CUF March 8, 2024

Paninigarilyo sa Publiko, Ipinagbabawal na!

Pagkatapos ng sesyon na ito, ang mga mag-aaral ay:

• Naibibigay ang opinyon o katuwiran tungkol sa paksa ng teksto:

• Nabibigyang-kahulugan ang mga salitang ginamit sa binasang balita;

• Nagamit ang iba’t ibang estratehiya sa pangangalap ng idea sa pagsulat ng balita; at Naipahahayag sa lohikal na paraan ang mga pananaw at katuwiran.

Gawin bago bumasa

Multiple Choice

7 milyong tao ang namamatay taon-taon dahil sa paninigarilyo

• KATOTOHANAN

• OPINYON

Multiple Choice

Maaaring makatulong ang paninigarilyo upang maibsan ang stress na nararamdaman ng isang tao.

• KATOTOHANAN

• OPINYON

Multiple Choice

Ang sigarilyo ay naglalaman ng 4600 na kemikal at 69 sa mga ito ay pwedeng maging dahilan ng pagkakaroon kanser.

• KATOTOHANAN

• OPINYON

Multiple Choice

Ang paminsanminsang paninigarilyo ay posibleng hindi nakasasama sa kalusugan.

• KATOTOHANAN

• OPINYON

Multiple Choice

Ang mga taong hindi naninigarilyo ay nagkakaroon ng kanser sa baga dahil sa usok mula sa sigarilyo.

• KATOTOHANAN

• OPINYON

Ngayong nalaman mo na ang ilang mahahalagang impormasyon hingil sa paninigarilyo.
​Sagutin natin ang mga gabay na katanungan

Open Ended

Ano-ano ang masasamang naidudulot ng paninigarilyo?

Open Ended

• Bakit mahigpit na ipinagbabawal ang paninigarilyo sa mga pampublikong lugar?

Open Ended

• Paano mo mahihikayat ang iyong kakilala na tumigil o huminto sa paninigarilyo?

Bago Bumasa

​Paghawan sa Sagabal na makikita sa teksto

Word Cloud

Bigyang-kahulugan ang mga salitang may kaugnayan sa babasahing teksto:

second-hand smoke

Word Cloud

Bigyang-kahulugan ang mga salitang may kaugnayan sa babasahing teksto:

nikotina

Word Cloud

Bigyang-kahulugan ang mga salitang may kaugnayan sa babasahing teksto:

lung diseases

Pagbabasa ng Teksto

Basahin nang tahimik ang teksto at pagkatapos ng bawat talata ay sasagutin ang mga katanungan sa isang buong papel at ipasa sa Lunes (Marso 11, 2024).

Paninigarilyo sa Publiko, Ipinagbabawal na!​

Tagumpay ng mga Pilipino ang nilagdaang kautusan ni Pangulong Duterte na Executive Order No. 26 na nagbabawal sa paninigarilyo sa mga pampublikong lugar sa buong bansa.

Anong executive order ang nilagdaan ni Pangulong Duterte? Ano ang bagong kautusan tungkol sa paninigarilyo?
Ayon sa isinagawang sarbey ng Philippine Legislators’ Committee on Population and Development (PLCPD), siyam sa sampung Pilipino ang sang-ayon na ipagbawal ang paninigarilyo sa mga pampublikong lugar.

​Ilang porsyente ng mga Pilipino ang sang-ayon na ipagbawal ang paninigarilyo sa mga pampublikong lugar?

Nakatutuwang isipin na nagkaroon ng isang kautusan sa ating bansa upang maprotektahan ang mga Pilipinong hindi naninigarilyo laban sa mga sakit na dulot ng usok nito. Isinasaad sa kautusan na may nakatalagang lugar lamang o designated areas kung saan maaaring manigarilyo ang isang tao. Kaiba ito sa nakaugalian ng marami na kung saan-saan na lamang naninigarilyo.

Saan na lamang maaaring manigarilyo ang isang tao?
Malaking tulong din ang kautusang ito para sa magulang ng 16 na milyong kabataang Pilipino na may edad 15 pataas na naninigarilyo dahil ipinagbabawal na rin para sa mga menor de edad ang paninigarilyo at pagbebenta sa kanila.

Ilang milyong kabataang Pilipino ang naninigarilyo?

Makahihinga na rin nang maluwag ang mga taong hindi naninigarilyo dahil hindi na pakalat-kalat ang mga naninigarilyo sa paligid. Ayon sa World Health Organization (WHO), mahigit 600,000 na second-hand smoke sa buong mundo ang namamatay taon-taon. Sila ang mga taong hindi naninigarilyo ngunit nakalalanghap ng usok na ibinubuga ng mga taong naninigarilyo.

Sino ang itinutukoy na second-hand smoke?

Tunay na nakatatakot ang epekto ng sigarilyo para sa mga gumagamit nito at mga nakalalanghap ng usok nito. Ayon sa Kagawaran ng Kalusugan, ang mga sakit na nakukuha sa paninigarilyo ay hypertension, heart attack, stroke, cancer, lung diseases, at chronic obstruction pulmonary disease (COPD).
Ano-anong sakit ang maaaring makuha mula sa paninigarilyo at usok nito?

Sana ay magsilbing matibay na panangga ng mga Pilipino laban sa sakit na naidudulot ng paninigarilyo ang nilagdaang kautusan ni Pangulong Duterte.

Habang bumabasa

Sagutin ang mga gawain sa isang buong papel at ipasa sa Lunes (Marso 11, 2024).

Pagkatapos Bumasa

Sagutin ang mga gawain sa isang buong papel at ipasa sa Lunes (Marso 11, 2024).

Pagkatapos Bumasa

Maraming Salamat sa Pakikiisa