Уран зохиол 6-р анги

​Монголын тал нутаг

​З.Түмэнжаргал

​Монголын ариун агаар

Аяны шувуудын цуваа

Алжаан цуцаж гатлаад

Алаг нүдний үзүүрт

Хаяа хязгааргүй цэлийгээд

Ямар уудам юм бэ?

Монголын тал нутаг

Яасан уужуу юм бэ?

Монгол хүний сэтгэл

Уруудах өөдлөх тавиланд

Сэтгэлийн цавгүй амгалан

Учрах ханилах заяанд

Итгэлийн сэвгүй цайлган

Ямар уужуу юм бэ?

Монгол хүний сэтгэл

Яасан уудам юм бэ?

Монголын тал нутаг

Дүүжүү алсаас ирээд

Дүүрэн амьсгаа авахад минь

Мөнхийн уснаас амсах шиг

Цээж дүүрэн цэлмээд

Ямар цэнгэг юм бэ?

Монголын ариун агаар

Яасан цэлмэг юм бэ?

Монголын хөх тэнгэр

Алман цагаан саран

Тормос тормос мишээгээд

Алтан мөнгөн одод нь

Тодрон тодрон жирвэлзээд

Ямар цэлмэг юм бэ?

Монголын хөх тэнгэр​

Multiple Choice

Дүүжүү гэдэг нь алс хол гэсэн утгатай. 

• Үнэн 

• Худал 

Fill in the Blanks

Эхний бадаг (4 мөр) 

“Ямар цэнгэг юм бэ?  

Монголын ариун агаар”

гэсэн сэтгэлийн хандлагыг батлах мөрийг ялгаарай.

Multiple Choice

Монголын агаар, тэнгэрийг ямар ямар гэж бичсэн бэ?

• Цэлмэг, цэнхэр

• Ариун, хөх 

• Тунгалаг, мөнх

• Цэвэр, уудам

Multiple Choice

“Алжаах” гэдэг нь сэтгэл тайвшрах гэсэн утгатай.

• Үнэн 

• Худал 

Multiple Choice

Нөхөж бичээрэй. 

“Саран ........, одод ..........” 

• Мэлтийгээд, анивчаад

• Туяараад, жирвэлзээд

• Инээгээд, ирвэлзээд

• Мишээгээд, жирвэлзээд 

Multiple Choice

Гуравдугаар бадагт юуны тухай өгүүлж байна вэ? 

• Монголын ариун агаар 

• Монголын хөх тэнгэр 

• Монголын тал нутаг

• Монгол хүний сэтгэл

Fill in the Blanks

Нөхөж бичээрэй. 

“Сэтгэлийн ........ амгалан, итгэлийн .......... цайлган”