Tarmoq muammolari 9-sinf

​Tarmoq muammolari va kommunikatsiya

​Bugungi dars mazmuni

• Kompyuter tarmoqlari xavfsizligi

• Parol qoʻlga kiritilishining oldini olish

• Maʼlumotlarni himoya qilish toʻgʻrisidagi qonun hujjatlarining tamoyillari.

• Tarmoqli aloqa. Faksimil aloqa

• Elektron pochta aloqasi va ilova hujjatlar

• Video, audio va web konfirensiyalar.

Kompyuter tarmoqlari xavfsizligi

Tarmoq xavfsizligi – bu tarmoq administratori muammolar yuzaga kelishining oldini olish uchun foydalanadigan siyosatdir.
Xavfsizlik faqatgina xakerlar, viruslar va zararli dasturlardan iborat emas. Xavfsizlik muammosi, masalan, insonning bexosdan qilingan xatolari tufayli yuzaga kelishi mumkin. Tarmoq xavfsizligi muammosi har doim ham tashqi xavflar bilan bogʻliq boʻlmaydi, balki tarmoqning vakolatli foydalanuvchilari tomonidan oddiy xatoga yoʻl qoʻyilishi, masalan, qaysidir tugmaning notoʻgʻri bosilishi kabi oddiy holat, tajriba yoki bilimning yetishmasligi sababli ham ro’y beradi.

Parol qoʻlga kiritilishining oldini olish

biror shaxs tarmogʻingizga kirish imkoniga ega boʻlsa, u tarmoq trafigini ushlab qolishi va maxfiy maʼlumotlarga kirishi mumkin.
Agar shaxsda kompyuteringizga toʻgʻridan-toʻgʻri kirish imkoniyati boʻlmasa, internet aloqasi, koʻpincha, ochiq tarmoq porti orqali tizimga buzib kirishi mumkin.
Josus dastur – bu foydalanuvchining harakatlarini yozib oladigan va parollarni oʻgʻirlashda ishlatilishi mumkin boʻlgan istalmagan dasturdir.
dasturni boshqa dasturlar kabi oʻchirishga harakat qilib koʻrsangiz, kompyuterni qayta ishga tushirganingizda uning yana paydo boʻlib qolganini ko’rasiz. Josuslik dasturiga qarshi dastur, agar doimo yangilab tursangiz, bu kabi tajovuzlardan himoya qiladi.

Maʼlumotlarni himoya qilish toʻgʻrisidagi qonun hujjatlarining tamoyillar

Shaxsiy maʼlumotlarni xavfsiz tarzda toʻplanishi, qayta ishlanishi va saqlanishiga boʻlgan talabning oshishi maʼlumotlar maxfiyligi boʻyicha xalqaro qonunlarga ehtiyoj tugʻdirdi. Hozir dunyoda shaxsiy maʼlumotlar bilan ishlashni tartibga soluvchi koʻplab qonunlar mavjud. Bunday global talab qonunlarning turli davlatlarda keskin farq qilishiga sabab boʻldi.

Faksimil aloqa

Faks mashinasi telefon tarmogʻi orqali qogʻoz hujjatning faksimile (ayni) nusxasini yuboradigan va qabul qiladigan qurilmadir. Faks – “faksimile” soʻzining qisqartmasi bo’lib, qogʻoz hujjatni skaner qiladi va uni qabul qiluvchi faks mashinasiga telefon tarmogʻi orqali bora olishi uchun tovushga aylantiradi.

Elektron pochta aloqasi va ilova hujjatlar

Elektron aloqa (elektron pochta) – bu kompyuterlar tomonidan yuboriladigan va qabul qilinadigan xabarlardir; xabarning oʻzi matn shaklida boʻladi, lekin xabarga “ilova hujjat” sifatida boshqa turdagi fayllar ham yuborilishi mumkin.

Elektron pochta va faksdan foydalanishning afzalliklari va kamchiliklari

Video, Audio va Veb konfirensiyalar

Videokonferensiya turli manzillarda boʻlgan kishilarga kamera va mikrofon oldida oʻtirgan holda bir-birini koʻrib, gaplashish imkonini beradi.
Audio konferensiya – alohida abonentlar orasida telefon uskunasi orqali oʻtkaziladigan majlisdir.
Veb-konferensiya – bu jonli uchrashuv boʻlib, taʼlim, hamkorlik yoki marketing kabi maqsadlarda yoxud shunchaki, internet orqali suhbatlashish uchun tashkil etiladi.

Open Ended

Tashkilot mustaqil kompyuterlardan foydalanadi va ularni mahalliy tarmoqqa ulashni xohlaydi. Kompyuterlarning LAN tarmoqqa ulanishiga imkon beruvchi ikkita qurilmani ayting.

Open Ended

Ikkita turli tarmoq birlashtirilishi kerak. Ularni birlashtirish uchun ishlatiladigan qurilma nomini ayting.

Open Ended

Video konferensiya uchun zarur boʻlgan toʻrtta qurilmani sanang.

Open Ended

Mahalliy tarmoqni (LAN) haqida yozing.

Open Ended

Restoran biznesida allaqachon bir nechta kompyuterlar mavjud va ularni bitta tarmoqqa birlashtirish masalasini koʻrib chiqishmoqda. Tadirkorlar kelajakda boshqa restoranlar ham ochmoqchi. Ular qanday turdagi tarmoq oʻzlari uchun eng yaxshi boʻlishini muhokama qilmoqda: LAN, WLAN yoki WAN tarmoq. Ushbu turdagi tarmoqlar orasidagi farqlarni tasvirlang, ulardan birini tavsiya qilib, fikringizni asoslang