Dzongkha Quiz

​དོན་ཚན། ལྷག་བཅས།

སློབ་རིམ་ དྲུག་པ།
ཆོས་ཚན་ རྫོང་ཁ།
སློབ་སྟོན་པ་ འཇིཊ་མེད་ནོར་བུ།

ལྷག་བཅས་ཀྱི་གོ་དོན།

ལྷག་བཅས་ཟེར་མི་འདི་ ཚིག་ལྷག་མ་ སླབ་མ་ཚར་བར་ཡོད་མི་འདི་ ཡར་འདྲེན་/འཐེན་མི་ཅིག་ལུ་སླབ་ཨིན།

ལྷག་བཅས་ཀྱི་ཕྲད་དང་ རྗེས་འཇུག་ཚུ་གི་མཐའ་མར་འཇུག་ཚུལ།
ལྷག་བཅས་ཀྱི་ཕྲག་/རྐྱེན་ བཞི་ཡོདཔ་ཨིན། དེ་ཚུ་ཡང་ ཏེ། སྟེ། དེ། སྦེ། ཚུ་ཨིན།

རྗེས་འཇུག་གི་མཐའ་མར་ འཇུག་ཚུལ།
ལྷག་བཅས་ཀྱི་ཕྲད་ ཏེ་ འདི་ རྗེས་འཇུག་ ན། ར། ལ། ས། བཞི་གི་མཐའ་མར་འཇུགཔ་ཨིན།
ལྷག་བཅས་ཀྱི་ཕྲད་ སྟེ་ འདི་ རྗེས་འཇུག་ ག། ང་། བ། མ། འ་དང་ མཐའ་མེད་ཚུ་གི་མཐའ་མར་འཇུགཔ་ཨིན།
ལྷག་བཅས་ཀྱི་ཕྲད་ དེ་ འདི་ རྗེས་འཇུག་ ད། གི་མཐའ་མར་འཇུགཔ་ཨིན།
ལྷག་བཅས་ཀྱི་ཕྲད་ སྦེ་ འདི་ རྗེས་འཇུག་བཅུ་ཐམ་ ག་ར་གི་མཐའ་མར་འཇུགཔ་ཨིན།

Multiple Choice

ལྷག་བཅས་ཀྱི་ཕྲད་ མེན་མི་འདི།

• སྟེ་ འདི་ཨིན།

• དེ་ འདི་ཨིན།

• གྱི་ འདི་ཨིན།

• སྦེ་ འདི་ཨིན།

Multiple Choice

ལྷག་བཅས་ཟེར་མི་འདི་

• གང་ཟག་དང་ དངོས་པོ་ཚུ་གི་བར་ན་ འབྲེལ་བ་སྟོན་མི་ལུ་སླབ་ཨིན།

• གང་ཟང་དང་ དངོས་པོ་ གང་རུང་ཅིག་གིས་ ལཱ་ཅིག་འབད་བའི་ དོན་སྟོན་མི་ལུ་སླབ་ཨིན།

• མིང་གི་མཐའ་མར་ མིང་གྲུབ་ནི་ལུ་ ཆ་རོགས་འབད་མི་ལུ་སླབ་ཨིན།

• ཚིག་ལྷག་མ་ སླབ་མ་ཚར་བར་ཡོད་མི་ཚུ་ ཡར་འདྲེན་མི་ལུ་སླབ་ཨིན།

ལྷག་བཅས་ རང་དབང་ཅན་གྱི་ཕྲད་དང་ གཞན་དབང་ཅན་གྱི་ཕྲད།
ལྷག་བཅས་ཀྱི་ཕྲག་/རྐྱེན་ བཞི་ཡོད་པའི་ནང་ལས་ ཏེ། སྟེ། དེ། གསུམ་འདི་ གཞན་དབང་ཅན་གྱི་ཕྲད་ཨིན། ཕྲད་ ཏེ། སྟེ། དེ། གསུམ་འདི་ གཞན་དབང་ཅན་གྱི་ཕྲད་ ཨིན་དགོ་པའི་དོན་དག་འདི་ ཕྲད་དེ་ཚུ་ རྗེས་འཇུག་ཚུ་དང་འཁྲིལ་ཏེ་འཇུག་དགོ་ནི་འདི་གིས་ཨིན་མས།

ལྷག་བཅས་ཀྱི་ཕྲད་ སྦེ་ འདི་ རང་དབང་ཅན་གྱི་ཕྲད་ཨིན། ཕྲད་ སྦེ་ འདི་ རང་དབང་ཅན་གྱི་ཕྲད་ ཨིན་དགོ་པའི་དོན་དག་འདི་ ཕྲད་འདི་ རྗེས་འཇུག་ཚུ་དང་འཁྲིལ་མ་དགོ་པར་ རྗེས་འཇུག་བཅུ་ཐམ་ ག་ར་གི་མཐའ་མར་འཇུག་ནི་འདི་གིས་ཨིན་མས།

ལྷག་བཅས་ཀྱི་ དཔེར་བརྗོད།

༡༽ ལིའུ་བསྒྱུར་ཏེ་ འཆམ་རྐྱབ།
༢༽ མལ་ཆ་བཀབ་སྟེ་ ཉལ་སྡོད།
༣༽ ལཱ་འབད་དེ་ གླ་ལེན་དགོ།
༤༽ དཔེ་ཆ་ལྷབ་སྦེ་ གཞུང་གཡོག་ནང་འཛུལ་དགོ། ལ་སོགས་པ་ཚུ་ཨིན།

ལྷག་བཅས་ཀྱི་སྡོམ་ཚིག།

ཏེ་སྟེ་དེ་གསུམ་ལྷག་བཅས་ཏེ། །ན་ར་ལ་ས་དྲག་མཐར་ཏེ། །
ད་དེ་ག་ང་བ་མ་འ། །མཐའ་མེད་རྣམས་ལ་ས་སྟེ་འཐོབ། །

Fill in the Blanks

ཏེ། སྟེ། དེ། གསུམ་འདི་ ལྷག་བཅས ་་་་་་་་་་་་་་་་་་་་་་་་་་་་་་་་་་ གྱི་ཕྲད་ཨིན།

Fill in the Blanks

ལྷག་བཅས་ རང་དབང་ཅན་གྱི་ཕྲད ་་་་་་་་་་་་་་་་་་་་་་་་་་་་་་ ཡོད།

Open Ended

ལྷག་བཅས་ཀྱི་ གོ་དོན་བྲིས།

Open Ended

ཕྲད་རང་དབང་ཅན་དང་ གཞན་དབང་ཅན་གྱི་ གོ་དོན་བྲིས།

Multiple Choice

ལྷག་བཅས་ཀྱི་ཕྲད་ བཞི་ཡོད།

• ཨིན།

• མེན།

Multiple Choice

ལྷག་བཅས་ རང་དབང་ཅན་གྱི་ཕྲད་འདི་ ཏེ། སྟེ། དེ། གསུམ་ཨིན།

• ཨིན།

• མེན།

Drag and Drop

ལྟག་ལུ་ཡོད་པའི་ གློག་ཐུང་འདི་​

Placeholder

Drag these tiles and drop them in the correct blank above

ལྷག་བཅས་ཀྱི་སྐོར་ལས་ཨིན།

བྱེད་སྒྲའི་སྐོར་ལས་ཨིན།

འབྲེལ་སྒྲའི་སྐོར་ལས་ཨིན།

ལ་དོན་གྱི་སྐོར་ལས་ཨིན

Open Ended

ལྟག་ལུ་ཡོད་པའི་པར་ལུ་བལྟ་སྟེ་ ལྷག་བཅས་ཀྱི་དཔེར་བརྫོད་བྲིས།