Оқу сауаттылығы диагностикалық тест

Multiple Choice

Мәтінді мұқият оқып, берілген тапсырмаларға дұрыс жауап беріңіз

Қамқорлық

Жер тайғақ. Назымбек асыға басып, мектебiне келе жатыр. Жолда бiр кiшкентай баланы қолтықтап алған сыныптасы Нақысбектi кездестiрдi. Бала еңiреп жылап келедi.

– Мына бала сенiң iнiң бе? – деп сұрады Назымбек.

– Жоқ.

– Ендi кiмiң?

– Құлап, аяғын ауыртып алған екен.

– Оны қайда апарасың?

– Дәрiгерге көрсетiп, жарасын таңғызып берейiн. Екеулеп апарып салсақ қайтедi? – деп өтiнгендей болды Нақысбек.

– Сабақтан кешiгемiз ғой...

– Мен кешiксем, Күлпәш Құлекеноваға айтарсың, мертiккен баланы дәрiгерге әкеттi деп.

– Айтайын, көп жүрiп қалма! – деп, жүгiре жөнелдi Назымбек. Нақысбек арқалап алған бала зар қағады. Ауырсынып, шырылдауына қарағанда аяғы сынған болу керек.

– Жылама, қазiр дәрiгерге жетемiз, таяу қалды. Сенiң атың кiм?

– Төлеген...

– Ал, Төлеген батыр, мойнымнан мықтап ұста, тез жеткiзе қояйын, – Нақысбек Төлегендi хирургке алып келдi. Сынық бар деп, емханаға салатын болды. Хирург Нақысбекке:

– Кiшiге көрсеткен қамқорлығың үшiн саған рақмет! – деп, басынан сипап, арқасынан қақты

1. Аяғын ауыртып алған кім?

• A) Нақысбек

• B) Назымбек

• C) Төлеген

• D) Күлпәш

Multiple Choice

2. Хирург Нақысбекке не үшін алғыс айтты?

• A) Төлегенді арқалап әкелгені үшін

• B) жасаған қамқорлығы үшін

• C) сабаққа бармағаны үшін

• D) ақылды бала болғаны үшін

Multiple Choice

3. Назымбек Нақысбекке көмектесуден бас тартуының себебі

• A) дәрігерге барудан қорықты

• B) сабаққа кешігемін деп уайымдады

• C) Күлпәш Құлекноваға ескертпегендіктен

• D) қатыгез болғандықтан

Multiple Choice

4. Mәтін мазмұнына сәйкес келетін мақал

• A) Қайырымдылық жасасаң, қайырын өзің көрерсің

• B) Ақылсыз достан ақымақ дұшпан артық.

• C) Еңбек етсең ерінбей, тояды қарның тіленбей.

• D) Көңіліңе қарай дос таңда, күшіңе қарай іс таңда

Multiple Choice

Нұсқаулық: Мәтінді мұқият оқып, берілген тапсырмаларға дұрыс жауап беріңіз.

Жануарлардың тілі

Сүлеймен пайғамбар жан­жануардың тілін білетін. Сиырдың мөңірегенінен, есектің ақырғанынан, қарағанынан не айтып тұрғанын біліп қоятын.

Бір кісі Сүлеймен пайғамбарға өтініш айтып, жануардың тілін үйретуін өтінеді. Бірнеше айдан соң үйреніп алды.

Әлгі кісі үйіне келіп, қораның сыртынан тыңдады. Сөйтсе, есек пен өгіз сөйлесіп жатыр екен.

Есек: — Өгіз, бауырым, халің қалай? — дейді.

Өгіз: — Ауыр жұмыстан шаршадым. Қожайыным мені аямайды, — деп ыңырсиды.

Есек оған ақыл айтады: — Сен бүгін шөп берсе — жеме, су берсе — ішпе. Ауырып қалған екен деп, жұмыстан қалдырады, — дейді.

Өгіз айтқанды орындайды. Шөп те жемей, су да ішпей жатып алады. Екеуінің сөзін есіткен қожайыны құлына айтады: — Ертең өгізді қалдыр да, есекті жұмысқа жек! — дейді.

Ертеңіне өгіздің бар жұмысын есекке салады. Есек арба да сүйрейді, отын да тасиды. Өлердей шаршайды. Кешке аяғын әзер сүйретіп қораға кіреді.

Өгіз болса, тынығып қалған еді. Қутың­-қутың етеді.

— Халің қалай, достым? — дейді есекке.

Әбден шаршаған есек күйіп кетіп: — Сені қожайын сойып жеймін деп жатыр. От оттап, су ішпесең, ертең сояды, — деп алдайды.

Қорқып кеткен өгіз дереу шөп жеуге кіріседі. Қораның сыртынан тыңдап тұрған қожайыны есектің қулығына әбден күледі.

5. Теңеу кездесетін қатарды табыңыз

• A) Қутың­-қутың етеді.

• B) Ауыр жұмыстан шаршадым

• C) Өлердей шаршайды

• D) Кешке аяғын әзер сүйретіп қораға кіреді

Multiple Choice

6. Mәтін мазмұны бойынша есектің мінезіне баға беріңіз

• A) аңғал

• B) момын

• C) айлакер

• D) әділ

Multiple Choice

7. Mәтіндегі «қутың-қутың» сөзінің мағынасын табыңыз

• A) Көздердің жымия күлімсіреуі

• B) Қуланған адамның сырт пішініндегі өзгеріс.

• C) Ашуланған адамның сырт бейнесіндегі өзгеріс

• D) Ризашылық сезімді білдіреді

Multiple Choice

8. «Дереу» сөзінің антонимін табыңыз

• A) тез

• B) лезде

• C) жылдам

• D) асықпай

Multiple Choice

9. Мәтіндегі оқиғаның шарықтау шегі болып табылатын оқиғаны белгілеңіз

• A) Ертеңіне өгіздің бар жұмысын есекке салды

• B) Өгіз тынығып қалған еді.

• C) Қожайыны сойып жегісі келді

• D) Ауыр жұмыстан шаршайды

Multiple Choice

10. Mәтіндегі оқиғаның басталуын анықтаңыз

• A) Өгіздің есекке шағымдануы

• B) Есектің ақыл айтуы

• C) Есектің өз ақылынан зардап шегуі

• D) Сүлеймен пайғамбардан бір кісінің жануарлар тілін үйренуі