FILIPINO

FILIPINO

By Regina Nisnisan

Multiple Choice

1. Ang ____________ ay binubuo ng mga pangunahing diwa ng talata, kwento o anumang seleksyong binasa at ang mahahalagang detalyeng sumusuporta o lumilinang dito.

• tauhan

• detalye

• tagpuan

• balangkas

Multiple Choice

2. Alin sa mga sumusunod ang hindi kabilang sa mga uri ng balangkas?

• Pasalitang balangkas

• Patalatang balangkas

• Palarawang balangkas

• Pangungusap na balangkas

Multiple Choice

3. Basahin ang talata.

Hindi sapat na mabuhay lamang tayo para sa sarili. Kailangan din nating mahalin ang kapwa at ang ating bayan. At higit nating pakamahalin ang ating Poong Lumikha.

Alin ang pangunahing diwa sa talata?

• Mahalin lamang ang kapwa.

• Nawala na ang lahat sa mundo.

• Tama na ang mabuhay sa mundo

• Mahalin ang sarili, kapwa, bayan at Poong Maykapal.

Multiple Choice

4. Sino ang Dakilang Ama ng Bayan?

• Manuel L. Quezon

• Rodrigo R. Duterte

• Diosdado P. Macapagal

• Benigno Simeon C. Aquino

Multiple Choice

5. Alin ang angkop na pamagat?

Malimit na pinagmulan ng sakit ang maruming kapaligiran. Ang kanal na pinamamahayan ng mga lamok ay di-pansin ng mga taga-nayon. Sa ilang mga liblib na pook ay kulang pa rin sa palikuran. Bakit hindi tayo magsama-sama? Hihintayin pa ba nating dumami ang magkakasakit? Kumilos ang lahat at linisin ang kapaligiran!

• Sakit

• Nayon

• Polusyon

• Kapaligiran

​Ang Leon at ang Daga (ni: Lydia D. Liwanag) Biglang dinampot ng gutom na leon ang isang munting daga na marahang naglalakad sa harap niya, isang tanghaling tapat. Akala ng daga ay mahimbing na natutulog ang leon. Nagpapahinga noon ang leon sa ilalim ng punong kahoy sa tabi ng kaniyang kuweba. “Aha! Sa gutom kong ito, munting daga ay pagtitiyagaan ko na!” pasigaw na sabi ng leon habang hawak niyang mahigpit ang dagang pilit kumakawala sa mga kuko niya. “Maawa na po kayo, marangal na Leon,” magalang na pakiusap ng daga. “Maliit lamang po ako”. Hindi po ako makabubusog sa inyo. Huwag po ninyong dungisan ng dugo ng munting daga ang marangal ninyong mga kuko,” naiiyak na sabi ng daga. “Ako’y nagugutom. Kahit paano’y baka makabusog ka sa akin,” pabulyaw pa ring tugon ng leon.

​“Mahal na Leon, kung ako’y inyong palalayain baka balang araw po’y makatulong ako sa inyo,” matiyagang pakiusap ng daga. Nag-isip sandali si Leon. Tila may katuwiran ang munting daga. Pinalaya niya ito. Mabilis na tumakbo ang daga sa loob ng gubat. Ilang araw mula noon, naraanan ng daga ang leon. Nakakulong ito sa loob ng isang lambat na lubid. Walang sinayang na panahon ang daga. Buong tiyaga at mabilis na nginatngat nito ang lambat na lubid. Nakalaya sa lambat ang leon. Ganoon na lamang ang tuwa at pasasalamat ng leon sa daga. Naiisip niya marunong tumupad sa pangako ang daga.

Open Ended

1. Saan nakita ng daga ang inaakala niyang natutulog na leon?

Open Ended

2. Ano ang ginawa ng leon sa munting daga?

Open Ended

3. Ano ang ginawang pangangatwiran ng daga upang palayain siya ng leon?

Open Ended

4. Paano tinulungan ng munting daga ang nakakulong na leon?

Open Ended

5. Kung ikaw ang munting daga, tutulungan mo rin ba ang leon? Bakit?

Multiple Choice

6. Ito ay nagpapahayag ng mga ebidensya at dahilan upang maipagtanggol ang katwiran ng isang panig.

• argumento

• paglalahad

• pasalaysay

• pangangatwiran

Multiple Choice

7. “Mahal na Leon, kung ako’y inyong palalayain baka balang araw po’y makatulong ako sa inyo.” Ano ang posibleng epekto ng pangangatuwiran ni Daga?

• luluhod si Leon kay Daga

• mas lalong magalit si Leon

• paparusahan ni Leon si Daga

• palayain si Daga at makatulong balang araw

Multiple Choice

8. Ano ang nag-udyok kay Leon upang kainin ang munting daga?

• galit siya sa mga daga

• nagkasala ito sa kanya

• gutom na gutom si Leon

• paparusahan ni Leon si Daga

Multiple Choice

9. Bakit tinulungan ni Daga si Leon mula sa pagkakakulong?

• matalik silang magkaibigan

• mayroon silang pinagsamahan

• tinupad niya ang kanyang pangako

• napilitan lang si Daga sa pagtulong kay Leon

Multiple Choice

Ang mga sumusunod na pangungusap ay nagpapahiwatig ng argumento maliban sa isa. Alin dito ang hindi argumento?

• Naisip niya marunong tumupad sa pangako ang daga.

• Ako’y nagugutom, kahit paano’y baka makabusog ka sa akin.”

• “Huwag po ninyong dungisan ng dugo ang munting daga ang marangal ninyong mga kuko.

• “Mahal na Leon, kung ako’y inyong palalayain baka balang araw po’y makatulong ako sa inyo.”