Օլիմպիադա 5-2

Վահեին և Մանեին տատիկը խնձոր ու տանձ էր տվել: Իրենց զամբյուղում նրանք միասին ունեին 25 հատ միրգ: Տուն գնալու ճանապարհին Վահեն կերավ մեկ խնձոր և երեք տանձ, իսկ Մանեն՝ երեք խնձոր և երկու տանձ: Տանը պարզվեց, որ նրանք տուն են բերել միևնույն թվով տանձ և խնձոր: Քանի՞ տանձ էր նրանց տվել տատիկը:

• 12

• 13

• 16

• 20

Ինքնաթիռում շարքերը համարակալված են 1-ից մինչև 25-ը, բայց 13 համարի շարք չկա: 15-րդ շարքում կա միայն չորս, իսկ բոլոր մնացած շարքերում`վեցական նստելատեղ: Քանի՞ նստելատեղ կա այդ ինքնաթիռում:

• 120

• 138

• 142

• 144

Իմ ընկերներն ու ես ապրում ենք երեք տարբեր տներում, որոնց համարներն են՝ abc, bc և c, որտեղ a-ն, b-ն և c-ն երեք տարբեր թվանշաններ են: Հայտնի է, որ դրանց գումարը 912 է: Գտեք b-ն:

• 3

• 4

• 5

• 6

Աննայի, Լիլիթի և Սոնայի տարիքների գումարը 31 է: Որքա՞ն կլինի նրանց տարիքների գումարը 3 տարի անց:

• 34

• 35

• 37

• 40

Տորթը կշռում է 900գ: Արամն այն բաժանեց 4 կտորի:Ամենամեծ կտորը կշռում է այնքան, որքան մնացած 3 կտորները միասին: Որքա՞ն է կշռում ամենամեծ կտորը:

• 250գ

• 300գ

• 450գ

• 500գ

Հյուրանոցի նախասրահում սեղանին դրված են հյուրանոցի բոլոր սենյակների համարները. առաջին հարկ՝ 101-110 և 123 -133, երկրորդ հարկ՝ 202-241, երրորդ հարկ՝ 300-333: Քանի՞ սենյակ կա հյուրանոցում:

• 92

• 93

• 94

• 95

Մարինեն, Աննան ու Նարինեն աշխատում են մանկապարտեզում: Երկուշաբթիից ուրբաթ յուրաքանչյուր օր աշխատանքի գնում են նրանցից ուղիղ երկուսը: Մեկ շաբաթվա ընթացքում Մարինեն աշխատում է 3 օր, Աննան՝ 4 օր: Քանի՞ օր է աշխատում Նարինեն մեկ շաբաթվա ընթացքում:

• 1

• 2

• 3

• 4

Դասարանում կա 30 աշակերտ: Նրանք նստած են զույգերով, ընդ որում յուրաքանչյուր տղայի կողքին նստած է աղջիկ, իսկ աղջիկների ուղիղ կեսի կողքին նստած է տղա: Քանի՞ տղա կա դասարանում:

• 20

• 25

• 10

• 5

Տատիկն իր չորս կատուների համար գնեց կեր, որը նրանց կբավականացներ 12 օր: Տուն գնալու ճանապարհին նա իր հետ վերցրեց ևս երկու թափառող կատու: Եթե նա ամեն օր յուրաքանչյուր կատվին տա նույն քանակով կեր, ապա քանի՞ օր կբավականացնի կատուների համար գնված կերը:

• 8

• 7

• 6

• 5

Գուրգենը գնաց լեռներ 5-օրյա արշավի: Նա սկսեց արշավը երկուշաբթի օրը, իսկ նրա արշավի վերջին օրը ուրբաթն էր: Ամեն օր Գուրգենը քայլել է 2 կմ-ով ավելի, քան նախորդ օրը: Արշավի ավարտին նրա անցած ընդհանուր ճանապարհը 70 կմ էր: Քանի՞ կմ էր քայլել Գուրգենը հինգշաբթի օրը:

• 12կմ

• 16կմ

• 14կմ

• 15կմ