Bezala / Bezalakoa

Bezala / Bezalakoa

Ongi erabiltzeko jakin beharrekoa:

"Bezalako"-aren azpian adjektibo bat dago, "nolako" galderari erantzuten diona. 

Adibidea: zu nolakoa zara? -gaztea, txikia, handia... (adjektiboak dira)                        -zu bezalakoa naiz (zu txikia bazara, ni ere txikia naiz).

"Bezala"-aren azpian adberbio bat dago, "nola" galderari erantzuten diona.Adibidea: zu nola zaude? -gaizki, ongi... (adberbioak dira)                      -zu bezala nago (zu ongi bazaude, ni ere ongi nago).

Akatsik ohikoena bezalako (moduko) ren ordez, bezala (moduan) erabiltzean datza.

Gaztelaniaz erabiltzen den lokailua "como" da beti, eta zuzeneko itzulpena egiten da euskaraz ari garenean. 

Bezala eta bezalako moduzko perpausak egiteko erabiltzen ditugu. Formari dagokionez, aditzari -N erantsiz eratzen dira. Adibidez: Zuk HONELA esan duzu. Nola?Nik HONELA egin dut. Nola?Nik esan duzuN BEZALA egin dut. (ongi, pozik...)Zuk esan duzu Jon pertsona atsegina dela. Nolakoa?Jon zuk esan duzuN BEZALAKOA da. (atsegina)

Adibideak:Ahal izan dugun bezala egin dugu.Esan zenidan bezala erosi dut: epeka.

​Maiz aditza ezabatu egiten da, forma laburtuak sortuz.

1. Adibidez: 

Zuk egin duzun bezala egin dut = Zuk bezala egin dut.

Zu zaren bezalakoa da = Zu bezalakoa da.

2. Adibide gehiago:

Eta Amaia berandu, beti bezala.

Zuk bezala egingo dut, badaezpada ere.

Zure alaba zubezalakoada: berdin-berdinak zarete.

Auto hori zurea bezalakoa da, ezta?

Zureak bezalako batzuk erosi nahi ditut.

Etxean bezala, inon ere ez.