6-Bap 1-Tema Kommunikaciya programmaları qamtılıwı

Xatlar, jazba esabatlar, tarqatpa materialiar, informaciya xati, telefon hám júzbe-júz ushırasıwlar adamlardıń baylanıs quralları esaplanǵan.
AKTning keń engiziliwi tekǵana adamlardıń emes, bálki shólkemlerdiń baylanıs usılında úlken ózgerisler alıp keldi. Tómende bir qatar programmalar, texnikalıq hám programmalıq támiynatlardıń kúndelik hám professional turmısqa tásirin úyrenemiz.

Mektepler, universitetler, klublar sıyaqlı mákemeler ózlerine baylanıslı adamlar ushın bárháma informaciya xati tayarlaydı (6. 01-suwretke qarań ).

Tekst penen islew programmaları hújjetti ańsat redaktorlaw imkaniyatın berse, spell check (imla qáteler) hám grammar check (garmatik qáteler) funksiyaları onıń sapasın jaqsılawǵa kómeklesedi.

Tekst penen islew programması hám DTP baspa programmasındaǵı kerekli túymeler informaciya xatın formatlaw ushın tómendegi múmkinshiliklerdi usınıs etedi:

• ústinlerden paydalanıw;

• shetki hám aralıq ólshemlerin ózgertiw;

• belgi ólshemin sazlaw;

• Arial yamasa Courier sıyaqlı túrli shriftlerdi qóllaw ;

• Qalıń, kursiv, astın sızıw sıyaqlı effektlami isletiw;

• teksti abzactan baslaw ;

• avtomatik marker belgileri hám nomerlew;

• teksti tegislew.

DTP (Desktop Publishing) teksti baspaǵa tayarlaw programmaları-bul arnawlı programmalıq qurallar járdeminde baspadan shıǵarıw ushın materiallardı jaratıw hám tayarlawdı ańlatadı.

Ádetiy DTP programması túrli shablonlar menen jumıs isleydi
(Microsoft Publisher programması mısal etip alıwǵa boladı).

Baspaǵa kelsek, DTP (Desktop Publishing) programmalarında kóp betli hújjetlerge, óz-ara dupleks betlerge ańsat qayta islew beriw múmkinshiligi bar.
Hújjetti dupleks baspadan shıǵarıw ushın dupleks printer kerek. Keri jaǵdayda, qaǵazdı qolda awdarıp turıwǵa tuwrı keledi. Kóp betli hújjetlerdi baspa etiw ushın reńli lazerli printer alternativ tańlaw bolıp tabıladı. Sebebi bul jumıstı búrkegishli printerde orınlaw kóp waqıt talap etedi, sıya bahası da qımbat.

Flayerlar hám posterlar

Flayerler hám posterlardıń dizayni informaciya xatlarınan pútkilley parıq etedi, biraq olardı tayarlawdıń principi uqsas (6. 03-suwretke qarań ).

Flayerlar
Flayer - bul reklama yamasa informaciya materialların usınıw ushın qollanılatuǵın kishi baspa material.
Flayerlar ádetde bir betke (A4, A5 yamasa kishilew formatda) basılǵan bolıp, túrli ilajlar, ónimler, xızmetler yamasa aktsiyalar haqqında qısqasha maǵlıwmat beredi. Olar kóbinese kóshelerde tarqatıladı, dúkanlarǵa qóyıladı yamasa pochta arqalı jiberiledi.

Fosterler-bul úlken formatdaǵı baspa materiallar bolıp, ádetde diywallarǵa yamasa arnawlı stendlarǵa asıladı. Olar informaciya jetkiziw, reklama qılıw yamasa vizual tásir arqalı dıqqattı tartıw ushın qollanıladı. Posterlar ádetde estetik dizayn hám úlken bas betlar menen itibardı tartıwǵa arnalǵan.

Posterladıń qásiyetleri:

Iri kólem: Ádetde úlken formatda (A2, A1, yamasa odan úlken) bolıp, uzaqtan kórinisi hám dıqqattı tartıwı múmkin.
Ózine tartatuǵınlı dizayn: Reń-barang grafikalar, úlken bas betlar hám kózge taslanatuǵın suwretler arqalı dıqqattı tartadı.

Arnawlı bir maqset: Maǵlıwmat jetkiziw, reklama qılıw, xabar beriw yamasa kórgezbeler ushın jaratıladı.

Qısqa tekst: Zárúrli maǵlıwmatlar qısqa hám tásirli etip jazıladı, sebebi kópshilik posterlarni qısqa waqıt ishinde kóredi.

Informaciya elementleri: Daǵaza qılınıp atırǵan ilaj yamasa ónimdiń tiykarǵı maǵlıwmatları hám kontaktlar jaylastırıladı.

Veb saytlar

Veb sayt - veb betler, tekst, grafika, video hám audio maǵlıwmatlar kompleksi. Veb sayt internetdegi veb serverge jaylastırıladı.
Paydalanuvshılar veb saytdaǵı maǵlıwumatlarǵa veb brauzer arqalı jalǵanadı.
Veb saytlar qandayda bir shaxs yamasa shólkemdi ǵalabalastırıw, social baylanıs maqsetlerinde qollanıladı.

Mektep veb saytı mektep haqqındaǵı maǵlıwmatlardı kórsetiw, ata-analar hám basqa mápdar insanlar menen baylanıs ornatıw ushın paydalanıladı.

Multfilmler

Kompyuterler multfilmler jaratılıwda da xızmet etedi. Grafik programma járdeminde ekranǵa suwretti skanerlew yamasa jańa suwret jaratıw múmkin. Kompyuter suwretlerin jaratıw programması CGI sizge suwret qanday háreketleniwi hám qay jerde tawısıwı haqqındaǵı kórsetpelerdi beriwge, aralıq basqıshlardı esaplab shıǵıp, avtomatikalıq tárzde olardıń nusqaların jaratılıwǵa járdem beredi.
Bul túrdegi CGI (Computer Generated Imagery) súwretlerinen kino sanaatında keń paydalanıladı.

Partituralar

Kompozitor muzıka jazadı, keyin onı parallel gorizontal sızıqlardan ibarat nota jolına tusiredi. Belgi ornı sizge qaysı notani shertiwdi kórsetedi.
Partitura - muzıkalıq shıǵarmadaǵı óz aldına sazlı hám vokal bólimleriniń birge baspadan shıǵarılıwı bolıp tabıladı (6. 05-suwretke qarań ).

Baylanıs ushın mobil telefonlardan paydalanıw

Mobil telefonlar kóplegen funkciyalarǵa iye hám ayırım túrleri basqalarına qaraǵanda quramalılaw.
Barlıq mobil telefonlardaǵı tiykarǵı funksiyalarǵa telefon qońırawların ámelge asırıw hám qabıllaw, SMS xızmeti kiredi.
Bunnan tısqarı, mobil telefonlardan cifrlı kamera, oyınlar oynaw, GPS navigatsiya, muzıka tıńlaw, veb betlerdi kóriw, elektron pochtaǵa jalǵanıw, túrli programmalar járdeminde basqa wazıypalardı orınlaw maqsetinde de paydalanıladı.

Kópshilik mobil telefonlar úshinshi yamasa tórtinshi áwlad - 4 G tarmaq texnologiyası arqalı internetge baylanısa aladı.

Tekstli operativ xabarlar

Tekstli xabarlar mobil telefonlar arqalı baylanısıwdıń eń arzan usılı bolıp tabıladı. SMS xızmeti bolsa qısqa xabarlardı tez hám ańsat jiberiw imkaniyatın beredi. Klaviaturalar házirde sensorlı displeyge birlesip ketken. Olar ekran basqa funksiyanı atqarayotganda iskerligin toqtatıp turadı.

Internet telefoniyadan paydalanıw

Dawıstı internet arqalı jiberiw protokolı, yaǵnıy VOIP, “voice Over Internet Protocol” telefon qońırawların ámelge asırıw ushın dawıs maǵlıwmatların internetten paydalanıp jiberedi.
Bul texnologiya “paketler kommutatsiyasi” dep ataladı. VOIP telefoniya, internetge jalǵanıw ushın dáslepki tólewdi esapqa almaǵanda, ádetde biypul bolıp, kompyuter hám statsionar telefon arasında yamasa eki kompyuter arasında da baylanıstı támiyinlewi múmkin

Maǵlıwmatlardı basqarıw programmaları
Maǵlıwmatlardı baqlaw, maǵlıwmatlardı ajıratıp alıw hám maǵlıwmatlar analizi kópshilik shólkemlerdegi eń zárúrli wazıypalar túrine kiredi.
Maǵlıwmatlar analizi (DA - “Data Analysis”)-jańa taraw.
Maǵlıwmatlar turmısımńzdıń derlik hár bir tarawında qollanıladı. Mısalı Mekteplerde tuwılıw

statistikası maǵlıwmatlarina qaray oqıw orınları jaratıladı.
Sonnan keyin kerekli muǵdardaǵı múǵállimlerdi támiyinlew ushın miynet hám bántlik organları menen maǵlıwmat almaslanadı.
Eger qániyge jetispewshiligi boljaw etikse onda JOO studenleri arasında úgit násiayt isleri alıp barıladı.

Sorawnamalar

Maǵlıwmatlardı basqarıw programmasınıń túrinen qaramastan, jumıs baslaw bul-maǵlıwmatlardı toplaw. Bul basqısh avtomatikalıq yamasa sorawnamalar járdeminde orınlanadı. Sorawnama izertlewleri maǵlıwmat toplaw formalarınan paydalanıp ámelge asıriladı. Áwele qanday maǵlıwmatlar toplanıwı, sorawnamada qanday sorawlar soralıwın belgilep alın. Maǵlıwmat toplaw formaları: qaǵazda yamasa elektron kóriniste bolıwı hám tikkeley kompyuterde toltırılıwı múmkin.

Mánziller dizimi

Ayırım sorawnamalarda jasaw adresi, elektron pochta yamasa telefon nomeri soraladı. Bunıń sebebi nede?

Mánziller dizimi hám kontakt júdá qımbatlı maǵlıwmatlar bolıp tabıladı. Pochta buyırtpaları menen isleytuǵın shólkemler klientlerge reklama betleri jiberedi. Usınıń sebepinen atlar hám mánziller dizimi olarǵa biznesin keńeytiw quralı retinde xızmet etedi.