiple Choice

2. Ano ang katangian ng pangunahing tauhan sa maikling kuwento?

• Mahilig siyang mag-ayos ng kaniyang mga gamit.

• Mahilig siyang magtabi ng kaniyang mga kalat.

• Mahilig siyang magkalat sa kapaligiran.

• Mahilig siyang magtapon sa tamang lugar ng kaniyang kalat.

Multiple Choice

3. Bakit bumalik sa kanilang tahanan ang mga kalat na tinapon niya?

• Dahil maayos niyang naitapon ang mga kalat.

• Dahil kung saan-saang lugar siya nagtatapon ng kalat niya.

• Dahil ang kaniyang mga kalat ay nasa tamang lalagyan.

• Dahil nasa maayos na lagayan ang mga kalat niya.

Multiple Choice

4. Paano naipakita ng pangunahing tauhan ang kaniyang pagsisisi?

• Tumulong siya sa paglilinis ng kanilang barangay.

• Pagkalinis ng paligid ay muli siyang nagtapon ng mga kalat.

• Nagdasal siya na huwag ng bumaha muli.

• Humingi siya ng tawad sa kapitan ng Barangay.

Multiple Choice

5. Ano ang aral na napulot mo sa maikling kuwento?

• Ilagay sa plastic ang mga basura at itapon sa kanal.

• Linisin ang mga kalat sa loob ng bahay at ilagay sa kalye.

• Hindi baling makalat sa loob ng bahay at sa labas ng bahay.

• Itapon sa tamang lugar ang mga kalat.

Upang lubos na maunawaan ang isang kuwento may mga mahahalagang impormasyon ang dapat tandaan.

​

Ang mga tanong tungkol sa pangyayari tulad ng mga sumusunod:

1. Ang salitang "sino" ay ginagamit kapag nagtatanong tungkol sa tao.

​2.Ang salitang "ano" ay ginagamit kapag nagtatanong tungkol sa bagay o pangyayari.

3. Ang salitang "saan" ay ginagamit kapag nagtatanong tungkol sa lugar.

4. Ang salitang "kailan" ay ginagamit kapag nagtatanong tungkol sa petsa.

5. Ang salitang "paano" ay ginagamit kapag nagtatanong ng pamamaraan.