киіз үй

​Киіз үй

​

Киіз үй — Орталық және Орта Азия халықтарының негізгі баспанасы. Орталық және Орта Азия халықтарының көшпелі тұрғын үйі.

Ол — көшпенділердің тез жығып, шапшаң тігуге, яғни көшіп-қонуға ыңғайлы үйі.

Көшпенділердің киіз үйі — тарихымыздағы ең алғашқы сәулеттік құрылыс. Киіз үйдің іші қыста жылы, жазда салқын. Сондықтан, шопандар да, туристер де пайдаланады. Киіз үй жер сілкінісінде де ыңғайлы, өйткені ол оңайлықпен бұзылмайды. Қазақстан жер сілкінісінен зардап шеккен елдерге шатырдың орнына киіз үй апарып жүрді.

Киіз үй-көктем, жаз және күз мезгілдерінде қоныстан қонысқа көшіп жүру жағдайына қолайлы құрама үй.Оның қабырғасы торлап көктелген керегеден тұрғызылады.Кереге әдетте екі түрлі болады.

Оның бірі кең көзді кереге «желкөз» -деп аталады.Бұл артуға жеңіл, бірақ сәнсіз, сүйегі жеңіл болғандықтан желге төзімсіздеу болып келеді.

Екінші түрі тар көзді кереге «торкөз»- деп аталады, ол артуға ауырлау болғанымен , желге өте төзімді.Кереге жиналмалы бөлек-бөлек қанаттардан жасалады.Ал керегеден жоғары сидам, жіңішке ағаштан жұмырлап жасалып, қарны иілген уықтардан қаусырыла күмбез шығарылады.Уықтардың басы дөңгелене жайылған керегенің аша басына айқастырыла байланып, ұшы (қаламы) шаңырақтың көзіне шаншылады.

​Киіз үй

​

Тарихы

Киіз үй кейінгі қола дәуір б. з. б. XII—IX пайда болып, тарихшылардың кейбір ой-пікірлерінше андрондық тұрақ үйлеріне ұқсастығы жақынырақ болғанды. Алайда андрондық үйлері бөренелі тектес лашық үй болған. Сондықтан бұл нұсқаны шындыққа жатқызуға болмайды. Киіз үй жуық шамамен алғанында кейінгі дәуір б. з. б. 8-5 ғасырларда пайда болуы мүмкін. Киіз үй ғұн дәуірінен белгілі. Кейбір ежелгі көшпенділердің мобильді тұрақ үйінің көрсетілімдерін жартасқа салынған суретте сақталып қалған.

​

Киіз үй үш негізгі бөліктен тұрады:

1. Кереге — үйдің қабырғасын құрайтын торлы ағаш құрылым.

2. Уық — керегені шаңырақпен жалғайтын, үйдің күмбез тәрізді төбесін құрастыратын иілген ағаштар.

3. Шаңырақ — киіз үйдің төбесіндегі дөңгелек ағаш құрылым, ол үйдің ең жоғарғы бөлігі және негізгі тірегі.

Multiple Choice

1. Киіз үйдің төбесіндегі дөңгелек ағаш құрылым қалай аталады?

• Уық

• Кереге

• Шаңырақ

• Қабырға

Match

Сәйкестендіріңіз

• киіз үйдің төбесіндегі дөңгелек ағаш құрылым, ол үйдің ең жоғарғы бөлігі және негізгі тірегі.

• керегені шаңырақпен жалғайтын, үйдің күмбез тәрізді төбесін құрастыратын иілген ағаштар.

• үйдің қабырғасын құрайтын торлы ағаш құрылым.

Кереге

Шаңырақ

уық

• Кереге

• Шаңырақ

• уық

Multiple Choice

Кереге әдетте неше түрлі болады

• 1

• 3

• 2

• 4