ESP 6,QUARTER 1,week 8

ESP 6

QUARTER 1,week 8

by Sheryl Cusipag

Modyul 3: Paggamit ng Impormasyon

Sa modyul na ito inaasahang malinang ang sumusunod na kaalaman, kakayahan, at pag-unawa:

​

​1. Naisasagawa ang tamang paggamit ng impormasyong nakukuha sa radyo, telebisyon, o social media.

2. Napahahalagahan ang tamang paggamit ng impormasyon na nabasa o narinig.

Balikan

​Panuto: Sabihin kung TAMA ang paggamit ng impormasyon. At MALI kung hindi naman.

____1. Ang social media ay nilikha upang paigtingin ang koneksyon sa ating mga mahal sa buhay at mga kaibigan sa pamayanan at sa kabuuan ng lipunan.

​____2. Ugaliing basahin nang buo at maigi ang nilalaman ng artikulo bago magkomento o mag-share.

​____3. Tandaan natin na may iba pang mga websites na ang tanging pakay lamang ay manlinlang at magpakalat ng hindi totoong mga impormasyon. Iwasan natin ang mga ito.

​____4. Ang pagiging responsable online ay nag-uugat sa dalawang bagay lamang: katotohanan at paggalang.

​____5. Gamitin natin ang Facebook, Twitter, at Instagram upang magmayabang at kunin ang attention ng maraming tao.

Panuto: Basahin ang talata at sagutin ang mga tanong.

Isang umaga, habang umiinom ng kape si Mang Edwin nakikinig siya ng balita sa radyo. Ito ang kaniyang napakinggan. “Ayon sa PAGASA, isang napakalakas na bagyo ang paparating sa Pilipinas. Sakop nito ang buong bansa na may pabugso-bugsong lakas ng hangin na 235 km/hr. at may malakas na buhos ng ulan. Ang napakalakas na bagyong ito ay inaasahang papasok sa bansa sa susunod na tatlong araw. Pinagiingat ang lahat lalo na ang mga mandaragat sa malalakas at matataas na alon. Maghanda ang madla ng mga pangangailangan tulad ng flashlight, pagkain at mga gamot.”

Naalarma si Mang Edwin sa kaniyang narinig na balita. Humingi siya ng tulong sa kaniyang asawa na si Aling Lita. Ipinagbigay alam nila ito sa kanilang mga kapitbahay at Barangay upang makapaghanda. Ang balitang ito ay sinuri ng Punong Barangay kung totoo at na kumpirma niya ito sa PAGASA. Ang lahat sa kanilang barangay ay nagtulong tulong sa pag-ayos ng bubungan at paglalagay ng banting sa kanilang bahay upang hindi masira o madala ng ipo-ipo at malalakas hangin.

Sagutin ang mga tanong:

1. Ayon sa talata na iyong nabasa, paaano naiparating ang impormasyon?

2. Paano sinuri ang impormasyong narinig?

3. Katulad din ba sa kaniya ang iyong gagawin? Bakit?

Tandaan:

Suriin nang mabuti ang mga impormasyong tungkol sa mga pangyayari kung ito ay kapani-paniwala, maaasahan, o napapanahon. Maging responsable tayo sa paggamit, pagbahagi, o pagbibigay ng impormasyong nakukuha sa radyo, telebisyon, internet at social media.

Assignment                   ESP 6

November 3 ,2021

​

FIsaisip p. 15

FTayahin, p. 17                                                                                                         

F Karagdagang Gawain, p. 18

​

​

​

  Deadline of Submission: November 6, 2021

​

​

​

Thank you Grade 6!

​

​

​Have a great day and keep safe always!!!