🌟GRADE-3-ARAL-PAN-LESSON-3

Ang Rehiyon ng Ilocos at ang mga lalawigan nito
LESSON 3

Region 1-Ilocos Region

1. Ilocos Norte,

2. Ilocos Sur,

3. La Union

4. Pangasinan

Ang rehiyon na ito ay unang pinaninirahan ng mga Negritos. Unti-unti silang nawala sa lugar na ito noong nagsimula ng dumating ang mga Austranisyano. Ang rehiyon na ito ay binubuo ng apat (4) na lalawigan: Ilocos Norte, Ilocos Sur, La Union, at Pangasinan.

Kilala sa tawag na “Minor Basilica of Our Lady of the Rosary of Manaoag”. Itinayo ito noong 1600 ng mga paring Augustinians.

Manaoag Church

Kilala sa tawag na “Saint Augustine Church” na itinayo noong 1710. Bantog ang simbahang ito dahil sa husay ng pagkagawa nito. Idineklara itong “National Cultural Treasure” ng pamahalaan noong 1973.

Paoay Church

Ang mga Makasaysayang Lugar sa Ilocos

Kilala din ito sa tawag na “Burgos Lighthouse”. Dinisenyo ito ni Magin Pers y Perswho, isang arkitektong Espanyol. Ginamit ang parola na ito upang magbigay liwanag sa mga galeon na dumadaan sa lugar.

Cape Bojeador Lighthous

isa ito sa mga kalye na matatagpuan sa Vigan City, isang lungsod na nasailalim ng pangangalaga ng UNESCO. Isa ito sa mga natitirang kumunidad ng mga Espanyol sa Pilipinas na nanatiling matatag hanggang sa kasalukuyan.

Calle Crisólog

Ang mga Makasaysayang Lugar sa Ilocos

Ito ay isang protektadong lugar dahil sa papel na ginampanan nito sa kasaysayan ng Pilipinas. Sa lugar na ito tinalo ng mga sundalong Pilipino ang mga sundalong Hapon noong kasagsagan ng Ikalawang Digmaang

Pandaigdig.

Bessang Pass Natural Monument

Ito ay museo ng dating pangulo ng Pilipinas na si Ferdinand Marcos. Ito ang naging tirahan ng pamilyang Marcos noong nanunungkulan pa ang dating presidente.

Malacañang of the North

Ang mga Makasaysayang Lugar sa Ilocos

Multiple Choice

Saan matatagpuan ang Calle Crisólogo, isang lugar na pinangangalagaan ng UNESCO?

• Paoay

• Vigan City

• Manaoag

Multiple Choice

Anong simbahan ang itinayo noong 1600 ng mga paring Augustinians?

• Paoay Church

• Manaoag Church

• Cape Bojeador Lighthouse

Multiple Choice

Anong simbahan ang itinayo noong 1600 ng mga paring Augustinians?

• Tirahan ng pamilyang Marcos

• Protektadong lugar sa kasaysayan

• Pagbibigay liwanag sa mga galeon

Multiple Choice

Saan itinayo ang Malacañang of the North, ang tirahan ng pamilyang Marcos noong nanunungkulan pa si Ferdinand Marcos?

• Ilocos Sur

• Ilocos Norte

• La Union

Multiple Choice

Alin sa mga sumusunod ang isang protektadong lugar dahil sa papel nito sa Ikalawang Digmaang Pandaigdig?

• Calle Crisólogo

• Bessang Pass Natural Monument

• Paoay Church

Open Ended

Bakit mahalaga ang mga makasaysayang lugar sa Ilocos Region tulad ng Paoay Church at Calle Crisólogo sa ating kultura at kasaysayan?

Noong dumating ang mga Espanyol sa Pilipinas sa pangunguna ni Miguel Lopez de Legazpi sa kapuluan ng Visayas ay hindi naging madali ang kanilang pakikipagsundo sa mga Pilipino. Hindi kalaunan ay naging matiwasay ang kanilang pagsasama hanggang sa napag-alaman nila ang tungkol sa mayamang lungsod ng Maynila. Nagpadala si Miguel Lopez de Legazpi ng mga tauhan dito. Isa sa mga ipinadala ni Miguel Lopez de Legaspi ay si Juan de Salcedo. Tinahak ni Salcedo ang hilagang bahagi ng Luzon at narating niya ang Ilocos. Isa ang Ilocos sa mga pinakaunang rehiyon na nabuo noong panahon ng mga Espanyol. Itinayo ni Salcedo ang Ciudad Fernandia o mas kilala sa tawag na Vigan.

Naging maunlad din ang produksyon ng mga pangunahing produkto ng Ilocos kagaya ng tabako na nagbigay ng malaking kita sa pamahalaang kolonyal. Katulad ng maraming lugar ng Pilipinas na napasa-ilalim ng pamamahala ng mga Espanyol, nakaranas din ito ng maraming pagmamalabis. Ito ang naging dahilan ng maraming madugong labanan. Ilan sa mga kilalang pag-aaklas na naganap sa Ilocos:

Pag-aalsang Basi

Ang mga Ilocano ay mayroong hilig sa pag-inum ng mga inuming nakakalasing at isa na dito ang Basi. Noong panahon ng pananakop ng mga Espanyol ay pinagbabawalan silang uminum nito at ito ay ikinagalit ng mga Ilocano. Kaya sila nag-alsa laban sa pamahalaang Espanyol.

Pag-aalsa ni Andres Malong

Si Andres Malong ay taga- Pangasinan, isa sa mga lalawigan ng Ilocos Region. Noong nalaman ni Malong ang pag-aalsa na naganap sa Pampanga ay nabuhayan sila ng loob upang labanan ang mga Espanyol. Hindi naging matagumpay pag-aalsa na ito dahil sa nahuli si Malong at siya ay nahatulan ng kamatayan.

Pag-aalsa ni Juan dela Cruz

Mas kilala sa tawag na “Palaris”. Nagsimula ito noong natalo ng mga Briton ang mga Espanyol sa Manila. Dahil dito maraming mga Pilipino ang nagkaroon ng lakas ng loob upang harapin ang mga Espanyol.

Ang Ilocos ay pinagmulan ng maraming magigiting na mga personalidad na nagpakita ng kanilang kagitingan noong panahon na sinusubok ang katatagan ng mga Pilipino.

José Burgos

Isa sa mga paring martir na nahatulan ng parusang kamatayan dahil sa kanilang kilusang sekularisasyon.

Ferdinand Marcos

Ika-sampung presidente ng Pilipinas. Siya rin ang tanging pangulo ng Pilipinas na naninilbihan sa loob ng 20 taon. Sapilitan siyang pinaalis sa pwesto ng Edsa Rebolusyon.

Elpidio Quirino

Siya ay ang pang-anim na pangulo ng Pilipinas. Sa ilalim ng kanyang pamamahala ay ipinagwalang bisa niya ang mga kasunduan sa pagitan ng Pilipinas at Amerika na lubos na nagpapahirap sa mga Pilipino.

Diego Silang

nag-alsa si Silang noong panahong nagbigay ng suporta ang mga Briton. Hindi din naging matagumpay ang pag-aalsang ito dahil na din sa hindi itinuloy ng mga Briton ang kanilang tulong na ipinangako.

Juan Luna

Tanyag na pintor si Juan Luna. Isa din siya sa mga kasapi ng Kilusang Propaganda. Ipinakita niya ang kanyang pagtutol sa sistema na ginamit ng mga Kastila sa Pilipinas sa pamamagitan ng kanyang mga pinta.

Antonio Luna

Isang batikang Heneral noong panahon ng Digmaang Pilipino- Espanyol at Pilipino-Amerikano. Siya ay namatay dahil sa makasariling desisyon ng kanyang mga kasamahang Pilipino.

Open Ended

Bakit mahalaga na malaman at pag-aralan ang kasaysayan ng mga kilalang personalidad at mga pag-aalsa sa Ilocos Region?

Ang Mga Pangunahing Gawain at Hanapbuhay ng Ilocos

Masagana ang lupain ng Ilocos. Iba’t ibang uri ng gawain kagaya ng pagsasaka, pangingisda at iba’t ibang uri ng industriya ay makikita sa Ilocos.

Bangui Wind Farm

Isa ito sa pinagkukunan ng enerhiya ng mga mamamayan ng Ilocos Norte. Ligtas at hindi ito nakakasama sa paligid sapagkat natural ang pinagkukunan ng enerhiya na ito.

San Fernando Airport

Isa sa mga imprastruktura na humikayat sa mga dayuhan na mamasyal sa Ilocos dahil sa mas mapapadali nito ang paglalakbay mula sa iba’t ibang parte ng Pilipinas.

Fariñas Transit Company

pangunahing layunin ng Transit Company na ito ay para mas mapadali at ligtas ang mga paglalakbay ng mga turista sa Ilocos.

Naging tanyag din ang rehiyon ng Ilocos dahil sa kanilang malakas na ekonomiya sa pag-aalaga ng mga hayop, isda kagaya ng bangus at marami pang iba. Dahil sa mayaman sila sa yamang dagat malakas din ang kanilang produksyong bagoong at patis. Malakas din ang kanilang ekonomiya sa agrikultura, lalo na sa produksyon sa tabako, tubo, mais, at palay. Patok sa Ilocos ang produksyon ng basi, isang inumin na nakakalasing na gawa sa tubo

Mga Pangkat-Etnolinggwistiko sa Ilocos at mga Kultura Nito

Ang rehiyon ng Ilocos ay tahanan ng mga Ilocano at mga Pangasinense. Pangunahing wika na ginagamit ng rehiyon na ito ay ang Ilocano, Pangasinense, at Tagalog. Mayaman ang kultura ng mga taga-Ilocos, maipapakita ito sa pamamagitan ng kanilang mga piyesta na naging paraan nila sa pagbibigay pasalamat sa Maylikha. Ang mga sumusunod ay iilan lamang sa pagdiriwang na kanilang ginagawa.

Pinakbet Festival

Ito ay isang pagdiriwang na kung saan ibinibida ng mga Ilocano ang kanilang paboritong pagkain na Pinakbet. Sa pagdiriwang na ito ay mayroong sayawan at paligsahan ng pagluluto ng pinakbet.

Dinengdeng Festival

Kagaya ng Pinakbet Festival, ito ay isang pagdiriwang na ibinibida nila ang kanilang sikat na pagkain na Dinengdeng. Ang pagdiriwang na ito ay isinasagawa ng mga taga La Union.

Corn Festival

Ipinagdiriwang ng mga taga Sto. Tomas, Pangasinan. Ipinagdiriwang ito bilang pagpapasalamat sa magandang ani ng mga taga Pangasinan.

Multiple Choice

Ano ang pangunahing layunin ng Fariñas Transit Company?

• Magbigay ng pagkain

• Mag-alok ng trabaho

• Mapadali at ligtas ang paglalakbay ng mga turista

Multiple Choice

Ano ang dahilan kung bakit tinawag na Corn Festival ang isang pagdiriwang sa Sto. Tomas, Pangasinan?

• Para sa masarap na pagkain

• Bilang pasasalamat sa magandang ani ng mais

• Para sa masayang pagsasayaw

Multiple Choice

Ano ang ipinagdiriwang ng mga taga-La Union sa kanilang Dinengdeng Festival?

• Pagdiriwang ng bagong taon

• Pagdiriwang ng kanilang sikat na pagkain na Dinengdeng

• Pagdiriwang ng kanilang mga bayani

Multiple Choice

Ano ang pangunahing ikinabubuhay ng mga taga-Ilocos?

• Paggawa ng sapatos

• Pagmimina

• Pagsasaka, pangingisda, at industriya

Open Ended

Paano nakakatulong ang mga pagdiriwang tulad ng Pinakbet Festival at Dinengdeng Festival sa pagpapakilala at pagpapalago ng kultura ng Ilocos? Ibigay ang iyong paliwanag.

Ang Magagandang Tanawin sa Ilocos

Ang Pilipinas ay sagana sa mga magagandang tanawin na dinadayo ng mga turista. Ang Ilocos ay hindi pahuhuli dito. Ang mga larawan na nasa ibaba ay iilan lamang sa lugar na dapat bisitahin kung sakaling ikaw ay mapapadpad sa magandang rehiyon ng Ilocos.

Batac Riverside Empanadahan

Matatagpuan ito sa Batac, Ilocos Norte. Patok ito sa mga turista na namamasyal sa lugar na nagugutom. Nagtitinda sila ng maraming pagkain. Dalawa sa mga hindi dapat palagpasin na mga resipe ay ang kanilang empanada at miki.

Suba Sand Dunes

Matatagpuan ito sa Brgy. Suba, Paoay, Ilocos Norte. Tanyag ang lugar na ito dahil sa naging lugar ito ng maraming shooting sa mga pelikula. Isa na dito ang pelikula ni Fernando Poe Jr. na ang “Panday”, ang pelikula ni Nora Aunor na “Himala”, ang at bagong pelikula na Bagani na pinagbibidahan ni Enrique Gil at

Liza Soberano.

Baluarte Resort and Mini Zoo

Ito ay matatagpuan sa Vigan. Tinagurian itong “Home of the Big Cats in Vigan” dahil dito makakakita ka ng malalaking uri ng pusa na tulad ng tigre, leon, at mga leopard.

La Union sunset

Isa sa mga magagandang pasyalan lalo na sa mga may hilig magtampisaw sa tubig dagat.

Hundred Islands

Ito ay matatagpuan sa Lingayen Gulf Pangasinan. Ang “Hundred Islands” ay binubuo ng daan-daang maliliit na mga isla. Ilan sa mga maliliit na isla na madalas binibisita ng mga turista ay ang Quezon Island at Marcos Island.

Patar Beach

Ito ay kinikilalang “The Boracay of Pangasinan” dahil sa magandang white sand beach at ang nakapakalinaw tubig dagat nito.

Multiple Choice

Ano ang isa sa mga pangunahing atraksiyon ng Baluarte Resort and Mini Zoo sa Vigan?

• Mga magagandang tanawin ng dagat

• Mga isla na pwedeng libutin

• Malalaking uri ng pusa tulad ng tigre, leon, at leopard

Multiple Choice

Ano ang pangunahing dahilan kung bakit dinadayo ng mga turista ang Patar Beach sa Pangasinan?

• Dahil sa masarap na empanada

• Dahil sa magagandang isla

• Dahil sa white sand at malinaw na tubig-dagat

Open Ended

Kung bibigyan ka ng pagkakataon na magpunta sa isang lugar sa Ilocos, alin sa mga magagandang tanawin ang pipiliin mong bisitahin at bakit?