Araling Panlipunan Module 4 (Day 1)

Araling Panlipunan Ikatlong Markahan – Modyul 4 Tungkulin sa Pangangalaga ng Kapaligiran

March 6, 2023 (Day 1)

Inihanda ni:

Ma. Veronica B. Belgar

Alamin

Sa pag-aaral ng modyul na ito ay iyong malalaman ang kahalagahan ng likas na yaman at ang tungkulin ng bawat isa sa pangangalaga nito.

Sa pagtatapos ng araling ito, ay inaasahang:

Alamin

1. naipaliliwanag ang pansariling tungkulin sa pangangalaga ng kapaligiran;

1.1 nauunawaan ang kahalagahan sa pagtupad ng sariling tungkulin sa pangangalaga ng kalikasan.

Multiple Select

Alin sa mga nakasulat ang kaya mong gawin sa loob ng bahay?

• Magligpit ng higaan

• Maglagay ng tubig sa pitsel

• Maglaba ng damit

• Magluto ng menudo

• Magpunas ng mesa

Multiple Select

Paano kaya mabubuhay ang halamang nasa paso? Ano–ano kaya ang kailangan niya? I-click ang larawang nakatutulong upang mabuhay ito.

Tuklasin

Nais mo bang malaman ang mga pansariling tungkulin para sa pangangalaga ng kapaligiran?

Ang isang tao na tulad mo ay nabubuhay dahil sa likas na yaman na ipinagkaloob ng Diyos. Dahil dito, nakasalalay ang tungkulin ng tao upang pangalagaan ito.

Tuklasin

Ang pamahalaan ang siyang nangangasiwa sa pangangalaga ng kapaligiran, kaya may mga batas na ipinatupad, gaya ng Republic Act 428, batas na nagbabawal sa pagbebenta ng isda o ibang yamang-dagat na pinatay sa pamamagitan ng dinamita o paglalason.

Tuklasin

Presidential Decree 705 na tinatawag na Selective Logging o ang pagpili lamang ng punong puputulin at kung alin ang dapat iwanan. Mayroon ding nakasaad sa ating Saligang Batas, 1987, Artikulo II, Seksyon 16.

Tuklasin

Maliban pa rito ay may mga programang inilunsad ang Kagawaran ng Edukasyon, tulad ng “Ilog Ko, Irog Ko”, “Kabataan Kontra Basura”, Eco-saver Program, Clean and Green, at iba pa.

Tuklasin

Lahat ng programang inilunsad ay magtatagumpay lamang kung gagawin ng mga tao ang tungkulin sa pangangalaga ng kapaligiran. Tandaan na ang mga likas na yaman ay nauubos din kaya nararapat na tipirin at ayusin ang paggamit nito.

Tuklasin

Nararapat ang mga mamamayan ay makiisa sa pagpapaunlad at pagliligtas ng kalikasan, tumulong upang mabawasan ang polusyon sa hangin, sa lupa at sa tubig. Magkaroon ng disiplina at gawin ang tama para sa ikabubuti ng mundong ginagalawan.

Tuklasin

Sa kasalukuyan, pagbaha ang madalas nating nararanasan, kaya nararapat na magtanim ng mga punongkahoy upang mabawasan ang pagbaha. Maraming nagagawa ng puno sa ating kapaligiran. Nagsisipsip ng tubig ulan at humahawak ng lupa ang mga ugat nito upang hindi magkaroon ng pagguho. Nagbibigay din ng pagkain at kagamitan sa bahay, gaya ng upuan, bintana, kama, at iba pa.

Tuklasin

Nababawasan din ang polusyon sa hangin dahil sa mga dahon nito. Laging tandaan na lahat ng mga bagay sa mundo ay nauubos at binabawi sa ating lumikha kaya huwag abusuhin, bagkus pahalagahan ito. Pasalamatan ang Diyos sa lahat ng mga biyayang ipinagkaloob.

Open Ended

Ano-anong mga batas ang ipinatupad ng pamahalaan upang pangalagaan ang ating kapaligiran?

Open Ended

Ano-anong programa ang inilunsad ng Kagawaran ng Edukasyon para sa pangangalaga ng ating kapaligiran?

Open Ended

Alin sa mga programa ang isinasabuhay mo? Bakit?

Open Ended

Bilang mag-aaral, paano mo mapapangalagaan ang ating kapaligiran?

Multiple Select

I-click ang mga gawaing nangangalaga sa kapaligiran.

• sumasali sa paglilinis ng kapaligiran

• nagtatapon ng mga basura sa tamang lalagyan

• pumipitas ng mga bulaklak

Multiple Select

I-click ang mga gawaing nangangalaga sa kapaligiran.

• pinupulot ang mga kalat sa paligid

• nagtatanim ng mga puno at halaman

• umiiwas sa panghuhuli ng hayop

Napakasayang tignan ang isang maganda at malinis na kapaligiran. Ang lahat ng ating nakikita sa ating paligid ay ibinigay sa atin na dapat ingatan. Kaya upang manatili ang kagandahan at kalinisan nito kailangan nating kumilos. Ang bawat isa sa atin ay may tungkulin na dapat gawin upang mapangalagaan ang kapaligiran.

I-click ang salitang Tama kung ang pangungusap ay nangangalaga sa likas na yaman at sa kalinisan ng komunidad at Mali naman kung hindi.

Multiple Choice

Pagkatapos kumain ng tsokolate ni Mona itinapon nito ang balat sa daan.

• Tama

• Mali

Multiple Choice

Laging isinasara ni Rosa ang gripo pagkatapos nitong maghugas ng kamay.

• Tama

• Mali

Multiple Choice

Gumagamit ng lambat na may maliliit na butas si tatay sa pangingisda.

• Tama

• Mali

Multiple Choice

Sumasali sa paglilinis ng komunidad ang mga bata.

• Tama

• Mali

Multiple Choice

Si Lino ay nagtanim ng bagong halaman.

• Tama

• Mali

Sa aralin na ito, tatalakayin natin ang mga paraan na maaari mong gawin upang mapangalagaan ang kapaligiran

Pagmasdan mo ang nasa larawan. Hindi ba’t mas magandang tumira sa isang komunidad na may malinis at maaliwalas na kapaligiran? Ang pag-aalaga sa kapaligiran ay tungkulin ng lahat ng tao.

Basahin ang dayalogo.

Tonyo: O Dino, pauwi ka na ba?

Dino: Oo, Tonyo. Halika, sabay na tayo.

Tonyo: Alam mo ba, sabi ng guro namin hindi muna kami papasok sa paaralan?

Dino: Bakit daw?

Tonyo: Ayon sa aming guro ay iniutos daw ito ng ating presidente dahil sa kumakalat na sakit na kung tawagin ay COVID-19.

Dino: COVID-19? Ah, ‘yun siguro ang sinasabi ng aming guro na isang virus na nakakahawa at nakamamatay kaya dapat ay manatili tayo sa loob ng bahay, laging maghugas ng kamay, kumain ng mga masustansiyang pagkain at panatilihin ang kalinisan sa ating kapaligiran upang makaiwas sa sakit.

Tonyo: Ganun ba? Kailangan pala nating gawin ang mga iyan. Paguwi ko ay maghuhugas agad ako ng kamay at kakain ng masustansiyang pagkain. Sisimulan ko na ring tumulong sa paglilinis ng aming paligid at mananatili na muna sa bahay.

Dino: Alam mo rin ba Tonyo na makakatulong din tayo sa pangangalaga ng kapaligiran sa ating gagawing paglilinis?

Tonyo: Tama ka diyan, Dino. O, sige. Malapit na ako sa bahay namin. Ingat!

Dino: Ingat din, Tonyo!

Nagpatuloy sa paglalakad ang dalawang bata pauwi sa kanikanilang bahay.

Open Ended

Sino ang dalawang bata na nagkita sa daan?

Open Ended

Ano ang tinanong ni Tonyo sa bata?

Open Ended

Anong sakit ang naging dahilan upang mahinto ang pag-aaral ng mga bata?

Open Ended

Ano-ano ang mga maaaring gawin ng mga bata upang makaiwas sa sakit na kumakalat sa paligid?

Open Ended

Makakatulong ba sa pangangalaga ng kapaligiran ang dalawang bata?

Ang ilan sa mga paraan na maaari mong gawin upang mapangalagaan ang ating kapaligiran ay ang sumusunod:

 Sa inyong bahay at paaralan, huwag magkalat kung saan-saan;

 Itapon ang basura sa tamang basurahan;

 Tumulong sa paglilinis ng iyong kapaligiran, sa inyong tahanan man o paaralan;

 Huwag kalimutan isagawa ang reuse, reduce, at recycle. Ito ay isang paraan upang ang basura ay mabawasan;

 Hindi dapat magsunog ng basura upang ang hangin natin ay hindi maging marumi;

 Hindi rin dapat magtapon ng basura sa ilog upang ang tubig ay hindi dumumi;

 Magtipid sa tubig at pagkain;  Ang tv, computer, o ilaw ay patayin kung hindi naman ito ginagamit;

 Kung malapit lang din naman ang iyong pupuntahan, sa halip na sumakay ay maglakad na lamang. Nakatutulong ito hindi lamang sa kalikasan kundi pati sa iyong kalusugan; at

 Magtanim ng puno at halaman sa ating kapaligiran. Sa pamamagitan ng mga hakbang na ito mas lalong mapagaganda ang ating kapaligiran.