Untitled lesson

​ඒක වචන හා බහු වචන නාම පද හඳුනා ගනිමු.
4 ශ්‍රේණිය

By lakmini kaushalya

​ඔන්න පුංචි දරුවනේ, මට ඔයාලට කියන්න හරිම ලස්සන කතාවක් තියෙනවා. මේ කතාවේ ඉන්නේ හරිම දඟකාර ලේනෙක් සහ එයාගේ යාළුවෝ කිහිප දෙනෙක්. එකමත් එක දවසක, මේ ලේනා කැලෑවේ ඇවිදිමින් ඉද්දි, හොඳට ඉදුණු ගෙඩියක් දැක්කා. එයා හරිම සතුටින් ඒක කඩාගෙන කන්න හැදුවා. ඒත් එකපාරටම එයාට මතක් වුණා, එයාගේ තවත් ලේනුන් තුන් දෙනෙක් ඉන්නවා කියලා. "අනේ, මගේ යාළුවො තුන් දෙනාටත් මේකෙන් ටිකක් දෙන්න එපැයි" කියලා හිතලා, එයා කෑ ගහලා යාළුවන්ට කතා කළා. ටික වෙලාවකින් ලේනුන් තුන් දෙනා දුවගෙන ආවා. ඒත් එයාලා දිහා බැලුවම ලේනාට තේරුණා, අර ගෙඩිය එයාලා හතර දෙනාටම මදි කියලා. ඒ වෙලාවේම ඈතින් පියාඹලා ආපු කොවුලෙක් මෙයාලා දිහා බලාගෙන හිටියා. "ඔයාලා ඔච්චර කලබල වෙලා මොනවද කරන්නේ?" කියලා කොවුලා ඇහුවා.

​"අනේ, අපි හැමෝටම කන්න මේ ගෙඩිය මදි" කියලා ලේනා දුකෙන් කිව්වා. ඒ වෙලාවේ එතනට ආපු අලියෙක් ඒක ඇහිලා හයියෙන් හිනා වුණා. "අනේ පුංචි යාළුවනේ, මේ ලෝකේ හරිම රසවත් පලතුරු ගොඩක් තියෙනවා. මම ඔයාලට රසම රස පලතුරු තියෙන තැනක් පෙන්නන්නම්" කියලා අලියා එයාලට උදව් කළා. අන්තිමට, ලේනුන් හතර දෙනාම බඩ පිරෙන්න පලතුරු කාලා සතුටින් ගෙදර ගියා. දැන් මට කියන්න බලන්න, මේ කතාවේ එකක් ගැන කියපු වචන මොනවද? ගොඩක් ගැන කියපු වචන මොනවද? මේ කතාවෙන් ඔයාලට තේරෙනවා නේද, සමහර වචන වලින් එක දෙයක් ගැන කියවෙනවා, තවත් සමහර වචන වලින් ගොඩක් දේවල් ගැන කියවෙනවා කියලා. අද අපි මේ වගේ වචන ගැන තමයි ඉගෙන ගන්නේ.