Ulangan Resensi Buku

Résénsi téh asalna tina basa Latin anu hartina nyawang, nimbang-nimbang, atawa ngajén, nu asalna tina kecap ....

• recensere

• review

• reduplication

• recensie

• resensi

Kecap résénsi anu ayeuna dipaké dina basa Sunda asalna tina kecap “recensie” nu asalna tina basa ....

• Prancis

• Jerman

• Bélgia

• Walanda

• Inggris

Titénan runtuyan ieu di handap:

1) buku

2) film

3) upacara adat

4) pintonan drama

5) album musik

Obyék nu bisa dirésénsi dituduhkeun ku nomer ....

• 1, 2, 3, 4

• 1, 3, 4, 5

• 1, 2, 4, 5

• 2, 3, 4, 5

• 3, 4, 5

Lamun urang nyusun hiji karangan résénsi anu obyékna buku hartina ....

• méré pangajén kana éta buku, ngabedah eusina, sarta méré kritik kana alus jeung goréngna

• ngadadarkeun sinopsisna nepi ka anu maca ngarti kumaha jalan caritana

• ngarangkum eusina bab per bab kalawan tétéla nepi ka nu maca paham naon eusi éta buku

• méré kritik kana éta buku sangkan anu maca paham dina alus jeung goréngna

• méré nyaho ka calon nu maca éta buku sabaraha harga buku jeung di mana bisa dibeulina

Résénsi buku téh obyékna bisa kana rupa-rupa buku, nu ngawengku ....

• buku fiksi atawa non fiksi

• buku kasohor atawa buku teu kasohor

• buku penting atawa buku nu teu penting

• buku kandel atawa buku ipis

• buku murah atawa buku mahal

Bahasan dina karangan résénsi ukur nyawang sacara singget sarta umum ngeunaan eusi hiji buku. Bahasan siga kitu téh kapanggih dina wanda résénsi ....

• arguméntatif

• informatif

• kritis

• naratif

• déskriptif

Bahasan dina karangan résénsi ukur nyawang atawa ngabedah buku sacara detil bab per bab tanpa dibarengan ku sawangan kritis atawa tanpa kritik. Bahasan siga kitu téh ilahar kapanggih dina résénsi jenis ....

• Arguméntatif

• Informatif

• Kritis

• Naratif

• déskriptif

Bahasan résénsi mangrupa dadaran anu taliti, ngagunakeun métodeu kaélmuan, sarta ngagunakeun sikep kritis anu obyéktif dina nyawang eusi buku. Jenis résénsi kawas kitu téh kagolong kana résénsi ....

• kritis

• déskriptif

• informatif

• arguméntatif

• persuasif

Titénan dadaran ieu di handap:

1) ngawanohkeun buku ka calon nu maca, naha éta buku téh pantes dibaca atawa henteu;

2) méré pituduh ka calon nu maca di mana éta buku bisa dibeuli sarta ka mana ruteu nu kudu ditempuh mun rék meuli éta buku;

3) promosi buku, biasana ditulis ku penerbit atawa dikéngkénkeun ka penulis résénsi sangkan buku nu anyar terbit téh payu;

4) ngabedah eusi buku, upamana lantaran eusina téh kontrovérsial, matak anéh, atawa nimbulkeun padungdengan (perdebatan).

Nu kaasup tujuan ngarésénsi buku téh dituduhkeun ku nomer ....

• 1 jeung 2

• 1, 2, jeung 3

• 1, 3, jeung 4

• 2 jeung 3

• 2, 3, jeung 4

“Hanjakalna dina ieu novel téh loba basa atawa kekecapan nu boa moal kaharti lamun dibaca ku barudak ayeuna. Sakuduna mah aya glosari (kamus kecil) anu nerangkeun harti kekecapan nu dianggap hésé kahartina. Ku cara kitu, barudak anu maca ieu novel masih bisa nuturkeun jalan caritana kalawan lancar.” Dina karangan résénsi, dadaran di luhur téh bisa kagolongkeun kana ....

• data buku

• déskripsi bab per bab

• kasang tukang

• rékoméndasi keur calon nu maca

• kritik kana eusi buku