དངུལ་ཆུའི་རྣམ་ཐར།

༼སློབ་ཚན࿒ རྒྱལ་སྲས་ལག་ལེན།༽

དོན་ཚན= རྒྱལ་སྲས་ལག་ལེན་མཛད་མི་ རྒྱལ་སྲས་དངུལ་ཆུ་ཐོགས་མེད་ཀྱི་རྣམ་ཐར/ལོ་རྒྱུས།སློབ་སྦྱོང་ལས་དོན།

1. རྒྱལ་སྲས་དངུལ་ཆུ་ཐོགས་མེད་ཀྱིས་ ག་ཅི་ཐུགས་བསམ་བཞེད་དེ་ རྒྱལ་སྲས་ལག་ལེན་བརྩམས་ནུག་ག་ འབྲི་སླབ་འབད་ཚུགས་དགོ།

2. རྒྱལ་སྲས་ལག་ལེན་ རྩོམ་མི་གི་འཁྲུངས་ཡུལ་དང་ཡབ་ཡུམ་གྱི་མཚན་ ག་ཅི་ཨིན་ན་ འབྲི་སླབ་འབད་ཚུགས་དགོ།

3. རྒྱལ་སྲས་མཆོག་གིས་ དགུང་ལོའི་རིམ་པ་བཞིན་དུ་ ག་ཅི་ར་མཛད་ནུག་ག་ འབྲི་སླབ་འབད་ཚུགས་དགོ།

1. ​ རྒྱལ་སྲས་ལག་ལེན་རྩོམ་མི།࿒ རྒྱལ་སྲས་དངུལ་ཆུ་ཐོགས་མེད།

2. འཁྲུངས་ཡུལ་ ࿒ བོད་གཡས་རུ་གི་ས་གནས་ བྲག་ཆ།/ལྷོ་ཕུལ་ཆུང་བྲག་སྐྱ།

3. ཡབ་ཀྱི་མཚན། ࿒ དཀོན་མཆོག་དཔལ།

4. ཡུམ་གྱི་མཚན་ ࿒ འབུམ་སྒྲོན།

5. གསོ་བའི་ཡུམ་ ࿒ ཆོས་ཉིད་སྒྲོན།

6. འཁྲུངས་ལོ་ ࿒ སྤྱི་ལོ་༡༢༩༥

7. དགོངས་པ་རྫོགས་པའི་ལོ་ ࿒ སྤྱི་ལོ་༡༣༦༩

​​༉ རྒྱལ་སྲས་ལག་ལེན་རྩོམ་མི་ བྱང་ཆུབ་སེམས་དཔའི་སྤྲུལ་པ་རྒྱལ་སྲས་དངུལ་ཆུ་ཐོགས་མེད་ཟེར་མི་འདི་ སྤྱི་ལོ་༡༢༩༥ལུ་ བོད་གཡས་རུ་གི་ས་གནས་ བྲག་ཅ/གཡུས་ལྷོ་ཕུལ་ཆུང་བྲག་སྐྱ་ཟེར་སར་ ཡབ་དཀོན་མཆོག་དཔལ་དང་ ཡུམ་འབུམ་སྒྲོན་ གཉིས་ཀྱི་སྲས་འབད་ ཡ་མཚན་ཆེ་བའི་རྟགས་མཚན་དང་བཅསཔ་འབད་སྐུ་འཁྲུངས་ནུག། དགུང་ལོ་གསུམ་ལུ་ཡུམ་བཤགས་ལྔ་ལུ་ཡབ་ བཤགས་སོངམ་ལས་ ཨམ་ཆུང་ ཆོས་ཉིད་སྒྲོན་གྱིས་ བྱམས་སྐྱོང་གི་སྒོ་ལས་གསོ་སྐྱོང་འབད་ནུག། ཆུང་ཀུའི་བསྒང་ལས་ མཚན་ དཀོན་མཆོག་བཟང་པོ་ཟེར་གསོལ་ནུག། དགུང་ལོ་དགུ་ལུ་བཞེདཔ་ད་ ནོར་འཚོ་ས་ལས་ འབྱོག་སྟེ་བསམ་གླིང་དགོན་པར་ཕེབས་ཏེ་ སློབ་དཔོན་ སྟོན་པ་

​རིན་ཆེན་བཀྲིས་ལས་ ཡི་གུ་ལྷག་ཐངས་ཚུ་བཞེས། དགུང་ལོ་བཅུ་བཞི་ལུ་ བླ་མ་དཔལ་འབར་དང་ མཁན་པོ་རིན་ཆེན་ལས་ དགེ་ཚུལ་སྡོམ་པ་ཞུ་སྟེ་མཚན་ཡང་ བཟང་པོ་དཔལ་ཟེར་གསོལ་ནུག། དགུང་ལོ་བཅོ་ལྔ་བཞེདཔ་ད་ ཨེའི་ཆོས་གྲྭ་ལུ་བྱོན་ཞིནམ་ལས་ བླམ་ཀུན་དགའ་རྒྱལ་མཚན་ལས་ མངོན་པ་ཀུན་བཏུས་དང་ བྱམས་ཆོས་སྡེ་ལྔ་ལ་སོགས་པ་ལེ་ཤ་ཅིག་གསན་གནང་སྟེ་ དགུང་ལོ་ཉེར་ཅིག་ལས་ གཞན་ལུ་གསན་ནི་རྐྱངམ་ཅིག་གིས་མ་དོ་བར་ གཞན་ལུ་ཡང་ཆོས་གནང་སྟེ་བསྟན་པ་ཕན་པའི་ཕྱག་ལཱ་མཛད་ནུག། དགུང་ལོ་སུམ་ཅུ་ལུ་ མཁན་པོ་བྱང་སེམས་རིན་ཆེན་སོགས་ལས་ བསྙེན་རྫོགས་ཀྱི་སྡོམ་པ་བཞེས་ནུག།

​དགུང་ལོ་སོ་ཉིས་ལུ་ རྟ་རའི་གདན་སར་ཕེབས་ཞིནམ་ལས་ ལོ་བདུན་གྱི་རིང་ལུ་ འཆད་རྩོད་རྩོམ་གྱི་ཕྱག་ལཱ་བསམ་གྱིས་མི་ཁྱབ་པར་མཛད་ནུག། དེ་ལས་འགོ་བཟུང་སྟེ་ གསུང་རྩོམ་འདི་ བློ་སྦྱོང་དོན་བདུན་མའི་ཁྲིད་ཡིག་དང་། རྒྱལ་སྲས་ལག་ལེན་སོ་བདུན་མ། འཇུག་པ་སེམས་བསྐྱེད་ལ་སོགས་པ་ དཔེ་ཆ་ བརྒྱ་དང་བཅོ་ལྔ་མཛད་ནུག། དགུང་ལོ་བདུན་ཅུ་དོན་བཞི་བཞེདཔ་ད་ སྤྱི་ལོ་༢༣༦༩ དགོངས་པ་ཆོས་དབྱིངས་ལུ་གཤེགས་ནུག/ བཤགས་སོང་ནུག་གོ།།

བཀྲིན་ཆེ།