༡༨ བཤེས་སྤྲིངས་། སློབ་རིམ་་༡༢

​༡ འཁོར་བ་ལུ་སྐྱེ་བ་བཟློག་དགོ་པའི་རྒྱུ་མཚན།

༢ སྐྱེ་བ་བཟློག་ཐབས་ཤུགས་དྲག་པོར་བརྩོན་དགོཔ།​

​༡ འཁོར་བ་དེ་འདྲ་ལགས་པས་ལྷ་མི་དང་། །དམྱལ་བ་ཡི་དྭགས་དུད་འགྲོ་རྣམས་དག་ཏུ། །

སྐྱེ་བ་བཟང་པོ་མ་ལགས་སྐྱེ་བ་ནི། །གནོད་པ་དུ་མའི་སྣོད་འགྱུར་ལགས་མཁྱེན་མཛོད། །

= གོང་ལུ་བཤད་དོ་བཟུམ་སྦེ་ འཁོར་བ་ག་ཏེ་ལུ་སྐྱེ་རུང་ གནས་སྟངས་འདི་བཟུམ་ཅིག་ཨིནམ་ལས་ ལྷ་དང་ལྷ་མིན་

མི་ཚུ་དང།​ དམྱལ་བ་ ཡི་དྭགས་ དུད་འགྲོ་ཚུ་ལུ། སྐྱེ་ནི་འདི་ ལེགས་ཤོམ་ཅིག་རྩ་ལས་ར་མེན་མི་འདི་ཡང་། དེ་ཚུ་གི་

ནང་ལུ་སྐྱེ་མི་འདིནི། གནོད་པ་དང་སྡུག་བསྔལ་ལེ་ཤ་ཅིག་འབྱུང་སའི་ཧོད་བཟུམ་ཅིག་ རང་གི་ལུས་རྟེན་འདི་ཨིནམ་

མཁྱེན་དགོ་ཟེར་བའི་དོན་ཨིན།

​

Multiple Choice

༡ དེ་དག་ཕྱིར་བཟློག་བགྱི་བ་བཏང་ནས་ཀྱང་། །ཟེར་བའི་གོ་དོན་འདི།

• ༡ མགུ་ཏོ་དང་གོ་ལ་ཚུ་ལུ་ མེ་འབརཝ་ད་བཀོ་བཞག་་སྟེ་དམ་པའི་ཆོས་བསྒྲུབ་དགོ་ཟེར་བའི་དོན་ཨིན།

• ༢ མགུ་ཏོ་དང་གོ་ལ་ཚུ་ལུ་ མེ་འབརཝ་ད་མེ་འདི་བསད་དེ་ དམ་པའི་ཆོས་བསྒྲུབ་དགོ་ཟེར་བའི་དོན་ཨིན།

• ༣ མགུ་ཏོ་དང་གོ་ལ་ཚུ་ལུ་ མེ་འབརཝ་ད་མེ་འདི་བསད་ནི་འདི་ཁག་ཆེཝ་ཨིནམ་བཟུམ་མའི་ འདི་ལས་ལྷག་པའི་དམ་པའི་ཆོས་བསྒྲུབ་ནིའ་འདི་་གལ་ཆེ་ཟེར་བའི་དོན་ཨིན།

• ༤ མགུ་ཏོ་དང་གོ་ལ་ཚུ་ལུ་ མེ་འབར་བཅུག་སྟེ་ ཆོས་བསྒྲུབ་ནི་མི་འོང་ཟེར་བའི་དོན་ཨིན་མས།

Multiple Choice

༡ འཁོར་བ་ཟེར་མི་འདི།

• ༡ སེམས་ཅན་ཚུ་ལས་དང་འཁྲིལ་འཁོར་ཏེ་འོང་བའི་དོན་ཨིན།

• ༢ ལས་དང་ཉོན་མོངས་པ་ཚུ་འཁོར་ཏེ་འོང་བའི་དོན་ཨིན།

• ༣ འདོད་པའི་ཡོན་ཏན་ཚུ་སེམས་ཁར་འཁོར་ཏེ་འོང་བའི་དོན་ཨིན།

• ༤ རང་གི་ཆ་རོགས་ཚུ་སེམས་ཁར་འཁོར་ཏེ་འོང་བའི་དོན་ཨིན།

Multiple Choice

༢ ལྷ་དང་མི་ལུ་སྐྱེ་བའི་རྒྱུ་འདི།

• ༡ ཆང་སྤང་ནི་དང་ འདོད་ལོག་སྤང་ནི་ དེ་ལས་ དགེ་བ་བསྒྲུབ་ནི། ཚུལ་ཁྲིམས་སྲུང་ནི་ཚུ་ཨིན།

• ༢ དགེ་བ་བསྒྲུབ་ནི་དང་ ཆང་སྤང་ནི་ ལོག་པའི་འཚོ་བ་སྤང་ནི། ཚུལ་ཁྲིམས་སྲུང་ནི་ཚུ་ཨིན།

• ༣ ཚུལ་ཁྲིམས་སྤང་ནི། དགེ་བ་བསྒྲུབ་ནི། ཆང་སྤང་ནི་འོག་པའི་འཚོ་བ་སྤང་ནི་ཚུ་ཨིན།

• ༤ དམ་པའི་ལྷ་ཆོས་བསྒྲུབ་ནི་ཚུ་ཨིན།

Multiple Choice

༣ ཡི་དྭགས་ལུ་དབྱེ་བ་ཅིན།

• ༡ དབྱེ་བ་གཉིས་ཡོད།

• ༢ དབྱེ་བ་གསུམ་ཡོད།

• ༣ དབྱེ་བ་བཞི་ཡོད།

• ༤ དབྱེ་བ་ལྔ་ཡོད།

​༢ མགོའམ་གོས་ལ་གློ་བུ་མེ་ཤོར་ན། །དེ་དག་ཕྱིར་བཟློག་བགྱི་བཏང་ནས་ཀྱང་། །

ཡང་སྲིད་མེད་པར་བགྱི་སླད་འབད་འཚལ་ཏེ། །དེ་བས་ཆོས་མཆོག་དགོས་པ་མ་ལགས་སོ། །​

= རང་གི་མགུ་ཏོ་ལུ་ཡོད་པའི་སྐྱ་དང་ གོ་ལ་ཚུ་ལུ་ ཧང་ཏོམ་མར་མེ་འབརཝ་ཅིག་འབད་བ་ཅིན། རང་གི་གཟུགས་དང་

ཅ་ཆས་ཚུ་ མེདཔ་འགྱོ་ནི་ཨིན་མས་ཟེར་ དེ་འཕྲལ་ལས་ མེ་བསདཔ་ཨིན་རུང་ མི་མཁས་པ་ཚུ་ལུ་ འ་ནི་བཟུམ་གྱི་

གནོད་​པ་འདི་ ཆུང་ཀུ་ཅིག་ཨིན་ཟེར་ ཐུགས་བསམ་བཞེད་དེ་ མེ་གསད་ནིའི་ལཱ་ཚུ་ཡང་ བཀོ་བཞག་སྦེ་ སྡུག་བསྔལ་

གྱི་རང་བཞིན་འཁོར་བ་ནང་ལུ་ སྐྱེ་མ་དགོཔ་འབད་བཟོ་ནིའི་དོན་ལུ་ དམ་པའི་ཆོས་ལུ་བརྩོན་འགྲུས་བསྐྱེད་ནི་ལས་

ལྷག་པའི་ཁག་ཆེ་ཤོས་དང་ གལ་ཆེ་ཤོས་ཅིག་ག་ནི་ཡང་མེད་ཟེར་བའི་དོན་ཨིན་མས།

Multiple Choice

༡ དེ་དག་ཕྱིར་བཟློག་བགྱི་བ་བཏང་ནས་ཀྱང་། ཟེར་བའི་གོ་དོན་འདི།

• ༡ མགུ་ཏོ་དང་གོ་ལ་ཚུ་ལུ་ མེ་ཤོརཝ་ད་ མ་གསད་ནི་བཀོ་བཞག་སྟེ་ ཆོས་བསྒྲུབ་དགོ་ཟེར་བའི་དོན་ཨིན།

• ༢ མགུ་ཏོ་དང་གོ་ལ་ཚུ་ལུ་ མེ་ཤོརཝ་ད་ མེ་གསད་དེ་ ཆོས་བསྒྲུབ་དགོ་ཟེར་བའི་དོན་ཨིན།

• ༣ མགུ་ཏོ་དང་གོ་ལ་ཚུ་ལུ་ མེ་ཤོརཝ་ད་ མེ་གསད་ནིའི་ལཱ་འདི་ ཁག་ཆེཝ་བཟུམ་མའི་ འདི་བ་ཡང་ལྷགཔ་འབད་ ཆོས་བསྒྲུབ་ནི་ལུ་ གལ་ཆེ་ཟེར་བའི་དོན་ཨིན།

• ༤མགུ་ཏོ་དང་གོ་ལ་ཚུ་ལུ་ མེ་ཤོརཝ་ད་ མེ་གསད་དེ་ ཆོས་བསྒྲུབ་ནི་མི་འོང་ཟེར་བའི་དོན་ཨིན།