KASUSASTRAAN BALI

KASUSASTRAAN BALI

KELAS X

​SEMESTER II

OLIH: NI WAYAN ANIK ARDININGSIH

KASUSASTRAAN BALI

Olih : Anik Ardiningsih

​Yéning  selehin  daging  artos  parinama  kasusastran  wantah  mawit  saking  kruna  lingga ’sastra’. Kruna sastra pinaka wangun pasang pageh sajeroning basa Bali,  polih pangater [su-] raris polih konfiks [ka - an] dados kruna tiron ’kasusastraan’. Kruna sastra sané mateges ’ajah- ajahan’, ’kawruhan’, polih pangater [su-] sané mateges ‘luih’, ’becik’, miwah konfiks [ka-an] sané nyinahang artos kawéntenan

KASUSASTRAAN BALI

Olih : Anik Ardiningsih

Kasusastran, mateges kawéntenan utawi kawruhan  sané luih utawi becik tur mabuat. Ri sajeroning panglimbaknnyané, kasusastran Bali salian sané katami marupa kasusatran kuna, sané nganggé basa: Jawa Kuna, Kawi, Jawi Tengahan, Bali Kawi, taler wénten sané nganggé basa Melayu miwah Sasak.

Tetujon nyelehin kasusastran Bali kadi ring sor puniki:

1. Ngawikanin nilai-nilai budaya adiluhung sané pacang mawiguna sajeroning nglim- bakang budaya BalinE

2. Anggén tetimbang midabdabin budaya Baliné ngarepin aab jagat

3. Kanggén nincapang rasa bangga dados jadma Bali

4. Molihang daging-daging tattwa agama kanggén nincapang sradha bhaktiné ring Ida Hyang Widhi Wasa.​

Pepalihan Kasusastraan

1. Kasuastraan Bali Manut Wangunnyane

2. Kasusastraan Bali Manut Aab Jagat

3. Kasusastraan Bali Manut Basa

4. Kasusastraan Bali Manut Tata Cara Manuturang​

Some text here about the topic of discussion

Kasuastraan Bali Manut Wangunnyane

1. Kasusastraan Tembang miwah Puisi

​

Kasusastraan sané ngranjing iriki wantah kasusastraan Bali sané katembangang miwah kawangun antuk uger-uger utawi pakem sané sampun katami saking nguni, sajabaning gending raré miwah puisi.Kasusastraan sané ngranjing iriki wantah kasusastraan Bali sané katembangang miwah kawangun antuk uger-uger utawi pakem sané sampun katami saking nguni, sajabaning gending raré miwah puisi​​

Sané ngranjing ring kasusastraan tembang inggih punika:

 

•    Sekar Raré (gegendingan)

 

•    Sekar Alit (sané karaket antuk padalingsa)

 

•    Sekar Madia (sané kadasarin antuk métrum)

 

•    Sekar Agung (sané karaket antuk guru laghu)

 

•    Puisi Bali

Kasusastraan Gancaran (prosa)

KasusastraanBalisanéngranjingirikiwantahkasusastraansanénéntenmaduépakem rikala ngwacén utawi rikala nyuratnyané. Sané ngranjing ring kasusastraan puniki:

​ Satua, Babad, Basita Paribasa (Pralambang), Tutur, Usada Wariga, Palawakya, Carita Cendet (cerpén), Carita Panjang (novel), Lelampahan (drama)

​

Alit-alit durus cawis pitaken-pitaken ring sor puniki!

Multiple Choice

Kruna sastra ring sajeroning kasusastraan mateges.....

• ajah-ajahan

• kawentenan

• kahuripan

• katiwawalan

Multiple Choice

Kasusastraan Bali pepalihannyane wenten....

• 1

• 2

• 3

• 4

Open Ended

Indayang telatarang sane rumasuk ring kasusastraan Tembang!

Open Ended

Indayang telatarang sane rumasuk ring kasusastraan gancaran

Open Ended

Indayang telatarang teges kasusastraan Bali.....