Nutrition and Diet (Pros and Cons of Junk Food)

Nutrition and Diet

3rd Quarter Palauan Lesson​

By Leolin Tellei

​Omengeled er a Ngar er a Mong

​

​Mesei me a Sers

Daob ​

Oreomel

Palauan Diet

​A ngar er a mong el taem e a omengeled a mle ultuil er aike el mla er ngii er kid.

​

Kede millalem a keled, e meritm a dellomel el mengang.​

​

Kede dirrek el mla er a chei a keled.

​

Kede dirrek el ulsiik a keled er a oreomel.​

​

​

​

​

​Chelecha el taem e ng mla mo diak el rokui el chad a meruul a mesei, ngar er a sers, mo er a chei, me a lechub e lolisebek er a oreomel.

​

A oumesingd er a rechad er chelecha el taem a mla mo menga a kall er a ngodech el beluu.

​

Kede dirrek el kmal mla mo ultuil a kall el dengai er a stoang. ​

​

​

​Ngar er a Mong el Taem

​Chelecha el Taem

​Omesodel a Kall	​Ngar er a Mong	​Chelechang
​Rodech el kall (Fruits)	​Bobai, Tuu, Kidel, Rebotel, Mengur, Lius, Detimel, Riamel, Iedel er a Belau, Dubech, Meradel,Titimel,Ongor,Chosm	​Ringo, Rambotang, Mangkostin, Iedel, Kreip, Meradel, Tsieri, Per, Pitses, Tanserin
​Ongraol el mengai er a rodech	​Bobai, Tuu el meduch a ngerel, Meduu, Lius, Keam	​Kiuri, Pikol melon
​Ongraol el mengai er a rais	​Kukau, Brak, Bisech, Belloi	​Botato, Chemutii
​Dellomel el kall a llel	​Dait, Tilol, Titimel, Chisil a tuu	​Kangkum, Chemutii, Nappa, Nengi, Letus
Merkos el kall	​Urekerek el miich, Uleld er a lius, Merkou el riamel, Delul (brak/kukau), Chelang, Chelbakl Seboseb	​Keik, Aiskurim, Pai, Kukus, Tsiokolet, Kiaramel
​Odoim	​Babii, Ngikel, Cheled, Chedeng, Rrull, Belochel	​Malk, Pork, Beef, Hot Dog, Kansume, Ham, Turkey, Soseis, Beikon,

​Keled er a Bek el Sils

​Omesodel a Kall	​Ngar er a Mong	​Chelechang
​Meruul er achercherel a kall	​Daob	​Sar
​Meruul er a rekesengel a kall me a ilumel	​Ilaot (lius)	​Sukal (deb), Ilaot (hats), Sirup
​Merkos el ilumel	​Mengur, Belluchel el titimel, Belluchel el meradel,Belluchel el imekurs	​Belluchel tang/kool aid, tsiokolet milk, jiuce, sobteringk, milk sieik,
Ongraol el mengai er a tane	​	​beras, otmil, pasta, blauang, krakers, tortiia
​Bebil er a chasi er a kall	​"llel a dellomel el kall", daob	​blak peper, asinamoto, sar, garlic, tamanengi, sos, salad oil, olib oil, batta, ketsiap, maioneis, mastard, tsintser, kordomon, klobs, kare pauder

​Keled er a Bek el Sils

Omengeled er a Junk Food

Ngera uchul me kede kmal mla mo utuil er a omengelel a "junk food"? 

​Ka momdasu.....

Omengeled er a Junk Food

Kede mla mo ultuil er a omengeled er a "junk food" e le :

• Kede mla meksongid e le a rechad er a ngodech el beluu a mlei e osisecheklid er a omengel aika el kall.

• A rechad a oumesingd el di mla mo oureor el mengerker me ng dikea kmal temir el osiik e meruul aike el kmal mle keled.

• Ng betok a doruul me ng mo kosekodel a temed me kede mo osiik er a merechereched el blengur.

• ​Ng kmal mla mo betok a "junk food" el sebeched el mechar el mei e kmang- beot a cheral.

Omenga el Junk Food

Kengtil

1. Ng betok e beot a dosiik. Ng ngar er ngii a oteruul el kmal di beot a cheral.​

2. Ng ngar er ngii a ruul er a rodech me a yasai.

3. Meskid a klou el "calories" el mo klisichel a bedenged e rullid el mo medinges.​

4. Ng beot a rellel e merchereched a omengelel.​

5. ​A remekekerei el ngalek a sorir el mengang me ng diak le kotouar. Ng dirrek el kmal sorir a chasi er ngii.

Klungiolel

1. Kede omechar er a stoang. Ng chiietel a udoud.

2. Ng diak el beskid a rokui el cheio el lousbech a bedenged​.

3. Ng ngar er ngii a kar er ngii el rulii me ng diak le mereched el mo mekngit. Ng klou a sar, sukal, me a laok er ngii me ng rullii a bedenged el mo er ngii a rakt me a secher er ngii.

4. Ng ngosir a temel a blengur er a ongalek/ telungalek.

5. A​ rengalek a mo smau el mengang me ng mo chetirir el menga a mera el kall , yasai, me a rodech.

​A omenga el "junk food" a kmal klou a klungiolel se el de nguu er a merchereched e beot el blengur. Ng dirrek el meskid a betok el bedengel a kall el sebeched el melilt el mo mengang e le ng soad a chasi er ngii, e meskid a klisichel a bedenged.

​A omenga el "junk food" a kmal klou a kengtil el me er a bedenged el le ng meskid a rekted me a sechered a lak dolbodeb er a omengelel. Ng dirrek el tomelii a blengrud e rullid el mo diak el soad el menga aike el kall el betok a cheiobung er ngii.

​Kekedeb el Omesodel a Omengelel a Junk Food

Poll

Ngera uldesuem el kirel a omengelel a "junk food"?

• Ak oldubech er a uldasu el kmo ng ungil a dongang.

• A kumdasu el kmo ng kired el mo olengeasek er a omengeled.

• Ng kired el mo torbengii a omengell.

• Ng diak er aikang a uldesuek el kirel tia el tekoi.

Chelecha e ke mo er a Edmodo "Palauan Class 2022" e rulii a "Journal Entry" el kirel tia el subeled

Ngera uchul me ng klou a ultutelel el dosuub a klungiolel me a kengtil a omengeled er a bek el sils?

​Ka momdasu...