Tangyig

​སྔར་སྲོལ་གྱི་དཔེ།

༉ ཧིང་གི་ཆ་རོགས་སྟོབས་ལྡན་ལུ།

​

ཁྱོད་ར་གི་ཆ་རོགས་ བསོད་ནམས་ཀྱིས་ ཞུ་དོན། ཆ་རོགས་ཁྱོད་ ལ་ཡག་ལུ་ དཀོན་མཆོག་གསུམ་གྱི་ཐུགས་རྗེ་ལས་ བདེ་ཏོག་ཏོ་འབད་རང་ ཡོདཔ་འོང་ཟེར་མནོ་བའི་རེ་བ་ཡོད། ང་ཡང་ ནཱ་ཨ་རི་ཁ་ལུ་ ཆ་རོགས་ཚུ་དང་གཅིག་ཁར་ དཔེ་ཆ་ཚུ་ལེགས་ཤོམ་འབད་ ལྷབ་དེ་ར་ཡོད།

​

དུས་ཅི་ གནམ་བྱཱར་གྱི་ངལ་གསོའི་སྐབས་ ཆུ་ཁ་རྫོང་ཁག་གི་ ཞབས་ཁྲ་རྐྱབ་ནི་གི་ འགྲན་བསྡུར་ཅིག་ འགོ་འདྲེན་འཐབ་དོ་ཡོདཔ་ལས་ ང་བཅས་གཉིས་ཡང་ འགྲན་བསྡུར་འདི་ནང་ བཅའ་མར་གཏོགས་དགེ་ཟེར་ སླབ་ནི་འབད་ཨིན། ལས་རིམ་འདི་ནང་ བཅའ་མར་གཏོགས་པ་ཅིན་ གསོལ་རས་ཡང་ དངུལ་ཀྲམ་ སྟོང་ཕྲག་ཁལ་གཅིག་ ༼༢༠༠༠༠༽ འདུག།

​

འདི་འབད་ནི་འདི་གིས་ ཁྱོད་ཡང་ ང་དང་གཅིག་ཁར་ ཞབས་ཁྲ་གི་འདྲན་བསྡུར་འདི་ནང་ བཅའ་མར་གཏོགས་འོང་ཟེར་ མནོ་བའི་རེ་བ་སྦོམ་ཡོད། ཞེས་དབྱིན་ཚེས་ ༠༧.༠༧.༢༠༢༢ ལུ་

​

ཕུལ།

​དེང་སང་གི་དཔེ།

སྤྱི་ཚེས་ ༠༧.༠༧.༢༠༢༢

ཆ་རོགས་སྟོབས་ལྡན་ལུ།

ལ་ཡག་འབྲིང་རིམ་སློབ་གྲྭ་བར་མ།

མགར་ས་རྫོང་ཁག

​

ཆ་རོགས་ཁྱོད་ ལ་ཡག་ལུ་དཀོན་མཆོག་གསུམ་གྱི་ཐུགས་རྗེ་ལས་ ནཝ་ཚཝ་ཚུ་མེད་པར་ བདེ་ཏོག་ཏོ་འབད་རང་ ཡོདཔ་འོང་ཟེར་མནོ་བའི་རེ་བ་ཡོད། ང་ཡང་ ནཱ་ཨ་རི་ཁ་ལུ་ ཆ་རོགས་ཚུ་དང་གཅིག་ཁར་ དཔེ་ཆ་ཚུ་ལེགས་ཤོམ་འབད་ ལྷབ་དེ་ར་ཡོད་ཟེར་སླབ་ནི་ཨིན།

​

དུས་ཅི་ གནམ་བྱཱར་གྱི་ངལ་གསོའི་སྐབས་ ཆུ་ཁ་རྫོང་ཁག་གིས་ ཞབས་ཁྲ་རྐྱབ་ནི་གི་ འགྲན་བསྡུར་ཅིག་ འགོ་འདྲེན་འཐབ་དོ་ཡོདཔ་ལས་ ང་བཅས་གཉིས་ཡང་ འགྲན་བསྡུར་འདི་ནང་ བཅའ་མར་གཏོགས་དགེ་ཟེར་ སླབ་ནི་འབད་ཨིན། ལས་རིམ་འདི་ནང་ བཅའ་མར་གཏོགས་པ་ཅིན་ གསོལ་རས་ཡང་ དངུལ་ཀྲམ་ སྟོང་ཕྲག་ཁལ་གཅིག་ ༼༢༠༠༠༠༽ འདུག། འདི་འབད་ནི་འདི་གིས་ ཁྱོད་ཡང་ ང་དང་གཅིག་ཁར་ ཞབས་ཁྲ་གི་འདྲན་བསྡུར་འདི་ནང་ བཅའ་མར་གཏོགས་འོང་ཟེར་ མནོ་བའི་རེ་བ་སྦོམ་ཡོད།

​

(བསོད་ནམས།)

བརྩེ་བའི་ཆ་རོགས།