Phil Iri Pangkatang Pagtatasa

​Ang Aso sa Lungga

May isang asong gutom na gutom na naglalakad sa kalsada. Habang naglalakad, ibinubulong niya sa sarili na kailangan niyang makakita ng isang lunggang puno ng pagkain. Nang makakita siya ng lungga sa dulo ng kalsada, agad siyang pumasok dito. Kumain siya hanggang mabusog. Pero kahit busog na siya, kumain pa rin at inubos ang lahat ng pagkain sa loob ng lungga. Sa kanyang kabusugan, halos pumutok ang malaki niyang tiyan. Nang lalabas na lamang siya, napansin niyang hindi na siya magkasya sa labasan. Sumigaw siya upang humingi ng tulong. Dumating ang isa pang aso at nalaman ang nangyari. Bago ito umalis, nagwika siya sa kasamang aso, “Hintayin mo na lang umimpis ang tiyan mo.”

Multiple Choice

Saan nangyari ang kuwento?

• sa bukid

• sa gubat

• sa kalsada

• sa lansangan

Multiple Choice

Ano ang hinahanap ng aso?

• makakain

• makakasama

• mapapasyalan

• matutulugan

Multiple Choice

Anong ugali ang ipinakita ng aso?

• madamot

• matakaw

• masipag

• mayabang

Multiple Choice

Bakit hindi makalabas ang aso sa lungga?

• may harang ang labasan

• may bitbit pa siyang pagkain

• lubos na marami ang kinain niya

• mali ang paraan ng paglabas niya

Multiple Choice

Bakit kaya hindi siya natulungan ng isa pang aso?

• natakot sa kanya ang aso

• para matuto siya sa pangyayari

• nainggit sa kanya ang isa pang aso

• hindi rin ito makakalabas sa lungga

​ Si Muning!

Muning! Muning!

Hanap nang hanap si Susan kay Muning. Dala ni Susan ang lalagyan ng pagkain ni Muning. May laman na ang lalagyan, pero wala si Muning. Wala siya sa kusina. Wala rin siya sa silid. Nasaan kaya si Muning?

Bumaba ng bahay si Susan. Hinanap niya kung naroon si Muning. Ikot na siya nang ikot, pero hindi pa rin niya nakita. Baka lumabas ito ng bahay.

Ngiyaw! Ngiyaw!

Hayun si Muning! Ngiyaw siya nang ngiyaw. Nasa loob siya ng kahon. May mga kasama si Muning sa loob ng kahon.

Nakita ni Susan ang kasama ni Muning. Mga kuting ang kasama ni Muning sa kahon! May puti, itim at magkahalong puti at itim na kulay ng kuting. Tuwang-tuwa si Susan!​

Multiple Choice

Sino ang naghahanap ng pusa?

• ang kuting

• si Muning

• si Nanay

• si Susan

Multiple Choice

Bakit niya hinahanap ang pusa?

• ipapasyal niya ito

• paliliguan niya ito

• pakakainin niya ito

• patutulugin niya ito

Multiple Choice

Saan niya nakita ang pusa?

• sa silid

• sa silong

• sa kahon

• sa kusina

Multiple Choice

Sino ang mga kasama ni Muning sa kahon?

• mga anak nito

• mga kalaro nito

• mga nahuli nito

• mga kaibigan nito

Multiple Choice

Ano ang isa pang magandang pamagat ng kuwento?

• Nasaan si Muning?

• Nasaan ang Kahon

• Ang Kahon ni Susan

• Ang Pagkain ni Muning

S

Si Brownie

Si Brownie ay aking alagang aso. Ang aking aso ay masamang magalit. Minsan ay may pumasok na malaking manok sa aming bakuran. Kaagad niya itong tinahulan. Kung hindi lamang siya nakatali nang mahigpit, malamang na habulin niya ito. Nagulat ang manok at tumakbo ito nang mabilis palabas ng bakuran.

Kagabi ay hindi ko naitali si Brownie. Panay ang ungol niya. Mayamaya ay may tinahulan siya nang malakas. Biglang lumukso si Brownie sa kanyang tulugan at may hinabol. Dali-dali kong sinilip ang aking alaga. May napatay siyang daga! Bahagya pa niyang ginalaw ang kanyang buntot nang makita ako. Kaagad kong binitbit sa buntot ang daga at ipinakita kay Tatay. Masayang hinimas ni Tatay si Brownie. “Talagang maaasahan ang asong ito,” sabi niya.

Multiple Choice

Saan naganap ang kuwento?

• sa bahay

• sa paaralan

• sa palengke

• sa simbahan

Multiple Choice

Ano ang katangiang ipinakita ni Brownie?

• matapang

• masungit

• maharot

• m

Multiple Choice

Ano ang napatay ni Brownie?

• pesteng ipis

• usang bahay

• dagang bahay

• maliko

Multiple Choice

Bakit kaya bahagyang ginalaw ni Brownie ang buntot nang makita ang amo?

• gusto niyang gisingin ang daga

• nagulat siya sa kanyang ginawa

• natakot siyang mapagalitan ng amo

• upang ipakita sa amo ang kanyang ginawa

Multiple Choice

Bakit kaya sinulat ang kuwentong “Si Brownie”?

• Hatid nito ang isang balita

• Nais nitong magbigay-aral.

• Gusto nitong magbigay ng aliw.usto nitong magbigay ng aliw.

• Nais nitong magbigay ng bagong kaalaman.

Balat ng Saging

“Lito! Lito!” Si Mina ang sumisigaw. Kay lakas ng kanyang sigaw.

“Bakit, Ate? Ano iyon?” Ito naman ang tanong ni Lito. Lumapit siya kay Mina. Ayaw niyang sumigaw pa ang kanyang ate.

“Balat ng saging ito, hindi ba? Sino ang nagtapon nito?” Galit si Mina. Galit siya sa nagtapon ng balat ng saging.

“Ako, Ate,” sagot ni Lito. Mahina ang kanyang sagot. Mahina ang kanyang tinig.

“Sabi ko na nga ba. Huwag ka nang magtatapon dito, ha! Sa basurahan ka magtatapon. Hayan ang basurahan natin. Hayan, natapakan ko ang balat ng saging. Nadulas ako.”

“E... hindi ko sinasadya, Ate. Talaga, hindi ko sinasadya. Hindi na ako magtatapon ng balat ng saging kahit saan. Sa basurahan na ako magtatapon.”

“Mabuti. Mabuti kung gayon,” sabi ni Mina.

Multiple Choice

Sino ang nakatatandang kapatid?

• Mina

• Lito

• Lita

• Tina

Multiple Choice

Bakit sumisigaw si Mina?

• galit siya

• maingay kasi

• tinatakot niya si Lito

• hindi marinig ang boses niya

Multiple Choice

Ano ang naramdaman ni Lito nang tinanong siya ni Mina nang pasigaw?

• nagalit siya

• natuwa siya

• natakot siya

• nagtampo siya

Multiple Choice

Bakit nadulas si Mina?

• madulas ang sahig

• di niya nakita ang nilalakaran

• natapakan niya ang balat ng saging

• natapakan niya ang basang bahagi ng sahig

Multiple Choice

Ano ang isa pang magandang pamagat ng kuwento?

• Ang Basurahan

• Ang Saging ni Lito

• Pulutin ang Saging

• Ang Sigaw ni Mina

Poll

MARK

• 11 & below

• 12-13

• 14-16

• 17-19

• 20