UNGGAH-UNGGUH BASA JAWA

(UUBJ1) UNGGAH-UNGGUH BASA JAWA

​

Unggah-ungguh Basa Jawa

Unggah-ungguh basa yaiku pranataning basa manut lungguhing tatakrama utawa subasita. Unggah-ungguh uga kaprah diarani undha-usuk basa. Ing masyarakat Jawa kang njalari anane ungah ungguh basa yaiku bab pangkat, kalungguhan, enom lan tuwa.

Sak durunge melebu menyang materi unggah-ungguh basa, siswa kudu paham materi dasar jenise tetembungan!

TEMBUNG LINGGA

Tembung lingga iku tembung sing durung owah saka asalé (tembung asal). Tembung lingga duwé teges kang bisa béda nalika wis diwènèhi wuwuhan (ater-ater, sisipan, utawa panambang) kang banjur dadi Tembung Andhahan. Saben tembung lingga bisa ndadèkaké tembung andhahan

Tuladha:

sapu, pangan, arit, tuku, pacul, lsp

*ing basa Indonesia diarani kata dasar

TEMBUNG ANDHAHAN

Tembung Andhahan iku tembung kang wus owah (berubah) saka asliné (tembung lingga) amarga diwenehi ater-ater, seselan, lan panambang.

Tuladha:

• katresnan saka ka+tresna+an.
• lumingsir saka lingsir olèh sisipan um
• dak tresnani saka tresna diwenehi ater-ater dak lan panambang i

Ing basa Indonesia tembung andhahan kayata kata berimbuhan

Ing tembung andhahan ana jenenge ater-ater. Apa iku ater-ater?

Ater-ater iku wuwuhan kang dumunung ing sangareping tembung lingga ing paclathon. Yèn ing basa Indonésia diarani awalan.

Ing basa Jawa, ater-ater iki kapérang dadi telu, ya iku hanuswara, tripurusa, lan ater-ater liya.

Multiple Choice

Pilihlah satu jawaban yang menurut kamu benar!

Tembung "njaluk" kalebu tembung...

• lingga

• andhahan

• kriya

• ater-ater

Multiple Choice

Pilihlah satu jawaban yang menurut kamu benar!

Tembung "njaluk" saka tembung lingga kang diwenwehi ater-ater...

• hanuswara

• tripurusa

• seselan

• panambang

Multiple Select

Centang/pilih jawaban yang menurut kamu benar!

Pilihan jawaban lebih dari satu.

Unggah-ungguh basa kaperang dadi 4, yaiku...

• ngoko lugu

• ngoko alus

• krama lugu

• krama alus

• ngoko madya

1.              Ngoko Lugu

Yaiku basa kang tembunge ngoko kabeh, ater-ater ora dikramakake.

Tuladha:

(Guneman Hasan karo Nurdin kanca gulete Ali ing desa)

Hasan: “Kaya Ali mau lunga menyang apotik, mbok menawa kowe weruh duwe perlu apa?”

Nurdin: “Ali tuku obat resep dokter, jare dhek wingi calon bojone lara.”

Multiple Select

Centang/pilih jawaban yang menurut kamu benar!

Pilihan jawaban lebih dari satu.

Ø Basa ngoko lugu digunakake dening...

• Bocah marang bocah.

• Guru marang murid.

• Wong tuwa marang anak, utawa sing luwih enom.

• Mitra karo mitra sing wis kulina lan raket banget.

• Mitra karo mitra sing wis kulina nanging ajen-ingajenan.

Multiple Choice

Pilihlah satu jawaban yang menurut kamu benar!

(Guneman Hasan karo Nurdin kanca gulete Ali ing desa)

Hasan: “Kaya Ali mau lunga menyang apotik, mbok menawa kowe weruh duwe perlu apa?”

Nurdin: “Ali tuku obat resep dokter, jare dhek wingi calon bojone lara.”

Guneman ing dhuwur kalebu ngoko lugu, amarga...

• guneman kanca padha kanca sing durung kulina.

• guneman bocah-bocah

• guneman kanca padha kanca (sepantaran) kang wis raket

• guneman bendara marang rewange

• guneman wong tuwa marang wong enom

2.  Ngoko Alus

Yaiku basa kang wujude tembung-tembung kedadean saka tembung ngoko lan tembung krama inggil. Ater-ater lan panambang ora dikramakne.

Tuladha:

(Guneman Bu Siti lan Pak Juned. Loro-lorone kanca nyambutgawe sekantor sekolahan.)

Bu Siti: “Kaya Pak Ali mau tindak menyang apotik, mbok menawa panjenengan priksa kagungan perlu apa?”

Pak Juned: “Pak Ali mundhut obat resep dokter, ngendikane dhek wingi calon garwane gerah.”

Multiple Select

Centang/pilih jawaban yang menurut kamu benar!

Pilihan jawaban lebih dari satu.

Ø Basa ngoko alus digunakake dening...

• Mitra karo mitra sing wis kulina nanging ajen-ingajenan.

• Wong tuwa marang anak.

• Putra marang bapak lan ibu, kanthi swasana akrab nanging tetep gedhe pakurmatane.

• Pawestri marang kakung/garwane.

• Kanca marang kanca sing wis raket.

Multiple Choice

Pilihlah satu jawaban yang menurut kamu benar!

Tuladha:

(Guneman Bu Siti lan Pak Juned. Loro-lorone kanca nyambutgawe sekantor sekolah.)

Bu Siti: “Kaya Pak Ali mau tindak menyang apotik, mbok menawa panjenengan priksa kagungan perlu apa?”

Pak Juned: “Pak Ali mundhut obat resep dokter, ngendikane dhek wingi calon garwane gerah.”

Guneman ing dhuwur kalebu ngoko alus amarga...

• Guneman mitra karo mitra sing wis kulina nanging ajen-ingajenan.

• Guneman wong tuwa amrang wong enom sing duwe pangkat (perlu ngajeni)

• Guneman adhi marang kakang.

• Gunman pawestri marang kakunge.

3. Krama Lugu

Yaiku basa kang diarani uga krama madya, yaiku basa sing tembung-tembunge ing sajrone ukara migunakake tembung krama kabeh, tanpa kecampuran krama inggil. 

Titikan/ciri-ciri basa krama lugu.

• Tembung-tembung krama ora kecampur krama inggil.

• Ater-ater lan panambang dikramakake

• Tembung ku dadi kula

• Tembung kowe dadi sampeyan

Tuladha:

(Guneman Mbok Raden tanggane Pak Ali, karo Pak Atma tukang kebon sekolahan.)

Mbok Raden: “Kados Pak Ali wau kesah dhateng apotik, mbok menawi sampeyan semerap gadhah perlu menapa?”

Pak Atma: “Pak Ali tumbas obat resep dokter, cariyosipun kala wingi calon semahipun sakit.”

Multiple Select

Centang/pilih jawaban yang menurut kamu benar!

Pilihan jawaban lebih dari satu.

Ø Basa krama lugu digunakake dening...

• Guneman kanca padha kanca sing durung kulina.

• Guneman wong tuwa marang wong enom sing durung kulina.

• Guneman wong marang tepungan anyar.

• Guneman batur/abdi marang juragane

4. Krama Alus

Krama alus ingaranan uga basa krama inggil, yaiku basa kang wujude kabeh tembunge migunakake basa krama lan krama inggil.

> Titikan/ciri-ciri basa krama alus;

• tembung-tembunge krama kecampur krama inggil

• ater-ater lan panambang dikramakake

• tembung ku owah dadi kula

• tembung kowe owah dadi panjenengan

• kang di kramakake inggil: perangane awak, sandhangan, lan kriyane wong sing di ajak guneman lan wong sing di gunem

Tuladha:

(Guneman Pak Luki guru senior marang Bu Asri kepala sekolah)

Pak Luki: "Kados Pak Aji wau tindak dhateng apotik, mbok menawi panjenengan priksa kagungan perlu menapa?"

Bu Asri: "Pak Aji mundhut obat resep dokter, ngandikanipun kala wingi calon garwanipun gerah."

Multiple Select

Centang/pilih jawaban yang menurut kamu benar!

Jawaban lebih dari satu.

Ø Basa krama alus digunakake dening...

• anak marang wong tuwa

• wong tuwa marang anak

• murid marang guru

• guru marang murid

• andhahan marang pandhuwurane