Pagbibigay ng Hinuha

Pagbibigay ng Hinuha

By Teacher Jenna

Multiple Choice

Pagdating ko sa trabaho ay namimigay ako ng mga worksheet. Kami ay nagbabasa, nagsusulat, at natututo. Kumakain din kami nang sama-sama. Tsine-tsek ko ang kanilang mga papel at naghahanda ako ng mga pag-aaralan nila.

Ano ang trabaho ko?

• pulis

• guro

• doktor

Multiple Choice

Nagsusuot ako ng puting uniporme at naghahanda ako ng pagkain. Nagpapakulo ako ng sabaw at nilalagyan ko ito ng mga sangkap. Kaya ko ring gawin ang iba’t ibang klase ng hiwa at maghanda ng iba’t ibang putahe.

Ano ang trabaho ko?

• doktor

• tagaluto

• magsasaka

Multiple Choice

Maraming mga tao ang pumupunta sa akin. Tumutulong ako para maging mabuti ang kanilang pakiramdam. Tinitingnan ko ang kanilang kalagayan. Nagbibigay rin ako ng gamot na makatutulong sa kanila. Nagsusuot din ako ng puting uniporme.

Ano ang trabaho ko?

• guro

• doktor

• karpintero

Multiple Choice

Umupo kami sa mainit na buhangin. Kasama ko ang aking kapatid na pinaglalaruan din ang buhangin. Nilagyan kami ng sunblock ni nanay habang pinapanood namin ang mga alon.

Nasaan kami?

• Kami ay papunta sa mall.

• Kami ay nasa tabing-dagat.

• ami ay nagpi-piknik sa bundok.

Multiple Choice

Kinuha ko kay tatay ang basket. Nilalagyan ito ni nanay ng mga biscuit, juice, sabon, at mga ulam. May tinitingnang listahan si nanay sa kaniyang cellphone. Nang makuha na namin lahat ng nasa listahan ay nagpila na kami para magbayad.

Nasaan kami?

• Kami ay nasa parke.

• Kami ay nasa tindahan.

• Kami ay nag-check in sa hotel.

Multiple Choice

Sinindihan ni Jane ang kaniyang laptop. Pumunta siya sa YouTube at kinuha niya ang kaniyang lapis at kwaderno. Sinulat niya ang kaniyang mga pinanood sa video at pagkatapos ay pumunta siya sa kusina kasama ang kaniyang kwaderno.

Ano ang gagawin ni Jane?

• Iiwan ni Jane ang kwaderno sa kusina.

• Iguguhit ni Jane ang mga gamit nila sa kusina.

• Susubukang iluto ni Jane ang napanood niya sa video.

Multiple Choice

Lumabas si Cath para magdilig ng halaman. Nakita niya na ang isang halaman ay may mga tuyo at butas na dahon. Nalanta at nasira na ang mga ito. Iniwan muna niya ang kaniyang pandilig sa tabi ng halaman at pumasok sa bahay.

Ano ang gagawin ni Cath?

• Magpapahinga na si Cath.

• Lalagyan ni Cath ng tubig ang pandilig.

• Kukuha ng gunting si Cath para sa mga halaman.

Multiple Choice

Si Kyle ay nasa loob ng bahay at ayon kay nanay ay hindi muna siya pwedeng lumabas. Pumunta si Kyle sa tabi ng bintana at pinapanood ang mga batang naglalaro sa labas. Maya-maya ay dinalhan siya ni nanay ng tubig at mainit na sabaw.

Ano nangyari kay Kyle?

• Masama ang pakiramdam ni Kyle.

• Nakaaway ni Kyle ang mga kalaro niya.

• Hindi maganda ang panahon nang araw na iyon.

Multiple Choice

Sina Dina ay pumunta sa restawran. Nang sila ay uupo na ay binuhat siya ni tatay at nilagay sa upuan. Ang pagkain din ni Dina ay mas kaunti kaysa sa pagkain ng kaniyang pamilya. Tinutulungan din siya ni nanay sa pagsubo ng pagkain.

Ano ang pwedeng maging hinuha mula rito?

• Si Dina ay maliit pa lamang.

• Masama ang pakiramdam ni Dina.

• Hindi pwedeng kumain nang marami si Dina.

Multiple Choice

Isang araw ay masayang pumasok ang Pamilya Sanchez sa kanilang bahay. Wala itong laman at mga kagamitan. Sila ay sama-samang naglinis sa bawat sulok ng kanilang bahay. Pagkatapos ay kumain sila ng meryenda at napag-usapang babalik sila bukas para ituloy ang paglilinis.

Ano ang pwedeng maging hinuha mula rito?

• Ang Pamilya Sanchez ay may bagong bahay.

• Napasukan ng magnanakaw ang kanilang bahay.

• Ang trabaho ng Pamilya Sanchez ay naglilinis ng bahay.