Тіл тазалығы

​Тіл тазалығының талаптары

By Fariza Mannap

Қатесіз сөйлеу және жазу:

Бұл грамматикалық, орфографиялық және пунктуациялық қателердің болмауы. Сөздерді, сөйлемдерді және тыныс белгілерін дұрыс қолдану.

Бөгде тіл сөздерін араластырмау:

Шұбар тілде сөйлемеу, яғни қазақ тілінде баламасы бар орысша немесе ағылшынша сөздерді қажетсіз қолданбау. Мысалы, "хорошо", "круто", "кстати", "давай" сөздерінің орнына қазақша баламаларын қолдану.

Дөрекі сөздерден аулақ болу

Балағат сөздер, жаргондар, дөрекі сөздер тіл мәдениетіне жатпайды. Мұндай сөздерді қолданбау тіл тазалығын сақтаудың маңызды шарты.

Сөз саптау мәдениеті

Әдеби тіл нормаларын сақтап, сөйлемді дұрыс құрастыру, ойды анық әрі нақты жеткізу. Бұл тіл байлығын арттыруға да септігін тигізеді.

Жаңа сөздерді дұрыс қолдану:

Ғылым мен техниканың дамуына байланысты пайда болған жаңа сөздерді тілдің өзіндік заңдылықтарына сәйкес қолдану.

Құрметті қонақтар, кешімізге қош келдіңіздер!

Сәлееем! Қалайсыңдар?

Төмендегі сөйлемдердің қайсысы ауызекі сөйлеуге, қайсысы жазба тілге тән екенін анықта.

"Кітап" сөзін "оқушы" сөзімен байланыстырып сөйлем құрастыр, мұнда үндестік заңын сақтау маңызды.