Filipino Module 6 (Day 2)

FILIPINO Ikatlong Markahan -Modyul 6: Pagpapahayag ng Sariling Ideya/Damdamin o Reaksyon Tungkol Sa Napakinggang Kuwento Batay Sa Tunay Na Pangyayari/Pabula

March 7, 2023 (Day 2)

Inihanda ni:

Ma. Veronica B. Belgar

Suriin

Balikan ang kuwento nina Leon at Daga. Magpahayag ng sariling ideya o reaksiyon sa napakinggang kuwento.

Pagyamanin

Basahin ang pabula sa susunod na pahina at ipahayag ang iyong sariling ideya/damdamin tungkol dito.

ANG UWAK NA NAGPANGGAP

Ni Aesop

Isang uwak ang nakakita ng mga lagas na balahibo ng pabo sa lupa. Pinagmasdan niya iyon at nasiyahan sa iba't ibang kulay na taglay niyon. At dahil sawa na siya sa pagiging isang itim na ibon, iyon ay kanyang pinulot isa-isa at saka idinikit sa kanyang katawan.

Iyon lang at dali-dali siyang lumipad patungo sa grupo ng mga pabo at nagpakilala bilang kauri ng mga ito.

Ngunit sadyang kilala ng mga pabo ang kanilang kauri, kaya naman hindi rin nagtagal ay nabisto ng mga ito ang nagkukunwaring uwak.

Dahil dito, inalis ng mga pabo ang iba't ibang kulay na balahibong nakadikit sa katawan ng uwak. Pagkuwa'y pinagtutuka nila ito hanggang sa takot na lumisan.

Nang magbalik ang uwak sa kanyang mga kauri, hindi na rin siya tinanggap ng mga ito. At sinabing, "Hindi namin kailangan ang isang tulad mong walang pagmamahal sa sariling anyo!"

Ibigay ang sarili mong ideya/damdamin sa pahayag ng mga kauri ni uwak na “"Hindi namin kailangan ang isang tulad mong walang pagmamahal sa sariling anyo!"”

Ang pagpapahayag ng sariling ideya o damdamin at reaksiyon tungkol sa napakinggang kuwento batay sa tunay na pangyayari/pabula ay nakasalalay sa 7 damdamin ng nagbabasa. Nagkakaroon ng epekto ang damdamin ng nakikinig sa pagbibigay niya ng ideya o opinyon batay sa mensaheng narinig.

Iba’t ibang damdamin ang maaaring madama ng taong nakarinig nito. Ilan sa mga halimbawa ng damdamin ay ang mga sumusunod:

-masaya -malungkot -nayayamot

-natatakot -pagkamangha -galit

-pagkainip -pagkahiya -pagkaligalig

-naiiyak -paghanga

I-click ang larawan na may kaugnayan sa pangungusap na nagpapahayag ng damdamin, ideya o reaksiyong sa bawat bilang.

Multiple Choice

Natuwa si Aling Marya nang bigyan siya ni Sabel ng inumin matapos siyang maglinis ng bahay.

Multiple Choice

Nakakita si Mateo ng ibon sa puno na umaawit.

Multiple Choice

Nanalo sa isang patimpalak si Nene.

Multiple Choice

Sama-samang nanonood ng telebisyon ang mag-anak.

Multiple Choice

Napagod ka sa paglilinis ng iyong kwarto.

Basahin at unawain ang maikling kuwento.

Ang Aso at ang Anino

ni: Aesop

Isang aso ang naglalakad habang kagat-kagat sa bibig ang isang pirasong karne. Tumawid siya sa isang tulay at tumingin sa tubig sa ilalim ng tulay.

Nakita niya ang kaniyang repleksiyon sa tubig at inakalang ibang aso ito na mayroon ding dalang karne sa bibig. Tumahol siya dahil nais niyang makuha ang karne ng asong nakita. Ngunit sa kaniyang pagtahol ay nahuhog sa tubig ang karne sa kanyang bibig at hindi na niya ito muli pang nakuha.

Open Ended

Anong ugali mayroon ang aso?

Open Ended

Nakita mo ang bagong laruan ng kaibigan mo. Ngunit mayroon ka na ng laruan na iyon. Ano ang gagawin mo? Magpapabili ka ba uli sa Nanay mo dahil luma na ang laruan mo?