ABJ - TEKS NARASI & DESKRIPSI

Teks Deskripsi

Teks Deskripsi

Teks deskripsi yaiku tulisan sing gagasan pokoke diandharake kanthi cara nggambarake objek, panggonan, utawa kedadean nganti sing maca rumangsa kaya nyawang, ngrungokake, ngrasakake utawa ngalami dhewe objek sing digambarake penulis.

Teks Narasi

Teks Narasi

Teks narasi yaiku teks kang ngandharake lelakon utawa kedadeyan anut urutan wektu, ana paraga, latar, lan alur.

Bahane teks narasi bisa saka pengalaman uripe manungsa utawa saka asil rekadaya pikirane pengarang dhewe.

Multiple Choice

Tulisan sing gagasan pokoke diandharake kanthi cara nggambarake objek, panggonan, utawa kedadean nganti sing maca rumangsa kaya nyawang, ngrungokake, ngrasakake utawa ngalami dhewe objek sing digambarake penulis diarani .....

• a. Teks narasi

• b. Teks deskripsi

• c. Teks cerita rakyat

• d. Teks prosedur

Multiple Choice

teks kang ngandharake lelakon utawa kedadeyan anut urutan wektu, ana paraga, latar, lan alur diarani ....

• a. Teks narasi

• b. Teks deskripsi

• c. Teks cerita rakyat

• d. Teks prosedur

Tuladhane Teks Deskripsi

Pengetan Dina Pramuka

............................................................................................................................

Bima melu adu ngumbulake layangan. Layangane Bima wangune kaya kupu. Swiwine digambari kembang rupa abang, wungu, lan ijo. Sirahe dirupa ireng ana galer-galere coklat. Buntutane nglewer dawa diwerna putih belang ireng. Layangane Bima wis suwe mumbul gleyang-gleyong ing akasa. Yen disawang kaya ula nyunggi kupu-kupu. Sing ndeleng padha keplok-keplok. Pengetan dina pramuka tahun iki katon rame lan nyenengake.

Multiple Choice

Apa irah-irahan teks ing ndhuwur?

• Pengetan Dina Pramuka

• Pengetan Dina Agustusan

• Pengetan Dina Riyaya

• Pengetan Hardiknas

Multiple Choice

Apa sing digambarake panulis ing teks ing ndhuwur?

• Melu upacara bendera

• Ngumbulake bendera

• Ngumbulake layangan

• Ngumbulake pesawat kertas

Tuladhane Teks Narasi

Loper Koran

.........................................................................................................

Tekan ngisor wit palem ing komplek perumahan, “Brak!” Haris tiba saka sepeda. Sepedhane nabrak kotak cilik sing dibungkus kain ireng lan koran sing dijepit karet ing boncengane korat-karit. Karo mringis kelaran, Haris nyedhaki bungkusan sing ditabrak mau.

“Apa ta iki?” Haris nggremeng jroning batin. Bungkusan mau dijupuk lan krungu suara kemrincing saka kotak mau.

“Ha, emas!” tangane Haris gemeter merga awit pisan iki weruh emas samunu akehe.

Multiple Choice

Apa sing dialami Haris nalika tekan perumahan?

• Haris nangis

• Haris ketemu ula

• Haris tiba saka sepeda

• Haris ditinggal wong tuwane

Multiple Choice

Kepiye perasaane Haris nalika nemu emas?

• Haris biasa wae

• Tangane gemeter mergo awit pisan weruh

• Haris mlayu nggawa emas ing omahe

• Haris langsung ngadol emas menyang toko emas